Google Trends: ആദ്യ പന്ത് പറത്തി വൈഭവിന്റെ 'മാസ്സ് എൻട്രി;' ഗൂഗിളിൽ താരത്തെ തിരഞ്ഞത് ഇരുപതു ലക്ഷംപേർ

ഐപിഎൽ ചരിത്രത്തിൽ അരങ്ങേറ്റം കുറിക്കുന്ന ഏറ്റവും പ്രായം കുറഞ്ഞ ഇന്ത്യൻ താരമെന്ന റോക്കോർഡുമായി ക്രീസിലെത്തി, നേരിട്ട ആദ്യ പന്ത് സിക്സർ പറത്തി ക്രിക്കറ്റ് ആരാധകരുടെ മനസിൽ ഇന്നിങ്സ് ആരംഭിച്ചിരിക്കുകയാണ് 14 കാരൻ വൈഭവ് സൂര്യവൻഷി. രാജസ്ഥാൻ റോയൽസിനായി ഐപിഎല്ലിൽ അരങ്ങേറ്റം കുറിച്ച വൈഭവ് ആണ് ക്രിക്കറ്റ് ലോകത്ത് ഇപ്പോൾ ചർച്ചാ വിഷയം.

ക്രിക്കറ്റിനെ സ്നേഹിക്കുന്ന ഏതൊരാളും സ്വപ്നം കാണുന്ന തുടക്കമായിരുന്നു വൈഭവിന് ലഭിച്ചത്. ഇപ്പോഴിതാ ഗുഗിളിലും ട്രെൻഡ് ആവുകയാണ് വൈഭവ് സൂര്യവൻഷി. രാജസ്ഥാൻ റോയൽസ് - ലക്നൗ സൂപ്പർ ജയന്റ്സ് മത്സരത്തിനു പിന്നാലെ ഇരുപത് ലക്ഷത്തിലധികം ആളുകളാണ് വൈഭവിനെ ഗൂഗിളിൽ തിരഞ്ഞത്. നിലവിൽ ഗുഗിൾ ട്രെൻഡിങ്ങിൽ ഒന്നാം സ്ഥാനത്താണ് വൈഭവ്.

ലക്നൗവിനെതിരെ രാജസ്ഥാൻ ചെയ്സ് ചെയ്യുമ്പോൾ ഷാർദുൽ താക്കൂറിനെയാണ് വൈഭവ് സിക്സ് പറത്തി തന്റെ ക്രിക്കറ്റ് ലോകത്തേക്കുള്ള വരവ് പ്രഖ്യാപിച്ചത്. സന്ദീപ് ശർമയെ പിൻവലിച്ച് ഇംപാക്ട് സബ്സ്റ്റിറ്റ്യൂട്ടായാണ് വൈഭവിനെ രാജസ്ഥാൻ ഇറക്കിയത്. 

View this post on Instagram

A post shared by IPL (@iplt20)

തുടക്കക്കാരന്റെ പരിഭ്രമം ഒന്നും ഇന്നിങ്സിന്റെ തുടക്കം മുതൽ വൈഭവിൽ ഉണ്ടായില്ല. കവറിന് മുകളിലൂടെ വൈഭവ് ഷാർദുലിനെ സിക്സ് പറത്തി. അവിടം കൊണ്ടും തീർന്നില്ല. ആവേശ് ഖാന് എതിരേയും തൊട്ടടുത്ത ഓവറിൽ വൈഭവിന്റെ സിക്സും ഫോറും വന്നു. 

View this post on Instagram

A post shared by IPL (@iplt20)

സഞ്ജുവിന് പകരമാണ് വൈഭവിനെ യശസ്വിക്കൊപ്പം രാജസ്ഥാൻ ഓപ്പണിങ്ങിൽ ഇറക്കിയത്. അഞ്ച് ഓവറിൽ ഇരുവരും ചേർന്ന് 50 റൺസിന്റെ കൂട്ടുകെട്ട് കണ്ടെത്തി. പവർപ്ലേയിൽ യശസ്വിയായിരുന്നു കൂടുതൽ റൺസ് കണ്ടെത്തിയത്. എന്നാൽ പവർപ്ലേ അവസാനിക്കുമ്പോൾ 12 പന്തിൽ നിന്ന് 175 എന്ന സ്ട്രൈക്ക്റേറ്റിൽ കളിച്ച് 21 റൺസ് കണ്ടെത്താൻ വൈഭവിനായി. 

Read More

• Vaibhav Suryavanshi: എട്ടാം ക്ലാസുകാരന്റെ ബാറ്റിങ് കാണാൻ ഉറങ്ങിയില്ല; കയ്യടിച്ച് സുന്ദർ പിച്ചൈ
• Vaibhav Suryavanshi: 14കാരൻ ചില്ലറക്കാരനല്ല; നേരിട്ട ആദ്യ പന്ത് തന്നെ സിക്സ്; വരവ് പ്രഖ്യാപിച്ച് വൈഭവ്
• ഇത് ചതിയായി പോയി; ബട്ട്ലറിന് സെഞ്ചുറി നിഷേധിച്ച് സഹതാരം തെവാട്ടിയ
• ആരാധകരെ ഭയന്ന് അശ്വിൻ; ധോണിയുടെ പേര് പറഞ്ഞ പാനലിസ്റ്റിനെ നിശബ്ദനാക്കി