രാജ്യം നാളെ ലോക്സഭാ തിരഞ്ഞെടുപ്പിന്റെ അഞ്ചാം ഘട്ടത്തിലേക്ക്; 49 സീറ്റുകളിൽ ആവേശപ്പോരാട്ടം

ഡൽഹി: രാജ്യം നാളെ ലോക്സഭാ തിരഞ്ഞെടുപ്പിന്റെ അഞ്ചാം ഘട്ടത്തിലേക്ക് കടക്കവെ, തിങ്കളാഴ്ച എട്ട് സംസ്ഥാനങ്ങളിലായി 49 ലോക്സസഭാ സീറ്റുകളിലേക്കാണ് വോട്ടെടുപ്പ് നടക്കാനിരിക്കുന്നത്. നാളെയോടെ 428 സീറ്റുകളിലേക്കുള്ള തിരഞ്ഞെടുപ്പാണ് പൂർത്തിയാകുക. അതിന് ശേഷം അടുത്ത രണ്ട് ഘട്ടങ്ങളിലായി 115 സീറ്റുകളിലേക്കുള്ള പൊതു തിരഞ്ഞെടുപ്പാണ് നടക്കാനുള്ളത്.

2019ൽ അഞ്ചാം ഘട്ടത്തിലായി തിരഞ്ഞെടുപ്പ് നടക്കുന്ന 49 മണ്ഡലങ്ങളിൽ, 34 സീറ്റുകൾ എൻഡിഎയും ആറ് സീറ്റുകൾ പ്രതിപക്ഷ പാർട്ടികളുമാണ് ജയിച്ചത്. ബിജെപി 32 സീറ്റുകളിൽ ജയിച്ചപ്പോൾ പ്രതിപക്ഷമായ കോൺഗ്രസ് ഒരു സീറ്റിൽ മാത്രമാണ് ജയിച്ചിരുന്നത്. കോൺഗ്രസ് ഉത്തർപ്രദേശിലെ റായ്ബറേലിയിൽ മാത്രമാണ് ജയിച്ചു കയറിയത്. ശേഷിക്കുന്ന 9 സീറ്റുകളിൽ ഏഴെണ്ണം ശിവസേനയും രണ്ടെണ്ണം ബിജു ജനതാദളുമാണ് വിജയിച്ചത്.

ഇന്ത്യ മുന്നണിയിലെ പാർട്ടികൾക്ക് 28.83% വോട്ട് വിഹിതം ലഭിച്ചപ്പോൾ, 42.85% വോട്ടുകളാണ് എൻഡിഎയിൽ ഉൾപ്പെടുന്ന പാർട്ടികൾക്ക് ലഭിച്ചത്. ശിവസേനയുടെയും എൻസിപിയുടെയും വോട്ടുകൾ ഒഴികെയുള്ള കണക്കാണിത്. 2014ൽ എൻഡിഎ ഇതിൽ 29 സീറ്റുകളും ഇന്ത്യ മുന്നണിയിലെ പാർട്ടികൾ 10 സീറ്റുകളും നേടി. 10 എണ്ണം മറ്റ് പാർട്ടികളിലേക്ക് പോയി.

തിങ്കളാഴ്ചത്തെ അഞ്ചാം ഘട്ടത്തിൽ 695 സ്ഥാനാർത്ഥികളാണ് മത്സരരംഗത്തുള്ളത്. ബിഎസ്പിയാണ് ഏറ്റവും കൂടുതൽ സ്ഥാനാർത്ഥികളെ നിർത്തിയിരിക്കുന്നത്. ബിഎസ്പി (46), ബിജെപി (40), കോൺഗ്രസ് (18) എന്നിങ്ങനെയാണ് കണക്കുകൾ. മഹാരാഷ്ട്രയിലെ അവസാന 13 സീറ്റുകളിലേക്ക് ഈ ഘട്ടത്തിലാണ് വോട്ടെടുപ്പ് നടക്കുന്നത്.

ഈ ഘട്ടത്തിലാണ് സംസ്ഥാനത്ത് ഏറ്റവും കൂടുതൽ സ്ഥാനാർത്ഥികൾ മത്സരിക്കുന്നത് (264 പേർ). ഉത്തർപ്രദേശിലെ 14 സീറ്റുകളിൽ 144 പേരും, പശ്ചിമ ബംഗാളിലെ ഏഴ് മണ്ഡലങ്ങളിൽ 88 പേരും മത്സരരംഗത്തുണ്ട്.

കൂടുതൽ വായിക്കാൻ ക്ലിക്ക് ചെയ്യൂ

Read More

• 'നേതാക്കളെ തുറങ്കലിലടച്ചാലും ആശയങ്ങൾ നിലനിൽക്കും'; ബിജെപിക്കെതിരെ അരവിന്ദ് കേജ്രിവാൾ
• 'എട്ടോളം തവണ തല്ലി, മാറിലും വയറിലും ചവിട്ടി'; ബിഭവ് കുമാറിനെതിരായ പരാതിയിൽ സ്വാതി മലിവാളിന്റെ മൊഴി
• ബുർഖയും ഹിജാബും ധരിക്കരുത്; മതപരമായ വസ്ത്രങ്ങൾക്ക് നിരോധനവുമായി ചെമ്പൂർ കോളേജ്
• പരസ്യ ബോർഡ് അപകടം; അറസ്റ്റിലായ കമ്പനി ഉടമയെ കോടതിയിൽ ഹാജരാക്കും
• നൂറോളം പേരുടെ അപകടത്തിനിടയാക്കിയ പരസ്യ ബോർഡിന് അനുമതിയില്ല; ഉടമ ബലാത്സംഗ കേസിലെ പ്രതി