'നന്ദിയുണ്ടേ,' ഇത് മമ്മൂട്ടിയല്ല സത്യേട്ടനാ; വൈറലായി വീഡിയോ

കടകളിലും മറ്റും ഫോൺ പേയിലൂടെ പണം ട്രാൻസ്ഫർ ചെയ്താൽ ഇപ്പോൾ പരിചിതമായ ഒരു ശബ്ദമാണ് നമ്മൾ കേൾക്കാറ്. മെഗസ്റ്റാർ മമ്മുട്ടിയാണ് പണമിടപാട് നടത്തുമ്പോൾ പൈസ കൈപ്പറ്റിയത് അറിയിക്കുന്നതും നന്ദി പറയുന്നതും. "രൂപ ഫോൺ പേയിൽ ക്രെഡിറ്റ് ആയിട്ടുണ്ട്. നന്ദിയുണ്ടേ!" എന്ന മമ്മൂട്ടിയുടെ ഡയലോഗ് സോഷ്യൽ മീഡിയിയലടക്കം ഹിറ്റാണ്. 

ഇപ്പോഴിതാ, ചായക്കടയിൽ പറ്റുതീർക്കാനെത്തിയ യുവാക്കളോടെ മമ്മൂട്ടിയുടെ ഡയലോഗ് അനുകരിച്ച് നന്ദി പറയുന്ന കടയുടമയുടെ വീഡിയോയാണ് സോമൂഹ്യ മാധ്യമങ്ങളിൽ ശ്രദ്ധനേടുന്നത്. "പറ്റ് തീർത്തപ്പോൾ സത്യേട്ടന്റെ ഒരു അപ്ഡേറ്റഡ്, സന്തോഷം, നന്ദിയുണ്ടേ" എന്ന കൂറിപ്പോടെയാണ് വീഡിയോ പങ്കുവച്ചിരിക്കുന്നത്.

View this post on Instagram

A post shared by Shinab__ahd (@shinabprinton)

പണം ലഭിച്ച സന്തോഷത്തിൽ "നന്ദിയുണ്ടേ" എന്ന കടയുടമയുടെ ഡയലോഗ് കേട്ട് കടയിലുണ്ടായിരുന്നവർ പൊട്ടിച്ചിരിക്കുന്നതാണ് വീഡിയോ. നിരവധി രസകരമായ കമന്റുകളാണ് വീഡിയോയ്ക്ക് ലഭിക്കുന്നത്. ഷിനാബ് എന്നയാളാണ് വീഡിയോ ഇൻസ്റ്റഗ്രാമിൽ പോസ്റ്റുചെയ്തത്. 6 ലക്ഷത്തിലധികം കാഴ്ചകളാണ് ഇതുവരെ വീഡിയോ നേടിയത്.

ഈ വർഷം ആദ്യം മുതലാണ്, ഫോൺ പേ സിനിമ താരങ്ങളുടെ ശബ്ദത്തിൽ പണമിടപാട് വിവരങ്ങൾ അറിയിക്കാൻ തുടങ്ങിയത്. കേരളത്തിൽ മമ്മൂട്ടിയും ഹിന്ദിയിൽ അമിതാഭ് ബച്ചനുമാണ് ഫോൺ പേയ്ക്കു വേണ്ടി നന്ദി പറയുന്നത്. തെലുങ്കിൽ മഹേഷ് ബാബുവും കന്നഡയിൽ കിച്ച സുദീപുമാണ് ഫോൺ പേയുടെ ശബ്ദമാകുന്നത്.

Read More

• അങ്കിളേ, കൈലാസം വരെയാക്കി തരുമോ? ഓട്ടോ വിളിച്ച് 'ശിവൻ'; ചിരിയടക്കാനാവാതെ ഡ്രൈവർ
• നിവിൻചേട്ടാ ഓടിക്കോ; എംഫോർ ടെകിനൊപ്പം സോഷ്യൽ മീഡിയയുടെ ഹൃദയം കീഴടക്കി മലയാളി ഫ്രം ഇന്ത്യ ടീം
• 'ഇതു ചെറുത്,' വേണ്ടിവന്നാൽ ഈ സ്കൂട്ടറിൽ വീടും കയറ്റും
• ഇതൊന്നും എംവിഡി കാണുന്നില്ലേ; കാഴ്ചക്കാരെ അമ്പരപ്പിച്ച് തലതിരിഞ്ഞ് ഓടുന്ന കാർ
• കമന്റിട്ടാൽ ഉണ്ണിയേട്ടനെ വിവാഹം കഴിക്കുമെന്ന് മലയാളി യുവതി; ഞാൻ മോതിരവുമായി വരട്ടെ എന്ന് കിലിപോൾ
• പൂസായാൽ പൂക്കുറ്റി തലയിലും കത്തിക്കും; വൈറലായൊരു വിഷു ആഘോഷം