എൻആർസി നടപ്പാക്കാനൊരുങ്ങി മണിപ്പൂർ; നിയമസഭയിൽ പ്രമേയം പാസാക്കി

ഇംഫാൽ: സംസ്ഥാനത്ത് ദേശീയ പൗരത്വ രജിസ്റ്റർ (എൻആർസി) നടപ്പാക്കുന്നതിനായി 2022 ഓഗസ്റ്റ് 5-ന് സഭ പാസാക്കിയ പ്രമേയം മണിപ്പൂർ നിയമസഭ വീണ്ടും സ്ഥിരീകരിച്ചു. നാഗാ പീപ്പിൾസ് ഫ്രണ്ട് (എൻപിഎഫ്) എംഎൽഎ കെ ലെഷിയോ അവതരിപ്പിച്ച സ്വകാര്യ പ്രമേയവുമായി ബന്ധപ്പെട്ട് നടന്ന ചർച്ചയിലാണ് നിയമസഭ എൻആർസി സംബന്ധിച്ച തീരുമാനത്തിന് അംഗീകാരം നൽകിയത്. 

2022 ലെ നിയമസഭാ പ്രമേയം ആഭ്യന്തര സെക്രട്ടറി അജയ് കുമാർ ഭലാട്ടിന് അയച്ചതായി മണിപ്പൂർ മുഖ്യമന്ത്രി എൻ ബിരേൻ സിംഗ് പറഞ്ഞു. 2023-ൽ ഡെപ്യൂട്ടി രജിസ്ട്രാർ ജനറൽ ജസ്പാൽ സിംഗ്, മണിപ്പൂരിൽ എൻആർസി നടപ്പാക്കാനുള്ള പ്രമേയത്തിന്മേൽ കേന്ദ്രസർക്കാർ സജീവമായി ആലോചിക്കുന്നതായി അറിയിച്ചുകൊണ്ട് സംസ്ഥാന ഹോം കമ്മീഷണറെ ഔദ്യോഗികമായി അറിയിച്ചു. മണിപ്പൂരിലെ ജനങ്ങളെ  സംരക്ഷിക്കാനുള്ള പ്രതിബദ്ധത തിരിച്ചറിഞ്ഞില്ലെങ്കിൽ രാഷ്ട്രീയത്തിൽ നിന്ന് രാജിവെക്കുന്നതാണ് നല്ലതെന്നും അദ്ദേഹം പറഞ്ഞു.

 "നമ്മുടെ സംസ്ഥാനത്തിൻ്റെ താൽപ്പര്യങ്ങൾ സംരക്ഷിക്കുന്നതിനും നമ്മുടെ രാജ്യത്തിൻ്റെ മഹത്തായ നന്മയ്ക്ക് സംഭാവന നൽകുന്നതിനും എൻആർസി നിർണായകമാണ്" ബിരേൻ സിംഗ് തന്റെ ഔദ്യോഗിക എക്‌സ് അക്കൗണ്ടിൽ എഴുതി,

“എൻആർസി നടപ്പാക്കുന്നത് വേഗത്തിലാക്കാൻ ഇന്ത്യാ ഗവൺമെന്റിനോട് ആവശ്യപ്പെടാനുള്ള തീരുമാനം മണിപ്പൂരിന്റെ സുരക്ഷയും അഖണ്ഡതയും ഉറപ്പാക്കാനുള്ള ഞങ്ങളുടെ പ്രതിബദ്ധതയെ പ്രതിഫലിപ്പിക്കുന്നതാണ്. വരും തലമുറകൾക്കായി കൂടുതൽ ശക്തവും സമൃദ്ധവുമായ മണിപ്പൂർ കെട്ടിപ്പടുക്കാൻ ഞങ്ങൾ പരിശ്രമിക്കുമ്പോൾ ഈ ഉദ്യമത്തെ പിന്തുണയ്ക്കാൻ അദ്ദേഹം എല്ലാ പൗരന്മാരോടും അഭ്യർത്ഥിക്കുന്നു," സിംഗ് കൂട്ടിച്ചേർത്തു.

