അന്ന് മോണോ ആക്ടിൽ ഫസ്റ്റ് അടിച്ച പെൺകുട്ടി; ഇന്ന് കേരളത്തിന് സുപരിചിത

കൊല്ലത്ത് കൗമാര കലയുടെ മാമാങ്കം അരങ്ങ് തകർത്ത് പുരോഗമിക്കുകയാണ്. ഈ സമയത്ത് സ്കൂൾ കാലഘട്ടത്തിലെ തങ്ങളുടെ കലോത്സവ ഓർമ്മകളിലൂടെ കടന്നുപോവാത്തവർ ചുരുക്കമായിരിക്കും. അത്തരത്തിലെ ഒരു ഓർമ്മ പങ്കിട്ടിരിക്കുകയാണ് അരുവിക്കര എം എൽ എ യായ ജെ സ്റ്റീഫൻ.

ഒരു പെൺകുട്ടി വേദിയിൽ മോണോ ആക്ട് അവതരിപ്പിക്കുന്ന 1992 ലെ ചിത്രമാണ് അദ്ദേഹം പങ്കിട്ടിരിക്കുന്നത്. ആ പെൺകുട്ടി ഇപ്പോൾ നമുക്ക് ഏവർക്കും സുപരിചിതയായ ഒരു മന്ത്രിയാണെന്നും ഫോട്ടോ പങ്കുവെച്ചുകൊണ്ട് എംഎൽഎ തന്റെ ഫെയ്സ്ബുക്കിൽ കുറിച്ചു.

ചിത്രമൊന്ന് ശരിക്കും നോക്കിയാൽ ആളെ നമുക്കും മനസ്സിലാകും. മറ്റാരുമല്ല സംസ്ഥാന ആരോഗ്യ മന്ത്രിയായ വീണാ ജോർജ്ജിന്റെ കലോത്സവ കാല ചിത്രമാണ് എം എൽ എ പങ്കുവെച്ചിരിക്കുന്നത്. 1992ൽ തിരൂരിൽ നടന്ന സംസ്ഥാന സ്കൂൾ കലോത്സവത്തിൽ മോണോ ആക്ടിന് ഒന്നാം സ്ഥാനം നേടിയ ഒരു പെൺകുട്ടി ഇന്ന് കേരളത്തിന്റെ പ്രിയപ്പെട്ട മന്ത്രിയാണ്.

ആരോഗ്യ വകുപ്പ് മന്ത്രി വീണാ ജോർജ്ജ് എന്നാണ് ചിത്രം പങ്കുവച്ചുകൊണ്ട് എംഎൽഎ തന്റെ പോസ്റ്റിൽ കുറിച്ചത്. എംഎൽഎ പങ്കിട്ട ചിത്രം ഇതിനോടകം തന്നെ സോഷ്യൽ മീഡിയയിൽ വൈറലായിട്ടുണ്ട്.

Read More Trending Stories Here

• 'ഇതൊക്കെ എന്ത്;' വൈറലായി 80 കാരന്റെ വർക്കൗട്ട്
• എന്റെ പൊന്നേ... ഈ കുഞ്ഞ് വായിൽ നിന്നാണോ ഈ ഹൈ വോൾട്ടേജ് പാട്ട്?; 'ആലായാല്‍ തറ വേണം' പാടി ഞെട്ടിച്ച് കുട്ടിമിടുക്കൻ, വീഡിയോ
• ആദ്യം മുദ്ര പഠിക്കാം, നടത്തമൊക്കെ പിന്നെയാവാം; ഡാൻസ് പഠനം അമ്മയുടെ മടിയിൽ നിന്നുതന്നെ തുടങ്ങി കുഞ്ഞാവ
• ദിവസവും കുടിക്കുന്നത് 'ബബിൾ ടീ'; യുവതിയുടെ വൃക്കയിൽ കണ്ടെത്തിയത് 300 കല്ലുകൾ