Jammu Kashmir Terror Attack: പഹൽഗാം ഭീകരാക്രമണം; പാക്കിസ്ഥാന് പിന്തുണയുമായി ചൈന

Jammu Kashmir, Pahalgam Terrorist Attack: ന്യൂഡൽഹി: പഹൽഗാം ഭീകരാക്രമണത്തിൽ നിഷ്പക്ഷമായ അന്വേഷണം വേണമെന്ന് പാക്കിസ്ഥാൻ ആവശ്യത്തിന് പിന്തുണയുമായി ചൈന.ഇന്ത്യയിലെയും പാകിസ്താനിലെയും സ്ഥിതിഗതികൾ നിരീക്ഷിച്ചുവരുന്നതായി ചൈനീസ് വിദേശകാര്യ മന്ത്രി വാങ് യി പറഞ്ഞു. ഇന്ത്യ-പാക് സ്ഥിതിഗതികൾ സംബന്ധിച്ച് ചൈനീസ് വിദേശകാര്യ മന്ത്രി വാങ് യി പാകിസ്താൻ വിദേശകാര്യ മന്ത്രി മുഹമ്മദ് ഇഷാഖ് ദാറുമായി ഫോണിൽ സംസാരിച്ചതായി ചൈനീസ് സ്റ്റേറ്റ് മാധ്യമമായ ഗ്ലോബൽ ടൈംസ് റിപ്പോർട്ട് ചെയ്തു.

ജമ്മു കശ്മീരിലെ പഹൽഗാമിൽ 26 പേർ കൊല്ലപ്പെട്ട ഭീകരാക്രമണത്തിൽ നിഷ്പക്ഷമായ അന്വേഷണത്തിന് ചൈന പിന്തുണ നൽകുന്നുണ്ടെന്ന് വാങ് യി മുഹമ്മദ് ഇഷാഖ് ദാറിനെ അറിയിച്ചു. ഇരുപക്ഷവും സംയമനം പാലിക്കണമെന്നും ചൈന ആവശ്യപ്പെട്ടു. 

ഭീകരാക്രമണത്തെത്തുടർന്ന് ഇരു രാജ്യങ്ങളും തമ്മിലുള്ള സംഘർഷത്തെക്കുറിച്ചുള്ള ഏറ്റവും പുതിയ വിവരങ്ങൾ പാകിസ്ഥാൻ നേതാവ് വാങിന് വിശദീകരിച്ചു. ഭീകരതയെ ചെറുക്കുക എന്നത് എല്ലാ രാജ്യങ്ങളുടെയും ഉത്തരവാദിത്തമാണ്. പാകിസ്താന്റെ ഉറച്ച ഭീകരവിരുദ്ധ നടപടികളെ ചൈന പിന്തുണയ്ക്കുന്നുവെന്ന് വാങ് പറഞ്ഞതായി ഗ്ലോബൽ ടൈംസ് റിപ്പോർട്ട് ചെയ്യുന്നു. 

നേരത്തെ പഹൽഗാം ഭീകരാക്രമണത്തിൽ സുതാര്യവും നിഷ്പക്ഷവുമായ അന്വേഷണം വേണമെന്നാവശ്യപ്പെട്ട് പാക്കിസ്ഥാൻ പ്രധാനമന്ത്രി ഷെഹബാസ് ഷെരീഫ് രംഗത്തെത്തിയിരുന്നു. പഹൽഗാം ഭീകരാക്രമണത്തിൽ പാക്കിസ്ഥാന്റെ പങ്കിനെ സംബന്ധിച്ച് ഇന്ത്യ അന്താരാഷ്ട്ര വേദികളിൽ അറിയിച്ചതിനെ തുടർന്നാണ് പാക്ക് പ്രധാനമന്ത്രി പുതിയ നീക്കവുമായി രംഗത്തെത്തിയിരുന്നു. 

അതേസമയം, പാക്കിസ്ഥാനെതിരെയുള്ള നടപടികൾ ഇന്ത്യ കൂടുതൽ കടുപ്പിച്ചു. തുടർച്ചായി ഇന്ത്യ വിരുദ്ധ പ്രചാരണങ്ങൾ നടത്തുന്ന 13 യുട്യൂബ് ചാനലുകൾക്ക് കേന്ദ്രസർക്കാർ നിരോധനം ഏർപ്പെടുത്തി. ഡോൺ ന്യൂസ്, സമ ടിവി, ജിയോ ന്യൂസ് ഉൾപ്പെടെ 16 ചാനലുകളാണ് നിരോധിച്ചത്.

Read More

• Jammu Kashmir Terror Attack: സാമൂഹിക മാധ്യമങ്ങളിലൂടെ രാജ്യവിരുദ്ധ പ്രചാരണം; 22 പേർ അറസ്റ്റിൽ
• ഇന്ത്യ വിരുദ്ധ പ്രചാരണം; 16 പാക്കിസ്ഥാൻ യുട്യൂബ് ചാനലുകൾ നിരോധിച്ചു, ബിബിസിയെ നിരീക്ഷിക്കും
• പഹൽഗാം ഭീകരാക്രണം; 537 പാക്ക് പൗരൻമാർ മടങ്ങി, സ്ഥിതി വിലയിരുത്തി ആഭ്യന്തര മന്ത്രാലയം
• പഹൽഗാം ഭീകരാക്രമണം; ഭീകരരെ സുരക്ഷസേന കണ്ടെത്തി, വെടിവെയ്പ്പ് നടന്നെന്ന് റിപ്പോർട്ട്
• ബി.എസ്.എഫ്. ജവാന്റെ മോചനം നീളുന്നു; സഹകരിക്കാതെ പാക്കിസ്ഥാൻ
• പഹൽഗാം ഭീകരാക്രമണം; ഇന്ത്യ മറുപടി നൽകും, നീതി നടപ്പാക്കപ്പെടും: നരേന്ദ്ര മോദി