Google Trends: ഗൂഗിൾ ട്രെൻഡിങ്ങിൽ ഇടം പിടിച്ച് കുഞ്ചാക്കോ ബോബന്റെ 'ഓഫീസര്‍ ഓണ്‍ ഡ്യൂട്ടി'

കുഞ്ചാക്കോ ബോബനെ നായകനാക്കി ജിത്തു അഷറഫ് സംവിധാനം ചെയ്ത ചിത്രമാണ് 'ഓഫീസര്‍ ഓണ്‍ ഡ്യൂട്ടി'. ഫെബ്രുവരി 20ന് തിയേറ്ററുകളിലെത്തിയ ചിത്രം ഒടിടിയിൽ എത്തുകയാണ്. നെറ്റ്ഫ്ലിക്സിലൂടെയാണ് ഓഫീസര്‍ ഓൺ​ ഡ്യൂട്ടി ഒടിടിയിലെത്തിയത്.

ചിത്രം ഒടിടിയിൽ എത്തിയതിനുപിന്നാലെ ഗൂഗിൾ ട്രെൻഡിങ്ങിലും ഇടം പിടിച്ചു. കഴിഞ്ഞ 24 മണിക്കൂറിനിടെ 20,000 ത്തിലധികം പേരാണ് ഓഫീസര്‍ ഓണ്‍ ഡ്യൂട്ടി ചിത്രം ഗൂഗിളിൽ തിരഞ്ഞത്. നിലവിൽ ട്രെൻഡിങ്ങിൽ രണ്ടാം സ്ഥാനത്താണ് ഈ ചിത്രം. 

കുഞ്ചാക്കോ ബോബൻ അന്വേഷണ ഉദ്യോഗസ്ഥനായി എത്തുന്ന ഈ ക്രൈം ത്രില്ലറിന്റെ തിരക്കഥ ഒരുക്കിയത് ഷാഹി കബീറാണ്. സി.ഐ ഹരിശങ്കര്‍ എന്ന കഥാപാത്രത്തെയാണ് കുഞ്ചോക്കോ ബോബന്‍ ചിത്രത്തിൽ അവതരിപ്പിക്കുന്നത്. ജോസഫ്, നായാട്ട്, ഇലവീഴാപൂഞ്ചിറ എന്നീ ചിത്രങ്ങള്‍ക്ക് ശേഷം ഷാഹി കബീര്‍ തിരക്കഥയൊരുക്കിയിരിക്കുന്ന ചിത്രമാണിത്. 

നായാട്ട്, ഇരട്ട എന്നീ ചിത്രങ്ങളില്‍ അഭിനേതാവായും ഇരട്ട എന്ന ചിത്രത്തിന്റെ കോ-ഡയറക്ടറായും ശ്രദ്ധ നേടിയ ജീത്തു അഷ്റഫ് സംവിധായകനായി അരങ്ങേറ്റം കുറിച്ച ചിത്രമെന്ന പ്രത്യേകതയും ഓഫീസര്‍ ഓണ്‍ ഡ്യൂട്ടിയ്ക്കുണ്ട്. പ്രിയാമണി, ജഗദീഷ്, വിശാഖ് നായർ, മനോജ് കെ യു, ഉണ്ണി ലാലു, ജയ കുറുപ്പ്, വൈശാഖ് ശങ്കർ, വിഷ്‍ണു ജി വാരിയർ, അനുനാഥ്, ലേയ മാമ്മൻ, ഐശ്വര്യ, തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കൾ.

Read More

• സുനിത വില്യംസ് മലയാളി ആയിരുന്നെങ്കിൽ ഈ ചോദ്യങ്ങളൊക്കെ എപ്പൊ കേട്ടെന്ന് ചോദിച്ചാൽ മതി
• ഭൂമിയെ തൊട്ട് സുനിത വില്യംസ്, ഗൂഗിളിൽ ട്രെൻഡിങ്
• 'ഗോട്ടിനെ കണ്ടുമുട്ടി;' കോഹ്ലിക്കൊപ്പം ആർസിബി ജേഴ്സിയിൽ ഹനുമാൻ കൈൻഡ്
• ആറാട്ടണ്ണൻ അല്ല എൻ തമ്പിയെന്ന് പേളി, എനിക്കും ചിലത് പറയാനുണ്ടെന്ന് ശ്രീനിഷ്