Jammu Kashmir Terror Attack: ഭീകരരുടെ ഒളിത്താവളങ്ങൾ കണ്ടെത്താൻ പാക്കിസ്ഥാൻ സഹകരിക്കണം: അമേരിക്ക

Jammu Kashmir Pahalgam Terrorist Attack:ന്യൂഡൽഹി: ഭീകരതയ്ക്കെതിരായ പോരാട്ടത്തിൽ ഇന്ത്യയ്‌ക്കൊപ്പമെന്ന് വീണ്ടും ആവർത്തിച്ച് അമേരിക്ക. പഹൽഗാം ഭീകരാക്രമണത്തിന് പിന്നിലുള്ള തീവ്രവാദികളെ പിടികൂടുന്നതിന് ഇന്ത്യയ്ക്ക് പാക്കിസ്ഥാൻ എല്ലാവിധ സഹായങ്ങളും ഉറപ്പാക്കുമെന്നാണ് പ്രതീക്ഷിക്കുന്നതെന്ന് യു.എസ്. വൈസ് പ്രസിഡന്റ് ജെ.ഡി. വാൻസ് പറഞ്ഞു. ഫോക്‌സ് ന്യൂസിന് നൽകിയ അഭിമുഖത്തിലാണ് ജെ.ഡി. വാൻസ് ഇക്കാര്യം വ്യക്തമാക്കിയത്. 

രണ്ട് ആണവശക്തികൾക്കിടയിൽ സംഘർഷം നിലനിൽക്കുന്നത് ആശങ്ക സൃഷ്ടിക്കുന്നുണ്ട്. പാക്കിസ്ഥാനിൽ പ്രവർത്തിക്കുന്ന ഭീകരരെ കണ്ടെത്തുന്നതിനും ശിക്ഷ ഉറപ്പാക്കുന്നതിനും ഇന്ത്യയുമായി സഹകരിക്കുമെന്നാണ് പ്രതീക്ഷ. ഇരുരാജ്യങ്ങളും തമ്മിലുള്ള പ്രശ്‌നം സംഘർഷത്തിലേക്ക് പോകാതിരിക്കാൻ എല്ലാവരുടെയും സഹകരണം ഉറപ്പാക്കും- ജെ.ഡി.വാൻസ് പറഞ്ഞു. 

ഭീകരതയ്‌ക്കെതിരെയുള്ള പോരാട്ടത്തിൽ ഇന്ത്യയ്‌ക്കൊപ്പമുണ്ടെന്ന് നേരത്തെ അമേരിക്കയുടെ പ്രതിരോധ സെക്രട്ടറി പീറ്റ് ഹെഗ്‌സെത്തും വ്യക്തമാക്കിയിരുന്നു. പ്രതിരോധ മന്ത്രി രാജ്‌നാഥ് സിങ്ങുമായി നടത്തിയ കൂടിക്കാഴ്ചയിലാണ് അദ്ദേഹം ഇക്കാര്യം വ്യക്തമാക്കിയത്.ഇന്ത്യയുമായി ഐക്യദാർഢ്യം പ്രഖ്യാപിക്കുന്നതായും സ്വയം പ്രതിരോധിക്കാനുള്ള ഇന്ത്യയുടെ അവകാശത്തെ പിന്തുണയ്ക്കുമെന്നും അദ്ദേഹം വ്യക്തമാക്കി.

Read More

• അതിർത്തിയിൽ തുടർച്ചയായ പാക്ക് പ്രകോപനം; ശക്തമായി തിരിച്ചടിച്ച് ഇന്ത്യ
• ഭീകരവാദത്തിനെതിരെയുള്ള പോരാട്ടത്തിൽ ഇന്ത്യയ്‌ക്കൊപ്പം; നിലപാട് ആവർത്തിച്ച് അമേരിക്ക
• നിയന്ത്രണരേഖയിൽ പാക്ക് വെടിവെപ്പ്, തിരിച്ചടിച്ച് സുരക്ഷാസേന
• പാക്കിസ്ഥാന് തിരിച്ചടി; പാക്ക് വിമാനങ്ങൾക്ക് ഇന്ത്യൻ വ്യോമാതിർത്തിയിൽ വിലക്ക്
• അതിർത്തിയിൽ പ്രകോപനം തുടർന്ന് പാക്കിസ്ഥാൻ; ഡൽഹിയിൽ തിരക്കിട്ട ചർച്ചകൾ