ജുലാനയിൽ വിനേഷ് ഫോഗട്ട് വിജയിച്ചു

ഛത്തീസ്ഗഢ്: ഹരിയാന നിയമസഭാ തിരഞ്ഞെടുപ്പിൽ ഗുസ്തി താരവും കോൺഗ്രസ് സ്ഥാനാർത്ഥിയുമായ വിനേഷ് ഫോഗട്ട് ജയിച്ചു. 6015 വോട്ടുകൾക്ക് ജുലാന മണ്ഡലത്തിൽനിന്നാണ് വിനേഷിന്റെ ജയം. വോട്ടെണ്ണൽ തുടങ്ങി ആദ്യ റൗണ്ടുകളിൽ വിനേഷ് മുന്നിട്ടു നിന്നുവെങ്കിലും ഒരു ഘട്ടത്തിൽ ബിജെപിയുടെ യോഗേഷ് കുമാറിന് പിന്നിലായി. എന്നാൽ, അവസാന റൗണ്ടുകളിൽ ലീഡ് തിരികെ പിടിച്ച് ജയം നേടുകയായിരുന്നു. 

പാരിസ് ഒളിമ്പിക്സിൽ ഫൈനലിൽനിന്നും അയോഗ്യയാക്കപ്പെട്ടതിനെ തുടർന്ന് വിനേഷിന് മെഡൽ നഷ്ടമായിരുന്നു. 100 ഗ്രാം ഭാരക്കൂടുതലിനെ തുടർന്നാണ് താരത്തിന് ഫൈനൽ മത്സരത്തിൽനിന്നും അയോഗ്യത നേരിട്ടത്. ഗുസ്തിയിൽനിന്നും വിരമിച്ച വിനേഷ് കോൺഗ്രസിൽ ചേരുകയായിരുന്നു. ജുലാനയിൽ വിനേഷിന്റെ സ്ഥാനാർത്ഥിത്വം ബിജെപിക്ക് വലിയ തിരിച്ചടിയായിരുന്നു. 

അതേസമയം, ഹരിയാനയിൽ മൂന്നാം വട്ടവും ഭരണം നിലനിർത്തി ബിജെപി. കേവല ഭൂരിപക്ഷത്തിനുവേണ്ട 46 സീറ്റ് ബിജെപി നേടിയിട്ടുണ്ട്. 47 സീറ്റുകളിൽ ബിജെപി മുന്നിട്ടു നിൽക്കുകയാണ്. 

Read More

• ജമ്മു കശ്മീരിൽ അധികാരം ഉറപ്പിച്ച് എൻസി-കോൺഗ്രസ് സഖ്യം
• ഹരിയാനയിൽ കോൺഗ്രസ് കുതിപ്പ്, വിനേഷ് ഫോഗട്ട് മുന്നിൽ
• കൊൽക്കത്ത ബലാത്സംഗക്കൊല; കൊലപാതക സമയം പ്രതി മദ്യലഹരിയിൽ; കുറ്റപത്രം സിബിഐ സമർപ്പിച്ചു
• 5 മരണം, 40 പേർ ആശുപത്രിയിൽ; ചെന്നൈ എയർ ഫോഴ്സ് ഷോ ദുരന്തമായത് ഇങ്ങനെ