Google Trends: ഭൂമിയെ തൊട്ട് സുനിത വില്യംസ്, ഗൂഗിളിൽ ട്രെൻഡിങ്

Sunita Williams Google Trends: ഒൻപതു മാസം നീണ്ട രാജ്യാന്തര ബഹിരാകാശ നിലയത്തിലെ വാസത്തിനുശേഷം ഭൂമിയിലേക്ക് തിരികെ എത്തിയ സുനിത വില്യംസിനെ ലോകം ആദരവോടെയാണ് വരവേറ്റത്. സ്പേസ് എക്സിന്റെ ഡ്രാഗൺ ക്രൂ9 പേടകത്തിലാണ് സുനിത വില്യംസും ബുച്ച് വിൽമോർ, നിക് ഹേഗ്, അലക്സാണ്ടർ ഗോർബുനോവ് എന്നീ ബഹിരാകാശ യാത്രികരും അടങ്ങിയ സംഘം ഭൂമിയിൽ തിരികെ എത്തിയത്. 

സുനിത വില്യംസിന്റെ ഭൂമിയിലേക്കുള്ള മടങ്ങി വരവ് ഗൂഗിളിലും ട്രെൻഡിങ് ആയിട്ടുണ്ട്. നിലവിൽ ട്രെൻഡിങ്ങിൽ രണ്ടാം സ്ഥാനത്താണ് സുനിത വില്യംസ്. കഴിഞ്ഞ 24 മണിക്കൂറിനിടെ 50,000 ത്തിലധികം പേരാണ് സുനിതയെ ഗൂഗിളിൽ തിരഞ്ഞത്. 

ബോയിങ്ങിന്റെ സ്റ്റാര്‍ലൈനര്‍ പേടകത്തിന്റെ മനുഷ്യനെയും വഹിച്ചുള്ള ആദ്യപരീക്ഷണത്തിന്റെ ഭാഗമായി വെറും എട്ട് ദിവസത്തെ ദൗത്യത്തിനായി 2024 ജൂണിൽ ഭൂമിയിൽ നിന്ന് രാജ്യാന്തര ബഹിരാകാശ നിലയത്തിലേക്ക് പറന്ന സുനിത വില്യംസും ബുച്ച് വിൽമോറും അവിടെ കുടുങ്ങുകയായിരുന്നു. 

പലതവണ ഇരുവരെയും മടക്കികൊണ്ടുവരാൻ നാസ ശ്രമിച്ചുവെങ്കിലും ഹീലിയം ചോർച്ചയും ത്രസ്റ്ററുകൾക്ക് തകരാറുമുള്ള, സ്റ്റാർലൈനറിന്റെ അപകട സാധ്യത മുന്നിൽക്കണ്ട് മടക്കയാത്ര നീട്ടിവെക്കുകയായിരുന്നു. പിന്നീട് അടുത്ത ഗവേഷണ സംഘമായ ക്രൂ 10 ഐഎസ്എസില്‍ എത്തിയതോടെയാണ് സുനിത വില്യംസും ബുച്ച് വില്‍മോറും അടങ്ങുന്ന ക്രൂ 9 സംഘം ഭൂമിയിലേക്ക് തിരിച്ചത്. 

Read More

• 'ഗോട്ടിനെ കണ്ടുമുട്ടി;' കോഹ്ലിക്കൊപ്പം ആർസിബി ജേഴ്സിയിൽ ഹനുമാൻ കൈൻഡ്
• ആറാട്ടണ്ണൻ അല്ല എൻ തമ്പിയെന്ന് പേളി, എനിക്കും ചിലത് പറയാനുണ്ടെന്ന് ശ്രീനിഷ്
• 'ഫോൺ കൈകൊണ്ട് തൊടരുതെന്നാ ടീച്ചർ പറഞ്ഞേ...' അമ്മയുടെ ഫോൺ വെള്ളത്തിലെറിഞ്ഞ് കുഞ്ഞ്; വൈറലായി വീഡിയോ
• ഒറ്റക്കടിക്ക് മൂർഖൻ രണ്ടു കഷ്ണം; യജമാനനെ കാത്ത് റോട്ട്‌വീലർ; വീഡിയോ വൈറൽ