IPL 2024: അയോദ്ധ്യ രാമക്ഷേത്രത്തിന് മുന്നിൽ കണ്ണീരണിഞ്ഞ് ഐപിഎൽ താരങ്ങൾ, വീഡിയോ

17ാമത് ഐപിഎൽ സീസണിന് മുന്നോടിയായി കിരീടം നേടുന്നതിനായി അയോദ്ധ്യയിലെ രാമക്ഷേത്രത്തിൽ ദർശനം നടത്തി ലഖ്‌നൗ സൂപ്പർ ജയന്റ്സ് താരങ്ങളും കോച്ചിങ് സ്റ്റാഫും. ദർശനം നടത്തുന്നതിനിടെ ദക്ഷിണാഫ്രിക്കൻ സ്പിന്നർ കേശവ് മഹാരാജും ഇതിഹാസ താരവും ടീമിന്റെ ഫീൽഡിങ് കോച്ചുമായ ജോണ്ടി റോഡ്സും വികാരഭരിതരായി. 

ദർശനം നടത്തുന്നതിനിടെ ഇരുവരും കണ്ണീരണിയുന്നതും പ്രാർത്ഥിക്കുന്നതും വീഡിയോയിൽ കാണാം. ലഖ്‌നൗ അവരുടെ സോഷ്യൽ മീഡിയ പേജിൽ പങ്കുവച്ച വീഡിയോ നിരവധി പേരാണ് ഇതിനോടകം കണ്ടത്. ക്യാപ്റ്റൻ കെ.എൽ. രാഹുൽ നയിക്കുന്ന ടീമിലെ യുവതാരങ്ങളായ രവി ബിഷ്ണോയി, ദീപക് ഹൂഡ എന്നിവരും ദർശനം നടത്തി. 

Lucknow se Ayodhya tak 🙏💙 pic.twitter.com/DWCEQQNXTh

— Lucknow Super Giants (@LucknowIPL) March 21, 2024

കോച്ച് ജസ്റ്റിൻ ലാംഗറും ഇവർക്കൊപ്പമുണ്ടായിരുന്നു. ലാംഗർ ക്ഷേത്രത്തിന് മുന്നിൽ ധ്യാനിച്ചിരിക്കുന്ന വീഡിയോയും ടീം പങ്കുവച്ചു. അയോദ്ധ്യ ക്ഷേത്രത്തിൽ ദർശനം നടത്താൻ കഴിഞ്ഞതിൽ അതിയായ സന്തോഷമുണ്ടെന്ന് ദക്ഷിണാഫ്രിക്കൻ താരമായ കേശവ് മഹാരാജ് പറഞ്ഞു.

Lucknow Supergiants team visited the Shree Ram Temple in Ayodhya. ❤️‍🔥pic.twitter.com/GslK10f7cC

— Mufaddal Vohra (@mufaddal_vohra) March 21, 2024

ഈ ക്ഷേത്ര ദർശനം ദീർഘകാലം ഓർമ്മയിൽ സൂക്ഷിക്കുമെന്ന് കൂപ്പുകൈകളോടെ ജോണ്ടി റോഡ്സ് പറഞ്ഞു. ഇത് പറയുന്നതിനിടയിലും ഇതിഹാസ താരത്തിന്റെ കണ്ണുകൾ ഈറനണിഞ്ഞിരുന്നു. ജയ് ശ്രീരാം വിളിച്ചാണ് അദ്ദേഹം മടങ്ങിയത്. ഇന്ത്യയെ ഏറെയിഷ്ടപ്പെടുന്ന ജോണ്ടി റോഡ്സ് മകൾക്കിട്ട പേരും 'ഇന്ത്യ' എന്ന് തന്നെയായിരുന്നു. ക്ഷേത്രത്തിൽ വലിയ ജനത്തിരക്ക് ഉണ്ടായിരുന്നു.

A special trip to Ayodhya, to seek the blessings of Lord Ram before the new season 💙🙏 pic.twitter.com/avIiCKxR2U

— Lucknow Super Giants (@LucknowIPL) March 22, 2024

ഉത്തർപ്രദേശിനെ പ്രതിനിധീകരിച്ചാണ് ലഖ്നൌ ഐപിഎല്ലിൽ കളിക്കുന്നത്. സഞ്ജു സാംസൺ നയിക്കുന്ന രാജസ്ഥാനെതിരെയാണ് ഈ വരുന്ന ഞായറാഴ്ച അവരുടെ ആദ്യ മത്സരം.

Read More

• ചന്ദ്രനെ കണ്ട് അമ്പരന്ന് കുഞ്ഞാവ; കമന്റുമായി 'നാസ'
• 'ഗോമാതാവിന്റെ ബാക്ക് പോലുള്ള മുഖം', യൂട്യൂബറെ പരിഹസിച്ച് അമല ഷാജിയുടെ അമ്മ, വിമർശിച്ച് സോഷ്യൽ മീഡിയ
• നിയമം എല്ലാവർക്കും ഒന്നാ 'സാറേ;' ഹെൽമെറ്റ് ധരിക്കാത്ത പൊലീസുകാർക്ക് രൂക്ഷ വിമർശനം; വീഡിയോ
• വീൽചെയറിൽ ഇരുന്ന ആരാധകനോട് എഴുന്നേൽക്കാൻ പറഞ്ഞു; പുലിവാലുപിടിച്ച് ഗായിക മഡോണ; പിന്നാലെ ക്ഷമാപണം
• ദേ ഇങ്ങോട്ടു നോക്കൂ, ഇതാ നിങ്ങൾടെ ഉണ്ണിയേട്ടൻ: മലയാളം പാട്ടുമായി കിലി പോൾ വീണ്ടും