ബിജെപിക്ക് മൂന്നാം ഊഴം; അവിശ്വസനീയമെന്ന് കോൺഗ്രസ്

ഛണ്ഡിഗഢ്: ഹരിയാനയിൽ മൂന്നാം വട്ടവും ഭരണം നിലനിർത്തി ബിജെപി. കേവല ഭൂരിപക്ഷത്തിനുവേണ്ട 46 സീറ്റ് ബിജെപി നേടിയിട്ടുണ്ട്. 49 സീറ്റുകളിൽ ബിജെപി മുന്നിട്ടു നിൽക്കുകയാണ്. നിയമസഭാ തിരഞ്ഞെടുപ്പ് ഫലം ബിജെപിക്ക് അനുകൂലമായതോടെ ജനറൽ സെക്രട്ടറിമാരുടെ യോഗം വിളിച്ചിരിക്കുകയാണ് ബിജെപി ദേശീയ അധ്യക്ഷൻ ജെപി നദ്ദ. സർക്കാർ രൂപീകരണ ചർച്ചകളിലേക്ക് ബിജെപി കടന്നിട്ടുണ്ട്. 

അതേസമയം, ഹരിയാനയിലെ വൻ ട്വിസ്റ്റിൽ ഞെട്ടിയിരിക്കുകയാണ് കോൺഗ്രസ്. തുടക്കത്തിൽ കേവല ഭൂരിപക്ഷം മറികടന്ന കോൺഗ്രസിനെ, പിന്നീട് പിന്നിലാക്കി ബിജെപി മുന്നേറുകയായിരുന്നു. ബിജെപി മുന്നേറ്റത്തെ തുടർന്ന് ഡൽഹിയിലെ എഐസിസി ആസ്ഥാനത്തെ കോൺഗ്രസ് ആഘോഷങ്ങൾ നിർത്തിവച്ചു. ഹരിയാനയിലെ കോൺഗ്രസ് ക്യാമ്പിലെ ആഘോഷങ്ങളും നിർത്തി. 

ഹരിയാനയിൽ 90 നിയമസഭാ സീറ്റുകളാണുള്ളത്. കേവല ഭൂരിപക്ഷത്തിന് 46 സീറ്റുകളാണ് വേണ്ടത്. ഹരിയാന തിരഞ്ഞെടുപ്പില്‍ 67.90 ശതമാനം പോളിങ്ങാണ് രേഖപ്പെടുത്തിയത്. ഹരിയാനയിൽ ഭരണം തിരിച്ചുപിടിക്കാമെന്ന പ്രതീക്ഷയിലായിരുന്നു കോൺഗ്രസ്. എക്സിറ്റ് പോൾ പ്രവചനങ്ങളും കോൺഗ്രസിന് അനുകൂലമായിരുന്നു. എന്നാൽ, ഹരിയാനയിൽ ബിജെപി ഹാട്രിക് വിജയം നേടുകയായിരുന്നു.

Read More

• കൊൽക്കത്ത ബലാത്സംഗക്കൊല; കൊലപാതക സമയം പ്രതി മദ്യലഹരിയിൽ; കുറ്റപത്രം സിബിഐ സമർപ്പിച്ചു
• 5 മരണം, 40 പേർ ആശുപത്രിയിൽ; ചെന്നൈ എയർ ഫോഴ്സ് ഷോ ദുരന്തമായത് ഇങ്ങനെ
• ലൈംഗിക അതിക്രമണം, ഭീഷണിപ്പെടുത്തൽ; ആർജി കർ മെഡിക്കൽ കോളേജിലെ പത്ത് ഡോക്ടമാർമാരെ പുറത്താക്കി
• ജാർഖണ്ഡിൽ വിജയം നേടാൻ ബിജെപി നൽകിയ 5 വാഗ്‌ദാനങ്ങൾ എന്തൊക്കെയാണ്?