വന്ദേ ഭാരത് ട്രെയിനിൽ വിളമ്പിയ ഭക്ഷണത്തിൽ ചത്ത പാറ്റ; പ്രതികരണവുമായി ഇന്ത്യൻ റെയിൽവേ

വന്ദേ ഭാരത് എക്‌സ്പ്രസ് ട്രെയിനിൽ വിളമ്പിയ ഭക്ഷണത്തിൽ ചത്ത പാറ്റയെ കണ്ടെത്തി. ഭോപ്പാലിൽ നിന്ന് ആഗ്രയിലേക്കുള്ള യാത്രയിൽ ദമ്പതികൾക്ക് വിളമ്പിയ ഭക്ഷണത്തിൽ നിന്നാണ് പാറ്റയെ കണ്ടെത്തിയത്. കറിയിൽ നിന്ന് ലഭിച്ച പാറ്റയുടെ ചിത്രം സോഷ്യൽ മീഡിയയിൽ പങ്കുവച്ചതോടെ വ്യാപക വിമർശനമാണ് ഇന്ത്യൻ റെയിൽവേയ്ക്ക് നേരെ ഉയരുന്നത്.

വന്ദേ ഭാരതിൽ നിന്ന് ലഭിച്ച ഉരുളക്കിഴങ്ങ് കറിയിൽ നിന്നാണ് പാറ്റയെ കിട്ടയിത്. ദമ്പതികളുടെ അനന്തരവനായ വിദിത് വർഷ്‌നിയാണ് എക്സിലൂടെ ചിത്രം പങ്കുവച്ചത്. സമാന സംഭവങ്ങൾ ആവർത്തിക്കാതിരിക്കാൻ ഭക്ഷണം വിളമ്പിയവർക്കെതിരെ ഉടൻ നടപടിയെടുക്കണമെന്ന് ഇയാൾ പോസ്റ്റിൽ ആവശ്യപ്പെട്ടിരുന്നു.

പോസ്റ്റ് വൈറലായതിന് പിന്നാലെ, സംഭവത്തിൽ പ്രതികരണവുമായി ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ രംഗത്തെത്തി. ദുരനുഭവത്തിൽ ഖേദം പ്രകടിപ്പിക്കുന്നതായും, വിഷയം ഗൗരവമായി എടുക്കുകയും സേവന ദാതാവിന് ഉചിതമായ പിഴ ചുമത്തുകയും ചെയ്തിട്ടുണ്ടെന്ന്' വൈറൽ പോസ്റ്റിൽ റെയിൽവേ പ്രതികരിച്ചു.

Sir, We apologize for the travel experience you had.The matter has been viewed seriously and suitable penalty has been imposed on concerned service provider. We have also intensified the production and logistics monitoring.

— IRCTC (@IRCTCofficial) June 20, 2024

റെയിൽവേയിൽ നിന്ന് പ്രതികരണമുണ്ടായെങ്കിലും, ഇന്ത്യയിലെ ട്രെയിനുകളുടെ ശുചിത്വ മാനദണ്ഡങ്ങൾക്കെതിരെ നിരവധി വിമർശനമുണ്ടായി. വിശദീകരണം ആവശ്യപ്പെട്ട് റെയിൽവേ മന്ത്രി അശ്വിനി വൈഷ്ണവിനെ ടാഗ് ചെയ്ത് നിരവധി ഉപയോക്താക്കൾ സോഷ്യൽ മീഡിയയിൽ രംഗത്തെത്തി. 

കഴിഞ്ഞ വർഷവും വന്ദേ ഭാരത് എക്‌സ്പ്രസ് ട്രെയിനിൽ സമാന സംഭവം റിപ്പോർട്ട് ചെയ്തിരുന്നു. യാത്രക്കാരന് നൽകിയ ചപ്പാത്തിയിലായിരുന്നു അന്ന് പാറ്റയെ കണ്ടെത്തിയത്. ഈ സംഭവത്തിലും റെയിൽവേ കുറ്റക്കാർക്ക് പിഴ ചുമത്തിയിരുന്നു.

Read More Entertainment Stories Here

• പാട്ടുമായി ജിമിക്കി ജാനകി, കണ്ണിറുക്കി കാണിച്ച് സായിപ്പ്; റീൽ വൈറൽ
• ലാലേട്ടനെ നെഞ്ചിൽ പതിപ്പിച്ച് ആരാധകൻ; സർപ്രൈസുമായി സാക്ഷാൽ മോഹൻലാൽ
• 6300 കോടി ആസ്തി; ഇന്ത്യൻ സിനിമയിലെ ഏറ്റവും സമ്പന്നൻ ഈ സൂപ്പർ താരം
• അവളെ തൊട്ടതെന്തിന്? ഷൂട്ടിംഗിനിടയിലെ പ്രണയം, സല്‍മാനോട്‌ ദേഷ്യപ്പെട്ട് സംവിധായകന്‍
• അച്ഛൻ വെയിറ്ററായി ജോലിചെയ്ത മൂന്നു ഹോട്ടലുകൾ ഇപ്പോഴും എന്റെ സ്വന്തം: സുനിൽ ഷെട്ടി