ബെംഗളൂരുവിലെ പിജി ഹോസ്റ്റലിൽ യുവതിയെ കഴുത്തറുത്ത് കൊന്നു, പ്രതി പിടിയിൽ

ബെംഗളൂരു: ബെംഗളൂരുവിലെ പിജി ഹോസ്റ്റലിൽ യുവതിയെ കഴുത്തറുത്ത് കൊലപ്പെടുത്തിയ സംഭവത്തിൽ പ്രതി പിടിയിൽ. ബിഹാർ സ്വദേശിയായ കൃതി കുമാരി (24)യാണ് ഹോസ്റ്റലിൽ അതിക്രൂരമായി കൊല്ലപ്പെട്ടത്. സംഭവത്തിൽ പ്രതിയായ അഭിഷേകിനെ മധ്യപ്രദേശിൽനിന്നാണ് പോലീസ് പിടികൂടിയത്. കൃതിയുടെ റൂംമേറ്റായിരുന്ന പെൺകുട്ടിയുടെ കാമുകനാണ് പ്രതിയെന്ന് പോലീസ് പറഞ്ഞു.

ചൊവ്വാഴ്ച രാത്രിയാണ് യുവതി കൊല്ലപ്പെട്ടത്. രാത്രി ഹോസ്റ്റലിൽ എത്തിയ പ്രതി യുവതിയുടെ കഴുത്തറുത്തശേഷം കുത്തി കൊലപ്പെടുത്തുകയായിരുന്നു. കൃതിയുടെ റൂംമേറ്റുമായി പ്രതി പ്രണയത്തിലായിരുന്നു. ഇരുവരും തമ്മിലുണ്ടാകുന്ന തർക്കങ്ങൾ പലപ്പോഴും കൃതി ഇടപെട്ടാണ് പരിഹരിച്ചിരുന്നത്.  

ഇടയ്ക്ക് പ്രതിയുമായുള്ള ബന്ധം അവസാനിപ്പിക്കാൻ കൃതി റൂംമേറ്റിനോട് ആവശ്യപ്പെടുകയും ചെയ്തു. പെൺകുട്ടി മറ്റൊരു ഹോസ്റ്റലിലേക്ക് താമസം മാറ്റുകയും ചെയ്തു. ഇതേത്തുടർന്നുണ്ടായ വൈരാഗ്യം മൂലമാണ് കൃതിയെ യുവാവ് കൊലപ്പെടുത്തിയതെന്ന് പൊലീസ് വ്യക്തമാക്കി. 

കൊലപാതകത്തിന്റെ സിസിടിവി ദൃശ്യങ്ങൾ പുറത്തുവന്നിരുന്നു. ഈ ദൃശ്യങ്ങളുടെ സഹായത്തോടെയാണ് പ്രതി പോലീസിനെ പിടികൂടിയത്. 

Read More

• സുനേരി ബാഗ് റോഡിലെ ബംഗ്ലാവ് രാഹുൽ ഗാന്ധിയുടെ ഔദ്യോഗിക വസതിയായേക്കും
• പ്രതിപക്ഷ ശബ്ദമാകാൻ മമത, നിതി ആയോഗ് യോഗത്തിൽ പങ്കെടുക്കും
• ഗവർണർക്കെതിരെ പ്രസ്താവന നടത്താം; മമത ബാനജിക്ക് ആശ്വാസമായി ഹൈക്കോടതി വിധി
• ഇന്ത്യയിലെ വിവിധ കോടതികളിൽ കെട്ടിക്കിടക്കുന്നത് അഞ്ച് കോടിയിലധികം കേസുകൾ