സാങ്കേതിക സഹകരണത്തിനുള്ള സാധ്യതകൾ ഉയർത്തി മസ്കുമായി വീണ്ടും ചർച്ച നടത്തി പ്രധാനമന്ത്രി

ഡൽഹി: ടെസ്‌ല സിഇഒ ഇലോൺ മസ്‌കുമായി ചർച്ച നടത്തി പ്രധാനമന്ത്രി നരേന്ദ്ര മോദി. സാങ്കേതികവിദ്യ, നവീകരണം എന്നീ മേഖലകളിലെ സഹകരണത്തിനുള്ള സാധ്യതകളെക്കുറിച്ച് ചർച്ച നടത്തിയതായി പ്രധാനമന്ത്രി എക്സിൽ കുറിച്ചു. യുഎസ് വൈസ് പ്രസിഡന്റ് ജെ.ഡി വാൻസ് അടുത്തയാഴ്ച ഇന്ത്യ സന്ദർശിക്കാനിരിക്കെയാണ് മസ്‌കുമായി പ്രധാനമന്ത്രി ചർച്ച നടത്തിയിരിക്കുന്നത്.

ഈ വർഷമാദ്യം വാഷിങ്ടൺ ഡിസിയിൽ നടന്ന കൂടിക്കാഴ്ചയിൽ മോദിയും മസ്കും സംസാരിച്ച വിഷയങ്ങൾ വീണ്ടും ചർച്ച ചെയ്തു. സാങ്കേതിക പുരോഗതിക്കായുള്ള പൊതുവായ കാഴ്ചപ്പാട് അടിവരയിടുന്നതായിരുന്നു ചർച്ച. സാങ്കേതികവിദ്യ, നൂതനാശയങ്ങൾ എന്നീ മേഖലകളിൽ ഇന്ത്യ-അമേരിക്ക  സഹകരണത്തിനുള്ള അനന്തസാധ്യതകൾ പ്രധാനമന്ത്രി എടുത്തു പറഞ്ഞു. ഈ മേഖലകളിൽ പങ്കാളിത്തം മുന്നോട്ടു കൊണ്ടുപോകുന്നതിനുള്ള ഇന്ത്യയുടെ ഉറച്ച പ്രതിജ്ഞാബദ്ധത അദ്ദേഹം ആവർത്തിച്ചു.

“ഇലോൺ മസ്കുമായി സംസാരിച്ചു. ഈ വർഷം ആദ്യം വാഷിങ്ടൺ ഡിസിയിൽ നടന്ന കൂടിക്കാഴ്ചയിൽ ഞങ്ങൾ ചർച്ചചെയ്ത വിഷയങ്ങൾ ഉൾപ്പെടെ വിവിധ വിഷയങ്ങളെക്കുറിച്ചു സംസാരിച്ചു. സാങ്കേതികവിദ്യ, നൂതനാശയങ്ങൾ എന്നീ മേഖലകളിലെ സഹകരണത്തിനുള്ള അനന്തസാധ്യതകളെക്കുറിച്ചു ഞങ്ങൾ ചർച്ചചെയ്തു. ഈ മേഖലകളിൽ അമേരിക്കയുമായുള്ള പങ്കാളിത്തം മുന്നോട്ടു കൊണ്ടുപോകുന്നതിന് ഇന്ത്യ തുടർന്നും പ്രതിജ്ഞാബദ്ധമാണ്," പ്രധാനമന്ത്രി എക്സിൽ കുറിച്ചു.

Read More

• മുർഷിദാബാദ് കലാപം; എൻ.ഐ.എ അന്വേഷണം ആവശ്യപ്പെട്ടുള്ള ഹർജി ഹൈക്കോടതി തള്ളി
• Waqf Amendment: വഖഫ് ഭേദഗതി; തൽസ്ഥിതി തുടരണമെന്ന് സുപ്രീം കോടതി; മറുപടി നൽകാൻ കേന്ദ്രത്തിന് 7 ദിവസം സമയം
• വഖഫ് നിയമഭേദഗതി; മുസ്ലീം ജനവിഭാഗത്തിനിടയിൽ പ്രചാരണവുമായി ബി.ജെ.പി.
• വഖഫ് നിയമഭേദഗതി; സുപ്രീംകോടതി ഇന്ന് ഇടക്കാല ഉത്തരവിറക്കിയേക്കും
• മുസ്ലീങ്ങളെ ഹിന്ദു ട്രസ്റ്റുകളുടെ ഭാഗമാക്കാൻ അനുവദിക്കുമോ? കേന്ദ്രത്തോട് സുപ്രീം കോടതി
• Waqf Amendment Bill: പശ്ചിമബംഗാളിലെ കലാപത്തിന് പിന്നിൽ സാമൂഹിക മാധ്യമങ്ങളിലെ തെറ്റായ പ്രചാരണമെന്ന് പോലീസ്