സാറേ, ആ ബിലാലും പിള്ളേരും അവിടെ കിടന്നു 'കറങ്ങുന്നുണ്ട്'; ഒന്നൊന്നര വീഴ്ചയായി പോയി

വെക്കേഷൻ ആർമാദിക്കുകയാണ് കുട്ടികൾ. മൊബൈലിലേക്കും കംപ്യൂട്ടറിലേക്കും ടിവിയിലേക്കുമെല്ലാം കുട്ടികൾ ചുരുങ്ങുന്നു എന്ന ആശങ്കകൾ ഇപ്പോഴും ശക്തമാണ്. എന്നാൽ ഒരു കുട്ടി കൂട്ടത്തിന്റെ വെക്കേഷൻ ആഘോഷമാണ് ഇപ്പോൾ സമൂഹമാധ്യമങ്ങളിൽ വൈറലാവുന്നത്. 48 മണിക്കൂറിനുള്ളിൽ വിഡിയോ 10 ലക്ഷത്തിന് മുകളിൽ ആളുകൾ കണ്ടുകഴിഞ്ഞു. 

വീടിന്റെ മുറ്റത്ത് നിന്ന് ഒരു കൂട്ടം കുട്ടികൾ കറങ്ങിക്കൊണ്ടിരിക്കുകയാണ്. കറങ്ങി കറങ്ങി നിലതെറ്റി ഓരോന്നോരോന്നായി വീഴുകയാണ് വിഡിയോയിൽ. ചെടിച്ചട്ടിക്ക് മുകളിലേക്കും ചെടികളിലേക്കും ഒരാൾക്ക് മുകളിലേക്ക് മറ്റൊരാൾ എന്നിങ്ങനെ ഒരു രക്ഷയുമില്ലാത്ത വിധമാണ് കറങ്ങി കറങ്ങി ഒന്നൊന്നര വീഴ്ചകൾ.

തലകറങ്ങിയുള്ള ഈ വീഴ്ചയും ഒപ്പം കിടിലൻ എഡിറ്റിങ്ങും വന്നതോടെ പിള്ളേരുടെ വെക്കേഷൻ ആഘോഷം സമൂഹമാധ്യമങ്ങളിൽ വൈറലായി കഴിഞ്ഞു. ഒരുലക്ഷത്തിന് മുകളിൽ ആളുകൾ ഈ വിഡിയോ ലൈക്ക് ചെയ്തു. 

View this post on Instagram

A post shared by Syam Karma (@karma_storiess)

വെറുതെ ജവാൻ അടിച്ച് കാശ് കളഞ്ഞു. ഇങ്ങനെ കറങ്ങിയാ മതിയായിരുന്നു എന്നാണ് വിഡിയോയ്ക്ക് അടിയിൽ ലൈക്ക് വാരിക്കൂട്ടിയ കമന്റുകളിൽ ഒന്ന്. Le ചെടിച്ചട്ടി: ഒരു സൈഡ് ഒതുങ്ങികൂടി ഇരുന്നാലും വിടില്ലല്ലോ കർത്താവെ.. Le ചേച്ചി : ഞാൻ പൊയ്ക്കോളാം, തലേടെ മരവിപ്പ് ഒന്ന് മാറിക്കോട്ടെ എന്നാണ് മറ്റൊരു രസകരമായ കമന്റ്. 

Read More

• താജ് മഹലിനെ ഇളക്കി മറിച്ച് മലബാറിലെ പിള്ളേർ; സ്റ്റൈലൻ വരവ് വൈറൽ
• ഇവനാര് കാക്ക തമ്പുരാനോ? ആ വിളികേട്ട് കാക്ക കൂട്ടം പറന്നെത്തി; വൈറൽ വിഡിയോ
• കണിക്കൊന്ന പറിച്ചും പശുവിനെ മേയ്ച്ചും ട്രംപ്; 'ഡോണൾഡ് അച്ചായൻ' എന്ന് സോഷ്യൽ മീഡിയ
• 'രോഹിത് ശർമ ഇടയ്ക്ക് ഡക്ക് ആകാറുണ്ട്;' ആരാധികയെ ഞെട്ടിച്ച് ബേസിലിന്റെ 'തഗ്' മറുപടി
• പടക്കം പൊട്ടിച്ചും പപ്പടം കാച്ചിയും റൊണാൾഡോയും സഞ്ജുവും; വൈറലായി വിഷു ആഘോഷം; വീഡിയോ
• "ചേച്ചിമാരെ കണ്ടു പഠിച്ചതായിരിക്കും, ഒറ്റ സ്റ്റെപ്പും തെറ്റിച്ചില്ല," കൊച്ചുമിടുക്കിയുടെ ഡാൻസ് വൈറൽ; വീഡിയോ