'എന്റെ മോളെ പൊന്നുപോലെ നോക്കണേടാ...' കണ്ണുനിറയിച്ച് അച്ഛന്റെ ആ വാക്ക്; വീഡിയോ

മക്കളുടെ വിവാഹം ഏതൊരു അച്ഛനമ്മമാർക്കും ഏറെ വൈകാരികമാണ്. വിവാഹ വേദികളിൽ നിന്നുള്ള അതിവൈകാരിക രംഗങ്ങൾ പലപ്പോഴും സോഷ്യൽ മീഡിയയിൽ ശ്രദ്ധനേടിയിട്ടുമുണ്ട്. ഇപ്പോഴിതാ, മകളെ വരന് കൈപിടിച്ച് ഏൽപ്പിക്കുന്ന ഒരു അച്ഛന്റെ വീഡിയോയാണ് സോഷ്യൽ മീഡിയയുടെ ഹൃദയം കവർന്ന് വൈറലാകുന്നത്. 

വിവാഹ ചടങ്ങിനിടെ വധു-വരന്മാരുടെ കൈ ചേർത്തു പിടിക്കുന്നതിനിടെ പെൺകുട്ടിയുടെ അച്ഛൻ 'എന്റെ മോളെ നന്നായി നോക്കണേടാ...' എന്ന് പറയുന്നത് വീഡിയോയിൽ കാണാം. വിവാഹ ശേഷം വീട്ടുകാരോട് യാത്ര പറയുന്നതിനിടെ പൊട്ടിക്കരയുന്ന മകളെ ആശ്വസിപ്പിക്കുന്ന പിതാവിന്റെ രംഗങ്ങളും നെറ്റിസൺമാരുടെ ഹൃദയത്തിൽ പതിഞ്ഞു.

Also Read: അന്ന് അച്ഛൻ, ഇന്ന് മകൻ; 80 വർഷങ്ങൾക്കിപ്പുറവും മായാതെ ആ ക്യാമറ ക്ലിക്ക്

View this post on Instagram

A post shared by Reel Watcher (@reelwatcher_25)

നിരവധി കമന്റുകളാണ് വീഡിയോയിൽ നിറയുന്നത്. "ഇത്രയും സ്നേഹം ഉള്ള അച്ഛന്റെ മോളാവാനും വേണം ഒരു ഭാഗ്യം " എന്നാണ് വീഡിയോയിൽ ഒരാൾ കുറിച്ചത്. "ആ അച്ഛൻ ഉള്ളെടുത്തോളം അവൾ അവന്റെ കയ്യിൽ സുരക്ഷിതയാണ്", "ആ അച്ഛന്റെ കണ്ണിൽ ഒന്നു നോക്കിയാൽ അറിയാം അവരുടെ സ്നേഹം" എന്നിങ്ങനെയാണ് കമന്റുകളിൽ ചിലത്.

Also Read: ഇപ്പോഴും വേട്ടയാടുന്നു! നീതി വേണമെന്ന് ലോക ശുചീകരണ തൊഴിലാളി!

ഇൻസ്റ്റഗ്രാമിൽ വൈറലാകുന്ന വീഡിയോ "Reel Watcher" എന്ന അക്കൗണ്ടാണ് പങ്കുവച്ചത്. 1.4 മില്യൺ കാഴ്ചകളാണ് വീഡിയോയ്ക്ക് ഇതുവരെ ലഭിച്ചത്. 2.23 ലക്ഷത്തിലധികം ലൈക്കുകളും പോസ്റ്റിനുണ്ട്.

Read More: "ഓട്ടോ വരുന്നതു കണ്ട് കാലു മാറ്റികൊടുത്ത ആനയാണ് എന്റെ ഹീറോ"; വൈറലായി വീഡിയോ