Jammu Kashmir Terror Attack: അതിർത്തിയിൽ തുടർച്ചയായ പാക്ക് പ്രകോപനം; ശക്തമായി തിരിച്ചടിച്ച് ഇന്ത്യ

Jammu Kashmir Pahalgam Terrorist Attack:ശ്രീനഗർ: പഹൽഗാം ഭീകരാക്രമണത്തിന് ശേഷം തുടർച്ചയായ എട്ടാം ദിവസവും നിയന്ത്രണ രേഖയിൽ പ്രകോപനം തുടർന്ന് പാക്കിസ്ഥാൻ. കശ്മീരിലെ കുപ്വാര, ബാരമുള്ള, പൂഞ്ച്, നൗഷേര, അഖ്‌നൂർ എന്നിവടങ്ങളിലെ നിയന്ത്രണ രേഖയിലേക്കാണ് പാക്ക് പട്ടാളം വെടിയുതിർത്തത്. പാക്ക് പ്രകോപനത്തിന് ശക്തമായ മറുപടി ഇന്ത്യൻ സൈന്യം നൽകിയെന്ന് പ്രതിരോധ വക്താവ് അറിയിച്ചു.

പഹൽഗാം ഭീകരാക്രമണത്തിന് ശേഷം തുടർച്ചയായി വെടിനിർത്തൽ കരാറുകൾ ലംഘിക്കുന്ന സ്ഥിതിയാണ് പാക്കിസ്ഥാന്റെ ഭാഗത്തുനിന്നുണ്ടാകുന്നത്. ബുധനാഴ്ച രാത്രി കുപ്വാര, ഉറി, അഖ്നൂർ എന്നിവിടങ്ങളിലെ ഇന്ത്യൻ പോസ്റ്റുകൾക്ക് നേരെ പാക്ക് പട്ടാളം വെടിയുതിർക്കുകയും ഇന്ത്യൻ സൈന്യം ശക്തമായി തിരിച്ചടിയ്ക്കുകയും ചെയ്തിരുന്നു. പാക്ക് പട്ടാളം തുടർച്ചയായി വെടിനിർത്തൽ കരാർ ലംഘിക്കുന്ന സാഹചര്യത്തിൽ ശക്തമായ സുരക്ഷാനടപടികളാണ് ഇന്ത്യ അതിർത്തി പ്രദേശങ്ങളിൽ സ്വീകരിച്ചിരിക്കുന്നത്. 

അതേസമയം, ഭീകരവാദത്തിനെതിരെയുള്ള പോരാട്ടത്തിൽ ഇന്ത്യയ്ക്കൊപ്പം ഉണ്ടാകുമെന്ന് വീണ്ടും ഉറപ്പ് നൽകി അമേരിക്ക.പ്രതിരോധ മന്ത്രി രാജ്നാഥ് യുഎസ് പ്രതിരോധ സെക്രട്ടറി പീറ്റ് ഹെഗ്സെത്തുമായി നടത്തിയ ആശയവിനിമയത്തിലാണ് അമേരിക്ക തങ്ങളുടെ നിലപാട് വീണ്ടും ആവർത്തിച്ചത്.പാക്കിസ്ഥാൻ ഭീകരവാദത്തിന്റെ കേന്ദ്രമെന്ന് പ്രതിരോധ മന്ത്രി രാജ്‌നാഥ് സിങ് പറഞ്ഞു. കൂടിക്കാഴ്ചയുടെ വിവരങ്ങൾ രാജ്‌നാഥ് സിങ് എക്‌സിൽ പങ്കുവെച്ചു.

പഹൽഗാമിലെ ഭീകരാക്രമണത്തിൽ നിരപരാധികളായ സാധാരണക്കാരുടെ ദാരുണമായ നഷ്ടത്തിൽ അദ്ദേഹം അഗാധമായ അനുശോചനം രേഖപ്പെടുത്തിയെന്ന് രാജ്‌നാഥ് സിങ് എക്‌സിൽ കുറിച്ചു. ഇന്ത്യയുമായി ഐക്യദാർഢ്യം പ്രഖ്യാപിക്കുന്നതായും സ്വയം പ്രതിരോധിക്കാനുള്ള ഇന്ത്യയുടെ അവകാശത്തെ പിന്തുണയ്ക്കുന്നതായും സെക്രട്ടറി ഹെഗ്സെത്ത് പറഞ്ഞുവെന്നും അദ്ദേഹം വ്യക്തമാക്കി. ഭീകരതയ്ക്കെതിരായ ഇന്ത്യയുടെ പോരാട്ടത്തിൽ അമേരിക്കൻ ഭരണകൂടത്തിന്റെ ശക്തമായ പിന്തുണ അദ്ദേഹം ആവർത്തിച്ചു.

നേരത്തെ പഹൽഗാം ഭീകരാക്രമണത്തെ അപലപിക്കുവാൻ പാക്കിസ്ഥാൻ തയ്യാറാവണമെന്ന് അമേരിക്ക ആവശ്യപ്പെട്ടിരുന്നു. പാക്കിസ്ഥാൻ പ്രധാനമന്ത്രി ഷെഹബാസ് ഷെരീഫുമായുള്ള ആശയവിനിമയത്തിൽ യു.എസ്. സ്റ്റേറ്റ് സെക്രട്ടറി മാർക്കോ റൂബിയോയാണ് ഇക്കാര്യം ആവശ്യപ്പെട്ടത്. 

Read More

• ഭീകരവാദത്തിനെതിരെയുള്ള പോരാട്ടത്തിൽ ഇന്ത്യയ്‌ക്കൊപ്പം; നിലപാട് ആവർത്തിച്ച് അമേരിക്ക
• നിയന്ത്രണരേഖയിൽ പാക്ക് വെടിവെപ്പ്, തിരിച്ചടിച്ച് സുരക്ഷാസേന
• പാക്കിസ്ഥാന് തിരിച്ചടി; പാക്ക് വിമാനങ്ങൾക്ക് ഇന്ത്യൻ വ്യോമാതിർത്തിയിൽ വിലക്ക്
• അതിർത്തിയിൽ പ്രകോപനം തുടർന്ന് പാക്കിസ്ഥാൻ; ഡൽഹിയിൽ തിരക്കിട്ട ചർച്ചകൾ
• Jammu Kashmir Terror Attack: കശ്മീരിന്റെ ടൂറിസം പ്രതീക്ഷകൾ തകർത്ത പഹൽഗാം ഭീകരാക്രമണം
• Jammu Kashmir Terror Attack: പഹൽഗാം ഭീകരാക്രമണം; പ്രത്യേക മന്ത്രിസഭായോഗം ഇന്ന്