കിഷ്ത്വാറിൽ ഭീകരരുമായി ഏറ്റുമുട്ടൽ; സൈനികന് വീരമൃത്യു

ജമ്മു: ജമ്മു കശ്മീരിലെ കിഷ്ത്വാർ ജില്ലയിൽ ഭീകരരുമായുണ്ടായ ഏറ്റുമുട്ടലിൽ ഒരു സൈനികന് വീരമൃത്യു. കിഷ്ത്വാർ ജില്ലയിലെ സിംഗ്പോര ചത്രോ വന മേഖലയിലാണ് സുരക്ഷാ സേനയും ഭീകരരും ഏറ്റുമുട്ടിയത്. ഇന്ത്യൻ കരസേനയിലെ സൈനികനാണ് കൊല്ലപ്പെട്ടത്.

വ്യാഴാഴ്ച പുലർച്ചെയോടെയാണ് പ്രദേശത്ത് സുരക്ഷാ സേന ഭീകര സാന്നിധ്യം തിരിച്ചറിഞ്ഞത്. പൊലീസിന്റെയും സൈന്യത്തിന്റെയും സംയുക്ത തിരച്ചിലിനിടയിലാണ് ഭീകരരെ കണ്ടെത്തിയത്. നാല് ജെയ്ഷെ മുഹമ്മദ് ഭീകരരെ സൈന്യം വളഞ്ഞിട്ടുണ്ടെന്ന് പൊലീസ് വൃത്തങ്ങൾ അറിയിച്ചിരുന്നു. ഈ ഭീകരർ അടുത്തിടെ പ്രദേശത്ത് ആക്രമം നടത്തിയ ഗ്രൂപ്പിൽ ഉൾപ്പെട്ടവരാണെന്നാണ് വിവരം. 

During the ongoing operation, fierce gunfight is continuing.
One of our #Bravehearts sustained grievous injuries in the exchange of fire and has succumbed despite best medical efforts.
Operation is in progress@adgpi@NorthernComd_IA

— White Knight Corps (@Whiteknight_IA) May 22, 2025

വെടിവെപ്പിൽ ഒരു സൈനികന് ഗുരുതരമായി പരിക്കേറ്റതായും പരമാവധി ശ്രമിച്ചിട്ടും ജീവൻ രക്ഷിക്കാനായില്ലെന്ന് വൈറ്റ് നൈറ്റ് കോർപ്‌സ് എക്സിൽ കുറിച്ചു. ഓപ്പറേഷൻ പുരോഗമിക്കുകയാണെന്നും വെടിവയപ്പ് തുടരുകയാണെന്നും പോസ്റ്റിൽ പറയുന്നു. പ്രദേശത്ത്, ജമ്മു കശ്മീർ പൊലീസും സൈന്യവും അർദ്ധസൈനിക വിഭാഗങ്ങളും സംയുക്തമായി തിരച്ചിൽ തുടരുകയാണെന്ന് പൊലീസ് വൃത്തങ്ങൾ അറിയിച്ചു.

ലോക്കൽ പൊലിസിന്റെ ഇന്റലിജൻസ് വിവരങ്ങളുടെ അടിസ്ഥാനത്തിലാണ് ഇന്ന് ഓപ്പറേഷൻ ആരംഭിച്ചത്. അതേസമയം, ദക്ഷിണ കശ്മീരിലെ ത്രാലിലും ഷോപ്പിയാനിലും അടുത്തിടെ നടന്ന ഏറ്റുമുട്ടലുകളിൽ ആറു തീവ്രവാദികൾ കൊല്ലപ്പെട്ടതിനെ പിന്നാലെയാണ് വീണ്ടും ഏറ്റുമുട്ടൽ ഉണ്ടാകുന്നത്.

Read More

• Jammu Kashmir Terror Attack: പഹൽഗാം ഭീകരാക്രമണം നടന്നിട്ട് ഒരുമാസം; അഞ്ച് ഭീകരർക്കായി അന്വേഷണം ഊർജ്ജിതം
• പാക് ഹൈകമ്മീഷനിലെ ഒരു ഉദ്യോസ്ഥനെ കൂടി ഇന്ത്യ പുറത്താക്കി; ഒരാഴ്ചയ്ക്കിടെ പുറത്താക്കുന്ന രണ്ടാമത്തെയാൾ
• പരസ്പരം ഹസ്തദാനം ഇല്ല; ദിവസങ്ങൾക്ക് ശേഷം അതിർത്തിയിൽ ബീറ്റിങ് റിട്രീറ്റ് പുനരാരംഭിച്ചു
• ഓപ്പറേഷൻ സിന്ദൂറിനെപ്പറ്റി പരാമർശം; കോളേജ് പ്രൊഫസർക്ക് സുപ്രീം കോടതി ജാമ്യം
• പാക്കിസ്ഥാനുവേണ്ടി ചാരവൃത്തി; വ്ലോഗർ ജ്യോതി മൽഹോത്ര അറസ്റ്റിൽ