Vedan Arrested: ഡ്രഗ്സ് ചെകുത്താനാണ്, ഉപയോഗിക്കരുതെന്നു പറഞ്ഞ വേടന് ഇതെന്തുപറ്റിയെന്നു ആരാധകർ

കേരളത്തിൽ ധാരാളം ആരാധകരുള്ള റാപ്പറാണ് വേടൻ എന്ന ഹിരൺദാസ് മുരളി. എറണാകുളത്തെ വേടന്റെ ഫ്ലാറ്റിൽ നിന്ന് കഞ്ചാവ് കണ്ടെത്തിയ സംഭവം ഞെട്ടലോടെയാണ് ആരാധകർ ഏറ്റെടുത്തത്. സാമൂഹ്യ മാധ്യമങ്ങളിലടക്കം സംഭവം ചർച്ചയാവുകയാണ്.

ലഹരിക്കെതിരെ തന്റെ പരിപാടികളിൽ പ്രചരണം നടത്തിയിരുന്ന ആളാണ് വേടൻ. സിന്തറ്റിക് ഡ്രഗ്‌സ് ആരും ഉപയോഗിക്കരുതെന്നും അത് ചെകുത്താനാണെന്നും വേടൻ ഒരു വേദിയിൽ ആരാധകരോട് പറയുന്ന വീഡിയോ അടുത്തിടെ വലിയ രീതിയിൽ ശ്രദ്ധനേടിയിരുന്നു. ലഹരിക്കെതിരെ മക്കളെ പറഞ്ഞു മനസ്സിലാക്കണമെന്ന് നിരവധി മാതാപിതാക്കൾ തന്നോട് ആവശ്യപ്പെട്ടതായും വേടൻ പറഞ്ഞിരുന്നു.

ഡ്രഗ്സ് ചെകുത്താനാണെന്നും ഉപയോഗിക്കരുതെന്നും പറഞ്ഞ വേടന് ഇതെന്തുപറ്റിയെന്ന് ആണ് ആരാധകർ ഇപ്പോൾ സാമൂഹ്യ മാധ്യമങ്ങളിലൂടെ ചോദിക്കുന്നത്. വേടന്റെ അറസ്റ്റുമായി ബന്ധപ്പെട്ട പോസ്റ്റുകളിലെല്ലാം സമാന കമന്റുകളാണ് നിറയുന്നത്.

ലഹരി ഉപയോഗിക്കുന്നുണ്ടെന്ന വിവരത്തെ തുടർന്ന് ഡാൻസഫ് സംഘം നടത്തിയ പരിശോധനയിലാണ് കഞ്ചാവ് പിടികൂടിയത്. വേടൻ അടക്കം ഒൻപത് പേർ ഫ്ലാറ്റിലുണ്ടായിരുന്നതായാണ് വിവരം. അതേസമയം, കഞ്ചാവ് പിടികൂടിയതിനു പിന്നാലെ, ബുധനാഴ്ച ഇടുക്കിയിൽ നടക്കുന്ന സർക്കാരിന്റെ നാലാം വാർഷികാഘോഷങ്ങളിൽ നിന്ന് വേടന്റെ റാപ്പ് ഷോ ഒഴിവാക്കിയിട്ടുണ്ട്. 

Read More

• Vedan Arrested: റാപ്പർ വേടൻ കഞ്ചാവുമായി അറസ്റ്റിൽ; ഉപയോഗം സമ്മതിച്ചതായി പൊലീസ്
• 'ഇൻഡസ്ട്രിയെ മുഴുവൻ സംശയത്തിന്റെ മുനയിൽ നിർത്തുന്ന പ്രവൃത്തി, അഗ്നി ശുദ്ധി വരുത്തി മുന്നോട്ട് പോകും:' അഭിലാഷ് പിള്ള
• Hybrid Ganja Case: ഹൈബ്രിഡ് കഞ്ചാവ് കേസ്; സംവിധായകരെ ഫെഫ്ക സസ്‌പെൻഡ് ചെയ്തു; സമീർ താഹിറിനെ എക്‌സൈസ് ചോദ്യം ചെയ്യും
• "ശക്തമായി പ്രതികരിക്കാന്‍ തീരുമാനിച്ചു;" വ്യാജ പ്രചരണങ്ങൾക്കെതിരെ നടി പ്രയാഗ മാർട്ടിൻ
• Thudarum Box Office Collection: ബോക്സ് ഓഫീസിലും ഒരേയൊരു രാജാവ്; കുതിപ്പ് 'തുടരു'ന്നു