അമ്യൂസ്‌മെന്റ് റൈഡ് തകരാറിലായി; സന്ദർശകർ തലകീഴായി കുടുങ്ങി കിടന്നത് അര മണിക്കൂറോളം; വീഡിയോ

അമ്യൂസ്‌മെന്റ് റൈഡ് തകരാറിലായതിനെ തുടർന്ന് സന്ദർശകർ കുടുങ്ങി. ഹൈദരാബദിലെ നുമൈഷ് എക്‌സിബിഷനിലാണ് സംഭവം. ബാറ്ററി തകരാറു മൂലം പ്രവർത്തനം നിലച്ച റൈഡിൽ തലകീഴായി അര മണിക്കൂറോളമാണ് സന്ദർശകർ കുടുങ്ങി കിടന്നത്. 

ആളുകൾ റൈഡിൽ കുടുങ്ങി കിടക്കുന്നതിന്റെ വീഡിയോ സാമൂഹ്യ മാധ്യമങ്ങളിൽ വ്യാപകമായി പ്രചരിക്കുന്നുണ്ട്. 'ട്രയൽ റണ്ണിനിടെ റൈഡിന് തകരാറുണ്ടായെന്നും, സൈറ്റിലെ സാങ്കേതിക വിദഗ്ധർ പരമാവധി വേഗത്തിൽ ബാറ്ററി മാറ്റി പ്രശ്നം പരിഹരിച്ചെന്നും' എക്‌സിബിഷൻ സൊസൈറ്റിയിലെ ഒരു ഉദ്യോഗസ്ഥൻ പറഞ്ഞു.

Numaish in Hyderabad: Passengers stuck upside down in amusement ride

An amusement ride at Hyderabad's Numaish got stuck upside down for more than 25 minutes on Thursday evening, January 16. The ride which reportedly had few passengers on board halted unexpectedly due to battery… pic.twitter.com/jElvGfP4e2

— The Siasat Daily (@TheSiasatDaily) January 16, 2025

സന്ദർശകർ 25 മിനിറ്റോളം അമ്യൂസ്‌മെന്റ് റൈഡിൽ കുടുങ്ങി കിടന്നതായി ദി സിയാസത്ത് ഡെയ്‌ലി റിപ്പോർട്ട് ചെയ്തു. ആളുകൾ തല കീഴായി കുടുങ്ങി കിടക്കുന്നതിന്നതും ജീവനക്കാർ തകരാർ പരിഹരിക്കാനായി റൈഡിൽ കയറുന്നതും വൈറലാകുന്ന വീഡിയോയിൽ കാണാം.

സന്ദർശകരുടെ ജീവന് ഭീഷണി ഉയർത്തുന്ന സംഭവം സോഷ്യൽ മീഡിയയിൽ വ്യപക വിമർശനം നേരിടുകയാണ്. കൃത്യമായ സുരക്ഷാ പരിശോധനകളില്ലാതെയാണ് ഇത്തരം റൈഡുകൾ പലയിടത്തും പ്രവർത്തിക്കുന്നതെന്ന് നെറ്റിസൺമാർ കമന്റ് വിഭാഗത്തിൽ കുറിച്ചു. അധികൃതർ കർശന നടപടി സ്വീകരിക്കണമെന്നും പലരും അഭിപ്രായപ്പെട്ടു.

Read More

• ആ വൈറൽ പെൺകുട്ടി ഇവിടെയുണ്ട്; സോഷ്യൽ മീഡിയയിൽ തരംഗമായി 'കുംഭമേളയിലെ മൊണാലിസ'
• ജൂനിയർ എൻടിആറിനെ ഞെട്ടിച്ച് കൊച്ചുമിടുക്കൻ; ഡാൻസ് വീഡിയോ കണ്ടത് 2.6 കോടിയിലേറെപ്പേർ
• കോപ്പിയടി കൈയ്യോടെ പൊക്കി; അധ്യാപകനെ ക്ലാസ് മുറിയിലിട്ട് തല്ലി വിദ്യാർത്ഥി; വീഡിയോ
• 'ഇതാര് ജയറാമേട്ടനോ,' മോദിയുടെ ബോഡിഗാർഡിനെ കണ്ട് സോഷ്യൽ മീഡിയ
• മാളിൽ കുരങ്ങന്റെ 'ഷോപ്പിങ്;' യുവതിയുടെ ഷൂ തട്ടിയെടുത്ത് പരാക്രമം; വീഡിയോ