കോട്ടപ്പള്ളി പ്രഭാകരൻ 2.0; ശ്രീനിവാസനെ കടത്തിവെട്ടി ധ്യാൻ, സംവിധാനം അനൂപ് സത്യൻ

മലയാളികളുടെ എവർഗ്രീൻ കോമ്പോയാണ് സത്യൻ അന്തിക്കാട്- ശ്രീനിവാസൻ കൂട്ടുകെട്ട്. കാലം ഇത്ര കഴിഞ്ഞിട്ടും ഇരുവരും ഒന്നിച്ച സിനിമകൾ ഇന്നും പ്രേക്ഷകർ ഓർത്തിരിക്കുന്നു. ശ്രീനി-സത്യൻ ടീമിന്റെ സൂപ്പര്‍ ഹിറ്റ് രാഷ്ട്രീയ-ആക്ഷേപഹാസ്യ ചിത്രമായ 'സന്ദേശം' ഇന്നും കാലികപ്രസക്തമാണ്. 

ചിത്രത്തിൽ ഏറെ ശ്രദ്ധനേടിയ ഭാഗമായിരുന്നു ശ്രീനിവാസന്റെ കഥാപാത്രമായ കോട്ടപ്പള്ളി പ്രഭാകരൻ പെണ്ണുകാണാൻ പോകുന്ന രംഗം. ഇപ്പോഴിതാ 'കോട്ടപ്പള്ളി പ്രഭാകരൻ 2.0' ആയി എത്തിയിരിക്കുകയാണ് ശ്രീനിവാസന്റെ മകൻ ധ്യാൻ ശ്രീനിവാസൻ. പ്രശസ്ത ഓണ്‍ലൈന്‍ ഗെയിമായ 'ബാറ്റില്‍ ഗ്രൗണ്ട്‌സ് മൊബൈല്‍ ഇന്ത്യയുടെ' (ബിജിഎംഐ) മലയാളം പരസ്യചിത്രത്തിലൂടെയാണ് കോട്ടപ്പള്ളി പ്രഭാകരൻ വീണ്ടും അവതരിക്കുന്നത്.

പരസ്യചിത്രത്തിന്റെ സംവിധാനം സത്യൻ അന്തിക്കാടിന്റെ മകൻ അനൂപ് സത്യൻ ആണെന്നതാണ് ഏറെ കൗതുകം. മലയാള സിനിമയിലെ രണ്ട് അതുല്യ പ്രതിഭകളുടെ മക്കൾ അവരുടെ അച്ഛൻമാർ ഒരുക്കിയ ഐതിഹാസിക രംഗം വീണ്ടും പുനഃസൃഷ്ടിച്ചതിന്റെ ആകാഷയിലാണ് ആരാധകർ.

ഒന്നര മിനിറ്റ് ദൈർഘ്യമുള്ള വീഡിയോയിൽ പെണ്ണ് കാണൽ ചടങ്ങിലെ രസകരമായ നിമിഷങ്ങൾ സന്ദേശത്തോട് സമാനമായി ബിജിഎംഐ-യുടെ പശ്ചാത്തലത്തിലാണ് നിർമ്മിച്ചിരിക്കുന്നത്. "കോട്ടപ്പള്ളി പ്രഭാകരൻ 2.0" എന്ന പേരിൽ ബിജിഎംഐ ഒഫീഷ്യൽ യൂട്യൂബ് ചാനലിലൂടെയാണ് പരസ്യം പങ്കുവച്ചിരിക്കുന്നത്. വീഡിയോ പ്രത്യക്ഷപ്പെട്ടതിന് പിന്നാലെ നിരവധി രസകരമായ കമന്റുകളാണ് വീഡിയോയിൽ നിറയുന്നത്.

Read More Trending Stories Here

• മമ്മൂട്ടിയെ ഇന്റർവ്യൂ ചെയ്ത് പ്രശസ്തനായ അറബ് വ്ളോഗർ വീണ്ടും വിവാഹിതനാവുന്നു, വധു തമിഴ് നടി
• രോഹിതിന്റെ വെട്ടിക്കെട്ട് കൊഴുപ്പിച്ച് മണിച്ചേട്ടന്റെ നാടൻപാട്ട്
• വേണേൽ ഞാൻ ഒറ്റയ്ക്ക് ഗ്രൂപ്പ് ഡാൻസ് കളിക്കും; മിടുക്കികുട്ടിയ്ക്ക് കയ്യടിച്ച് സോഷ്യൽ മീഡിയ
• കുണ്ടന്നൂർ പാലത്തിൽ സുരേഷ് ഗോപിക്കെന്ത് കാര്യം
• ഒന്ന് ഈവെനിംഗ് വാക്കിന് ഇറങ്ങിയതാ; എംജി റോഡിൽ ബ്ലോക്കുണ്ടാക്കിയ പോത്ത് സാർ