സത്യം പറ കിലി പോളേ, പണ്ട് നാട് വിട്ടുപോയ ഉണ്ണിയല്ലേ നീ?  മലയാളികൾ ചോദിക്കുന്നു

ബോളിവുഡ് ഗാനങ്ങൾ ഏറ്റുപാടിയും അവയുടെ താളത്തിന് ചുവടുവെച്ചും ജനഹൃദയങ്ങൾ കീഴടക്കിയ ടിക് ടോക് - ഇൻസ്റ്റഗ്രാം സെൻസേഷനാണ്   ടാൻസാനിയ സ്വദേശിയായ കിലി പോൾ. ഹിന്ദി ഗാനങ്ങൾ മാത്രമല്ല, കിലിയുടെ റീലുകളിൽ മലയാളം പാട്ടുകളും കാണാം. അടുത്തിടെ, 'പൂമാനമേ..ഒരുരാ​ഗ മേഘം താ' എന്ന ഗാനം പാടുന്ന കിലിയുടെ റീലും ശ്രദ്ധ നേടിയിരുന്നു. 

മലയാളികൾ പോലും മറന്നു തുടങ്ങിയ മലയാളം സിനിമാഗാനങ്ങൾ വരെ ഇപ്പോൾ കിലിയുടെ ഇൻസ്റ്റഗ്രാം ടൈംലൈനിൽ കാണാം. കിലിയും കിലിയുടെ മലയാളം റീലുകളും വൈറലാവുമ്പോൾ രസകരമായ കമന്റുകളും സോഷ്യൽ മീഡിയയുടെ ശ്രദ്ധ നേടുകയാണ്.

View this post on Instagram

A post shared by ajmal (@ajmalajuuzzzsss)

"സത്യം പറ, നീ പണ്ട് നാട് വിട്ടുപോയ ഉണ്ണിയല്ലേ?"

"കാതിൽ ചുവപ്പ് കടുക്കൻ ഇട്ട നാട് വിട്ടുപോയ ദാസപ്പൻ അല്ലെ ഇത്?"

"ലെ മാധവൻ മാഷ്: എനിക്ക് ഒരു മകൻ കൂടി ഉണ്ട് അങ്ങ് ആഫ്രിക്കയിൽ" 

"മലയാളികൾ പോലും കേൾക്കാത്ത മലയാളം പാട്ട് ആണല്ലോ ദൈവമേ ഇത്"

"ആ കൈ ഒന്ന് പൊക്കി നോക്കിയേ കക്ഷത്തിൽ മറുകുണ്ടോന്ന്, ഉണ്ടെങ്കിൽ അത് കുളത്തിൽ കാണാതെ പോയ ഹരികൃഷ്ണൻ ആയിരിക്കും" എന്നിങ്ങനെ പോവുന്നു വീഡിയോയ്ക്ക് താഴെ പ്രത്യക്ഷപ്പെടുന്ന രസകരമായ കമന്റുകൾ.

പരമ്പരാഗതമായ ആഫ്രിക്കൻ വേഷവിധാനങ്ങളിൽ ബോളിവുഡ് ഗാനങ്ങൾക്ക് ചുവടുവെയ്ക്കുന്ന കിലിയുടെയും സഹോദരി നീമയുടേയും വീഡിയോകളെല്ലാം തന്നെ വൈറലാകാറുണ്ട്. 2021 ൽ പുറത്തിറങ്ങിയ ഹിന്ദി ചിത്രമായ 'ഷേർഷാ' യിലെ 'രാത്താ ലമ്പിയ' എന്ന ഗാനത്തിന് ഇവർ ചെയ്ത റീലാണ് ആദ്യം ട്രെൻഡിംഗായതും കിലി പോളിനെ ശ്രദ്ധേയനാക്കിയതും. തുടർന്ന് ഇളയദളപതി വിജയുടെ 'അറബിക് കുത്ത്', അല്ലു അർജുന്റെ പുഷ്പയിലെ 'സാമി', 'ഊ ആണ്ടവ' തുടങ്ങി ഒരുപിടി തെന്നിന്ത്യൻ ഗാനങ്ങൾക്കും കിളിയും സഹോദരിയും ചുവടുവച്ചിട്ടുണ്ട്. 

View this post on Instagram

A post shared by Kili Paul (@kili_paul)

ടിക് ടോക്കിന്റെ നിരോധനത്തിന് പിന്നാലെ ഭാരതീയരോടൊപ്പം 'റീൽസി'ലേക്ക് ചേക്കേറിയ കിലിക്ക് ഇൻസ്റ്റാഗ്രാമിൽ മാത്രം ഇപ്പോൾ 7.1 മില്യൺ  ഫോളോവേഴ്സുണ്ട്. ഇവിടുത്തെ പല സിനിമാതാരങ്ങൾക്കു പോലും ഇൻസ്റ്റഗ്രാമിൽ ഇത്ര ഫോളേവേഴ്സ് ഇല്ല എന്നതാണ് കൗതുകം. 

Read More

• നമ്മുടെ കൂടെ ഉണ്ടായിരുന്നതല്ലേ, മരിച്ചാലും അവനീ വീട്ടിൽ തന്നെ വേണം: ഷാരൂഖ് ഖാൻ
• സംസാരത്തിൽ എന്തോ തകരാറുണ്ടല്ലോ മമ്മൂക്കാ, മനയ്ക്കലേക്ക് ക്ഷണിക്കുകയാണോ?; മമ്മൂട്ടിയോട് ആരാധകർ
• ഒരേയാളെത്തന്നെ മൂന്നു തവണ വിവാഹം കഴിച്ച അപൂർവ്വ ബഹുമതി നേടി ബോളിവുഡ് താരം അർഷദ് വാർസി
• ഞങ്ങൾ മണിക്കൂറുകളെടുത്ത് റെഡിയായിട്ടെന്തു കാര്യം, വാപ്പച്ചിയ്ക്ക് ഷൈൻ ചെയ്യാൻ 10 മിനിറ്റ് മതി: ദുൽഖർ
• മേക്കപ്പ് കഴുകി വന്നിട്ട് മതി അഭിനയം: പ്രീതി സിന്റയോട് മണിരത്നം പറഞ്ഞത്