/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/05/26/VADaZl0BMeNfKXjhitou.jpg)
ചിത്രം: ഇൻസ്റ്റഗ്രാം/Kili Paul
ബോളിവുഡ് ഗാനങ്ങൾ ഏറ്റുപാടിയും അവയുടെ താളത്തിന് ചുവടുവെച്ചും ജനഹൃദയങ്ങൾ കീഴടക്കിയ സോഷ്യൽ മീഡിയ താരമാണ് ടാൻസാനിയ സ്വദേശിയായ കിലി പോൾ. ഹിന്ദി ഗാനങ്ങൾ മാത്രമല്ല, കിലിയുടെ റീലുകളിൽ മലയാളം പാട്ടുകളും കാണാം. മലയാളികൾ പോലും മറന്നു തുടങ്ങിയ മലയാളം സിനിമാഗാനങ്ങൾവരെ കിലി പോളിന്റെ ടൈംലൈനിൽ ഇടം പിടിച്ചതോടെ മലയാളികൾ കിലി പോളിനൊരു പേരുമിട്ടു, ഉണ്ണിയേട്ടൻ.
ഇപ്പോഴിതാ മലയാള സിനിമയിലൂടെ അഭിനയിത്തിലേക്കും ചുവടുവയ്ക്കുകയാണ് കിലി. സതീഷ് തന്‍വി സംവിധാനം ചെയ്യുന്ന ചിത്രത്തിലാണ് കിലി പോള്‍ അഭിനയിക്കാനൊരുങ്ങുന്നത്. പ്രൊഡക്ഷന്‍ നമ്പര്‍ 1 എന്നാണ് ചിത്രത്തിന് താൽക്കാലികമായി പേരു നല്‍കിയിരിക്കുന്നത്. സിനിമയിൽ അഭിനയിക്കുന്നതിനായി കിലി പോൾ കഴിഞ്ഞദിവസം കേരളത്തിൽ എത്തിയിരുന്നു.
മലയാള തനിമയിലുള്ള കിലി പോളിന്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്. മുണ്ടും കുർത്തയും ധരിച്ച ചിത്രങ്ങളാണ് കിലി തന്റെ ഇൻസ്റ്റഗ്രാമിൽ പങ്കുവച്ചിരിക്കുന്നത്. 'ഉണ്ണിയേട്ടൻ' എന്ന ക്യാപ്ഷനോടെ പങ്കുവച്ച ചിത്രങ്ങളിൽ പതിവുപോലെ നിരവധി മലയാളികൾ കമന്റുമായെത്തിയിട്ടുണ്ട്.
Also Read: 'എന്തൊരു ചേലാണ്...' വീണ്ടും വൈറലായി മലയാളികളുടെ ഉണ്ണിയേട്ടൻ
"ആഹാ തനി മലയാളി ആയല്ലോ", "ശുദ്ധ മലയാളി ആയി", "മലയാളി തനിമയിൽ ഉണ്ണിയേട്ടൻ, പൊളി", "കേരള പയ്യൻ ആയല്ലോ" എന്നിങ്ങനെയാണ് പോസ്റ്റിലെ കമന്റുകൾ.
2021 ൽ പുറത്തിറങ്ങിയ ഹിന്ദി ചിത്രമായ 'ഷേർഷാ' യിലെ 'രാത്താ ലമ്പിയ' എന്ന ഗാനത്തിന് ചെയ്ത റീലിലൂടെയാണ് കിലി പോൾ ശ്രദ്ധേയനായത്. തുടർന്ന് ഇളയദളപതി വിജയുടെ 'അറബിക് കുത്ത്', അല്ലു അർജുന്റെ പുഷ്പയിലെ 'സാമി,' തുടങ്ങി ഒരുപിടി തെന്നിന്ത്യൻ ഗാനങ്ങൾക്കും കിളിയും സഹോദരിയും ചുവടുവച്ചിട്ടുണ്ട്. മോഹൻലാൽ - തരുൺ മൂർത്തി ചിത്രമായ 'തുടരും' എന്ന ചിത്രത്തിലെ ട്രെൻഡിങ്ങായ "കണ്മണിപ്പൂവേ' എന്ന ഗാനത്തിലെ കിലിയുടെ വീഡിയോയും ഏറെ ശ്രദ്ധനേടിയിരുന്നു.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.