നിലവിലെ പ്രതിസന്ധികളായ അതിർത്തി വേലി, അനധികൃത കുടിയേറ്റക്കാരുടെ കുത്തൊഴുക്ക്, എഫ്ആർഎം തുടങ്ങിയ പ്രശ്‌നങ്ങളാണെന്ന് തന്റെ പ്രമേയം സഭയിൽ അവതരിപ്പിച്ചുകൊണ്ട് ലെഷിയോ പറഞ്ഞു. മ്യാൻമറിൽ നിന്നുള്ള അനധികൃത കുടിയേറ്റക്കാരുടെ കടന്നുകയറ്റമാണ് നിർണായക പ്രശ്നങ്ങളിലൊന്ന്. എൻആർസി നടപ്പാക്കുന്നത് നിരവധി ചർച്ചകൾക്ക് വഴിവെച്ചിട്ടുണ്ടെങ്കിലും, അത്തരമൊരു റെക്കോർഡ് നിലനിർത്തുന്നത് സംസ്ഥാനത്ത് താമസിക്കുന്ന തദ്ദേശീയ സമൂഹങ്ങൾക്ക് അനുകൂലമാകുമെന്ന് ലെഷിയോ പ്രമേയത്തിൽ പറഞ്ഞു.

ഇത് നടപ്പാക്കപ്പെടുമ്പോൾ മെറിറ്റും ഡീമെറിറ്റും ഉണ്ടാകും, എന്നാൽ ശരിയായ റെക്കോർഡ് നിലനിർത്തുന്നത് മികച്ച നയരൂപീകരണത്തിനും ഭരണം കാര്യക്ഷമമാക്കുന്നതിനും സംസ്ഥാനത്തെ സഹായിക്കുമെന്നും അദ്ദേഹം കൂട്ടിച്ചേർത്തു. തുടർന്ന് സ്വകാര്യ അംഗ പ്രമേയം സർക്കാർ പ്രമേയമാക്കി മാറ്റാൻ എംഎൽഎ നിർദേശിച്ചു.

2022-ലെ മണിപ്പൂർ അസംബ്ലിയുടെ NRC നടപ്പാക്കാനുള്ള പ്രമേയം 19 ഗോത്ര വിഭാഗങ്ങൾ, കൂടുതലും നാഗുകൾ, പ്രധാനമന്ത്രി നരേന്ദ്ര മോദിക്ക് ഒരു മെമ്മോറാണ്ടം സമർപ്പിച്ച് ദിവസങ്ങൾക്ക് ശേഷമാണ് വന്നത്. സ്വകാര്യ അംഗങ്ങളുടെ പ്രമേയ ചർച്ചയിൽ ജെഡിയു എംഎൽഎ അബ്ദുൾ നാസിർ, എൻപിഎഫ് എംഎൽഎ അവാങ്ബോ ന്യൂമൈ, എൻപിപി എംഎൽഎ നൂറുൽ ഹസൻ, എൻപിപി എംഎൽഎ ടി സാന്തി, ബിജെപി എംഎൽഎ എൽ രമേഷ്വർ എന്നിവരും പങ്കെടുത്തു.

Read More

• ബംഗളൂരുവിലെ കഫേയിൽ നടന്നത് സ്ഫോടനം; സ്ഥിരീകരണവുമായി മുഖ്യമന്ത്രി സിദ്ധരാമയ്യ
• 'ഹിമാചലിലെ ബിജെപിയുടെ പ്രവർത്തനം തങ്ങളേക്കാൾ മികച്ചത്'; ഹിമാചൽ കോൺഗ്രസ് അദ്ധ്യക്ഷ പ്രതിഭാ സിംഗ്
• മലയാളിയായ പ്രശാന്ത് ബാലകൃഷ്ണൻ നായർ ബഹിരാകാശത്തേക്ക്; ഗഗൻയാൻ ദൗത്യസംഘത്തിന്റെ തലവൻ
• 370 സീറ്റുകൾ മാത്രമല്ല, ബിജെപി ലക്ഷ്യം വെക്കുന്നത് 50 ശതമാനം വോട്ടും
• ലോക്സഭാ തിരഞ്ഞെടുപ്പ്: അഞ്ചിടത്ത് കോൺഗ്രസ്-ആം ആദ്മി പാർട്ടി സീറ്റുകളിൽ ധാരണയായി