Ahmedabad Plane Crash Report: എയർ ഇന്ത്യ വിമാനാപകടം; അഭ്യൂഹങ്ങൾ ഒഴിവാക്കണം: എൻ.ടി.എസ്.ബി. മേധാവി

Ahmedabad Plane Crash Report Updates:ന്യൂയോർക്ക്: അഹമ്മദാബാദ് വിമാനാപകടം സംബന്ധിച്ചുള്ള യു.എസ്. മാധ്യമങ്ങളുടെ റിപ്പോർട്ടുകളിൽ അഭ്യൂഹങ്ങൾ നിലനിൽക്കുന്നുണ്ടെന്നും അന്തിമ റിപ്പോർട്ടിന് സമയമെടുക്കുമെന്നും യുഎസ് നാഷണൽ ട്രാൻസ്പോർട്ടേഷൻ സേഫ്റ്റി ബോർഡ് മേധാവി ജെന്നിഫർ ഹോമൻഡി പറഞ്ഞു. അന്വേഷണം പൂർത്തിയാകുന്നത് വരെ ഊഹാപോഹങ്ങൾ പ്രചരിപ്പിക്കരുതെന്ന് ഇന്ത്യയുടെ എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോയുടെ പ്രസ്താവനയെ അദ്ദേഹം പിന്തുണച്ചു. 

Also Read:അഹമ്മദാബാദ് വിമാനാപകടം; വിമാനത്തിന് സാങ്കേതിക തകരാർ റിപ്പോർട്ട് ചെയ്‌തെന്ന് വെളിപ്പെടുത്തൽ

പൈലറ്റുമാരിൽ ഒരാളുടെ മനഃപൂർവമായ നടപടിയാണ് 260 പേരുടെ മരണത്തിന് കാരണമായ അപകടത്തിന് കാരണമെന്ന് സൂചിപ്പിക്കുന്ന ചില യുഎസ് ആസ്ഥാനമായുള്ള പ്രസിദ്ധീകരണങ്ങളുടെ റിപ്പോർട്ടുകൾക്ക് തൊട്ടുപിന്നാലെയാണ് ഹോമൻഡിയുടെ അഭിപ്രായം.

എയർ ഇന്ത്യ വിമാനാപകടത്തെക്കുറിച്ചുള്ള സമീപകാല മാധ്യമ റിപ്പോർട്ടുകൾ അഭ്യൂഹങ്ങൾ നിറഞ്ഞതാണ്. ഇന്ത്യയുടെ എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോ അതിന്റെ പ്രാഥമിക റിപ്പോർട്ട് പുറത്തിറക്കി. ഇത്രയും വലിയ അന്വേഷണത്തിന് സമയമെടുക്കും- ഹോമൻഡി പ്രസ്താവനയിൽ പറഞ്ഞു.

Also Read:ബോയിംഗ് വിമാനങ്ങളിലെ ഇന്ധന നിയന്ത്രണ സ്വിച്ച് പരിശോധിക്കാൻ ഉത്തരവിട്ട് ഡിജിസിഎ

അതേസമയം, അപടത്തിൽപ്പെട്ട വിമാനത്തിന് സാങ്കേതിക തകരാറുണ്ടായിരുന്നെന്ന് അന്വേഷണ സംഘത്തിലെ ഉദ്യോഗസ്ഥൻ വെളിപ്പെടുത്തി.ലണ്ടനിലേക്കുള്ള യാത്രയ്ക്ക് മുൻപ് ഡൽഹിയിൽ നിന്ന് അഹമ്മദാബാദിലേക്കുള്ള യാത്രയ്ക്കിടയിലാണ് സാങ്കേതിക തകരാർ തിരിച്ചറിഞ്ഞതെന്ന് വിമാനാപകടം സംബന്ധിച്ച് അന്വേഷണം നടത്തുന്ന സംഘത്തിലെ ഒരു ഉദ്യോഗസ്ഥൻ ഇന്ത്യൻ എക്സ്പ്രസിനോട് പറഞ്ഞു. 

Also Read:അഹമ്മദാബാദ് വിമാനാപകടം; പൈലറ്റുമാരുടെ മേൽ കുറ്റം കെട്ടിവെയ്ക്കാൻ ശ്രമം:പൈലറ്റ്സ് അസോസിയേഷൻ

ഡൽഹിയിൽ നിന്ന് അഹമ്മദാബാദിലെത്തിയ വിമാനത്തിന് സ്റ്റെബിലൈസർ പൊസിഷൻ ട്രാൻസ് ഡ്യസറിൽ തകരാർ രേഖപ്പെടുത്തിയിരുന്നെന്ന് ഉദ്യോഗസ്ഥൻ പറഞ്ഞു. ജൂൺ 12-ന് അഹമ്മദാബാദിൽ നിന്ന് ലണ്ടൻ ഗാറ്റ്വിക്കിലേക്ക് പറന്നുയരുന്നതിന് ഏതാനും മണിക്കൂറുകൾക്ക് മുമ്പ്, ഡൽഹിയിൽ നിന്ന് അഹമ്മദാബാദിലേക്ക് ഇതേ വിമാനം പറത്തിയ ഒരു പൈലറ്റ് സ്റ്റെബിലൈസർ പൊസിഷൻ ട്രാൻസ്ഡ്യൂസർ തകരാർ രേഖപ്പെടുത്തിയിട്ടുണ്ടെന്നാണ് ഉദ്യോഗസ്ഥൻ പറയുന്നത്.

Read More

വിമാന ദുരന്തം പൈലറ്റിന്റെ പിഴവോ? തിടുക്കത്തിൽ നിഗമനത്തിൽ എത്തരുതെന്ന് വിദഗ്ധർ; ഇനിയും ചോദ്യങ്ങളുണ്ട്