നേപ്പാളിലേക്ക് ട്രെയിൻ ഉണ്ടോ? എവറസ്റ്റിൽ ഇന്ത്യൻ കൊടി നാട്ടിയ ഒരു യാത്ര!

എവറസ്റ്റ് കീഴടക്കുക എന്ന സ്വപ്നം മനസിൽ കൊണ്ടു നടക്കുന്ന ഒരുപാട് പേരുണ്ട് നമുക്ക് ചുറ്റും. എന്നാൽ ആ കൂട്ടത്തിൽ ഈ ആശാനെ നിങ്ങൾ കണ്ടിരുന്നോ? എവറസ്റ്റ് കീഴടക്കാൻ പാമ്പേഴ്സ് ഇട്ട് ഇറങ്ങിയിരിക്കുകയാണ് കക്ഷി. കാടും കടലും പേമാരിയും അതിജീവിച്ചുള്ള ഈ യാത്രയിൽ അവന് കൂട്ടായി ഒരാൾ കൂടിയുണ്ട്. കാലൊന്ന് ഉറപ്പിച്ച് നടക്കാനാവുന്നതിനും മുൻപേ എവറസ്റ്റ് കീഴടക്കിയ കുരുന്നിന്റെ എഐ വിഡിയോ വൈറലാണ്. 

അവന്റെ ചങ്കായ ചിക്കൂസിനേയും ഒപ്പം ചേർത്താണ് എവറസ്റ്റ് ലക്ഷ്യം വെച്ചുള്ള യാത്ര. നേപ്പാളിൽ ആണ് എവറസ്റ്റ് എന്ന് അവനോട് ഫ്രണ്ട്സ് പറഞ്ഞത്രെ... നേപ്പാളിലേക്ക് ട്രെയിനിൽ പോകാനാണ് പ്ലാൻ. റെയിൽവേ സ്റ്റേഷനിൽ എത്തിയപ്പോഴാണ് നേപ്പാളിലേക്ക് ട്രെയിൻ ഇല്ലെന്ന് അറിയുന്നത്. എന്നാലും അവൻ പിന്മാറാൻ തയ്യാറല്ല.

Also Read: റാണി പിങ്കോ? പീക്കോക്ക്? നേവി ബ്ലൂ പാന്റിട്ട് നേവി ബ്ലൂ തേടി ഓടുന്ന ഷാനവാസ്; അംഗനവാടിയല്ല!

ട്രെയിൻ കിട്ടാതെ വന്നതോടെ കാട്ടിലൂടെയായി യാത്ര. ചിക്കുവിന്റെ വാക്കുകേട്ട് കാട്ടിലൂടെ വന്നിട്ട് വഴി തെറ്റിപ്പോയി. അതോടെ നമ്മളോടാണ് പുള്ളി ഹെൽപ്പ് ചോദിക്കുന്നത്. ആരുടെയൊക്കെയോ ഭാഗ്യം കൊണ്ട് കാട്ടിൽ നിന്ന് രക്ഷപെട്ടു. ഇനി കടലിലൂടെ പോകണം. അതിനൊരു ബോട്ട് വേണം. എവറസ്റ്റ് കീഴടക്കാൻ ഇറങ്ങിത്തിരിച്ചപ്പോഴുള്ള ധൈര്യം കടലിലെ യാത്രയിൽ പേമാരി വന്നപ്പോൾ ചെറുതായൊന്ന് ചോർന്നുപോയി. വഞ്ചിയിൽ ഇരുന്ന് കരയുകയാണ് കക്ഷി.

Also Read: 'ഇവന് കുളിക്കാൻ ഭയങ്കര മടിയാ... വെള്ളം ഇഷ്ടമല്ല, പ്രിയം ചിക്കൻ'; പുള്ളിപ്പുലിയുടെ ഒരു ദിവസം കാണാം

പിറ്റേദിവസം രാവിലെ ഡോൾഫിനുകളുടേയും പക്ഷികളുടേയുമെല്ലാം കൂടെയിരുന്ന് പാംപേഴ്സ് ഒക്കെയിട്ട് എവറസ്റ്റ് കയറാനുള്ള യാത്രയാണ്. ഒടുവിൽ ചിക്കുവിനൊപ്പം എവറസ്റ്റ് എന്ന സ്വപ്നം അവൻ കീഴടക്കി. അതുകൊണ്ടും തീർന്നില്ല. ഇന്ത്യയുടെ കൊടിയും നാട്ടിയാണ് കക്ഷി തിരിച്ചിറങ്ങിയത്.

View this post on Instagram

A post shared by Ai Fan (@aifun_always)

Also Read: നസ്‌ലെന്റെ സിഐഡി മൂസ, കൊച്ചുണ്ണിയായി അർജുൻ; 'അവർക്കു പകരം അവർ മാത്രം' എന്ന് ആരാധകർ; വീഡിയോ

ലക്ഷക്കണക്കിനാളുകളാണ് ഇതിനോടകം ഇവന്റെ എവറസ്റ്റ് യാത്ര കണ്ടത്. കമന്റുകളും ഒഴുകുകയാണ്. ഞങ്ങൾ കണ്ടു ബോട്ടിൽ ഇരുന്നു മോങ്ങുന്നത് എന്നാണ് ഒരു കമന്റ്. എവറസ്റ്റ് കയറാൻ നീ എന്തിനാ അന്റാർട്ടിക്ക വഴി പോയത് എന്ന് ചോദിക്കുന്നവരും ഉണ്ട്. നിനക്ക് മുൻപേ അന്റാർട്ടിക്കയിൽ നിന്ന് വന്ന പെൻഗ്വിനുകൾ എവറസ്റ്റ് കയറി എന്നാണ് മറ്റൊരു കമന്റ്.

Read More: 'എന്റെ മോളെ പൊന്നുപോലെ നോക്കണേടാ...' കണ്ണുനിറയിച്ച് അച്ഛന്റെ ആ വാക്ക്; വീഡിയോ