ഡൽഹിയിൽ സിആർപിഎഫ് സ്‌കൂളിന് സമീപം പൊട്ടിത്തെറി; അന്വേഷണം ആരംഭിച്ച് പൊലീസ്

ഡൽഹി: ഡൽഹിയിലെ രോഹിണി സെക്ടർ 14ൽ, സ്കൂളിനു സമീപം പൊട്ടിത്തെറി. സിആർപിഎഫ് സ്കൂളിനു സമീപമാണ് വലിയ സ്ഫോടന ശബ്ദത്തോടെ പൊട്ടിത്തെറിയുണ്ടായത്. പൊലീസും ബോംബ് സ്ക്വാഡും സ്കൂളിൽ പരിശോധന നടത്തുകയാണ്.

ഞായറാഴ്ച രാവിലെ സ്കൂൾ പരിസരത്തുനിന്ന് സ്‌ഫോടന ശബ്ദം കേട്ടതായി പൊലീസിനു പിസിആർ കോൾ ലഭിച്ചതായി ഡൽഹി പൊലീസ് ഉദ്യോഗസ്ഥൻ പറഞ്ഞു. പൊലീസ് ഉടൻ സ്ഥലത്തെത്തിയതായും, സ്കൂളിന്റെ ഭിത്തികൾ തകർന്ന നിലയിൽ കണ്ടെത്തിയതായും ഉദ്യോഗസ്ഥൻ പറഞ്ഞു.

Loud blast near #CRPF school in #Delhi’s #Rohinihttps://t.co/voID7wgUDE

Watch video: pic.twitter.com/lGWcwM301M

— The Indian Express (@IndianExpress) October 20, 2024

പൊട്ടിത്തെറിയുടെ ആഘാതത്തിൽ സ്കൂളിനു സമീപത്തെ കടകളുടെ ജനൽ ചില്ലുകളും, പാർക്ക് ചെയ്‌തിരുന്ന കാറുകളുടെ ചില്ലുകളും തകർന്നു. അവിധി ദിവസമായതിനാൽ വൻ ദുരന്തം ഒഴിവായി. സ്കൂളിൽ ജീവനക്കാരോ അധ്യാപകരോ ഉണ്ടായിരുന്നില്ലെന്നും, ആർക്കും പരിക്കേറ്റിട്ടില്ലെന്നും അധികൃതര്‍ അറിയിച്ചു.

#WATCH | Delhi: A blast was heard outside CRPF School in Rohini's Prashant Vihar area early in the morning. Police and FSL team present on the spot. pic.twitter.com/S4ytKNz4cQ

— ANI (@ANI) October 20, 2024

സ്‌ഫോടന കാരണം കണ്ടെത്താനായി, ക്രൈംബ്രാഞ്ച്, ഫോറൻസിക്, ബോംബ് സ്‌ക്വാഡ് സംഘങ്ങൾ പ്രദേശത്ത് പരിശോധന നടത്തി വരികയാണ്. പൊലീസിന്റെയും ഫയർ ഫോഴ്സിന്റെയും നേതൃത്തത്തിലാണ് പ്രദേശത്തെ സ്ഥിതിഗതികൾ നിയന്ത്രണത്തിലാക്കിയത്. പൊട്ടിത്തെറി നടന്ന സ്ഥലത്തുനിന്ന് ദുർഗന്ധം വമിക്കുന്നതായി പൊലീസ് അറിയിച്ചു.

Read More

• വിസ ലഭിച്ചില്ല; പാക് യുവതിയെ ഓൺലൈനിൽ വിവാഹം കഴിച്ച് ബിജെപി നേതാവിന്റെ മകൻ
• ഗാസയിൽ മരണം 73 കടന്നു; ഡ്രോൺ ആക്രമണത്തിനു പിന്നാലെ ബെയ്‌റൂട്ടിലും ഇസ്രായേൽ ആക്രമണം
• 24 മണിക്കൂറിനിടെ രണ്ടു വിമാനങ്ങൾക്ക് ബോംബ് ഭീഷണി
• ബ്രിക്സ് ഉച്ചകോടിക്കായി മോദി റഷ്യയിലേക്ക്, ഷി ജിൻപിങ് പങ്കെടുക്കുമെന്ന് ചൈന
• കള്ളപ്പണം വെളുപ്പിക്കൽ കേസ്​: മുൻമന്ത്രി സത്യേന്ദ്ര ജെയിന് ജാമ്യം
• വായ്പകൾക്ക് അമിത പലിശ; നാല് എൻബിഎഫ്‌സികൾക്ക് വിലക്കേർപ്പെടുത്തി റിസർവ് ബാങ്ക്
• സദ്ഗുരു ജഗ്ഗി വാസുദേവിന്റെ ഇഷാ ഫൗണ്ടേഷനെതിരായ ഹർജി തീർപ്പാക്കി സുപ്രീം കോടതി