രാഹുലിനെ പിൻനിരയിൽ ഇരുത്തിയ സംഭവം; പ്രധാനമന്ത്രിക്കെതിരെ രൂഷവിമർശനവുമായി കോൺഗ്രസ്

ഡൽഹി: ചെങ്കോട്ടയിൽ നടന്ന സ്വാതന്ത്ര്യ ദിനാഘോഷ ചടങ്ങിൽ പ്രതിപക്ഷ നേതാവ് രാഹുൽ ഗാന്ധിയെ പിൻനിരയിൽ ഇരുത്തിയ സംഭവത്തിൽ പ്രധാനമന്ത്രി നരേന്ദ്ര മോദിക്കും പ്രതിരോധ മന്ത്രാലയത്തിനും എതിരെ ആഞ്ഞടിച്ച് പ്രതിപക്ഷം. ജൂൺ നാലിന് ശേഷമുള്ള പുതിയ യാഥാർത്ഥ്യത്തിലേക്ക് പ്രധാനമന്ത്രി ഉണരണമെന്ന് കോൺഗ്രസ് പറഞ്ഞു.

രാഹുൽ ഗാന്ധിയെ പിൻനിരയിൽ ഇരുത്തിയ ധിക്കാരപരമായ പെരുമാറ്റം പ്രധാനമന്ത്രി പാഠം പഠിക്കാത്തതിന്റെ തെളിവാണെന്ന്, സംഘടനാ ചുമതലയുള്ള എഐസിസി ജനറൽ സെക്രട്ടറി കെസി വേണുഗോപാൽ വിമർശിച്ചു.

Modi ji, it’s about time you wake up to the new reality post-June 4th. The arrogance with which you relegated Lok Sabha LoP Shri @RahulGandhi ji to the last rows during the Independence Day ceremony shows that you have not learned your lesson.

The Defence Ministry‘s feeble… pic.twitter.com/FZYldFveTQ

— K C Venugopal (@kcvenugopalmp) August 15, 2024

പ്രധാനമന്ത്രി നിസ്സാര ചിന്താഗതിയുള്ള ആളാണെന്നും അതിന് അദ്ദേഹം തന്നെ തെളിവ് നൽകുന്നുണ്ടെന്നും കോൺഗ്രസ് വക്താവ് സുപ്രിയ ശ്രീനേറ്റ് വിമർശിച്ചു. 'ചെറിയ മനസ്സുള്ളവരിൽ നിന്ന് വലിയ കാര്യങ്ങൾ പ്രതീക്ഷിക്കുന്നതിൽ അർത്ഥമില്ല. രാഹുൽ ഗാന്ധിയെ അഞ്ചാം നിരയിൽ ഇരുത്തി നരേന്ദ്ര മോദി അദ്ദേഹത്തിന്റെ നിരാശയാണ് പ്രകടിപ്പിച്ചത്. എന്നാൽ അത് രാഹുൽ ഗാന്ധിയെ ഒരു തരത്തിലും ബാധിക്കില്ല. അദ്ദേഹം ഇനിയും ജനങ്ങളുടെ പ്രശ്നങ്ങൾ ഉന്നയിക്കുകതന്നെ ചെയ്യും' സുപ്രിയ ശ്രീനേറ്റ്  പറഞ്ഞു.

കേന്ദ്രമന്ത്രിമാര്‍ക്കും വിശിഷ്ടാതിഥികള്‍ക്കും പിന്നിലായാണ് രാഹുൽ ഗാന്ധിക്ക് ഇരിപ്പിടം നൽകിയത്. കേന്ദ്രമന്ത്രിമാരായ അമിത് ഷാ, നിര്‍മലാ സീതാരാമന്‍, ശിവരാജ് സിങ് ചൗഹാന്‍, എസ്.ജയശങ്കര്‍, ചീഫ് ജസ്റ്റിസ് ഡി.വൈ ചന്ദ്രചൂഡ് തുടങ്ങിയവര്‍ മുന്‍നിരയില്‍ ഇരുന്നപ്പോള്‍ ക്യാബിനറ്റ് പദവിയുള്ള പ്രതിപക്ഷനേതാവിനെ പിന്നില്‍ ഇരുത്തിയതിൽ വ്യാപക വിമർശനം ഉയർന്നിരുന്നു. 

സാമൂഹ്യമാധ്യമങ്ങളിൽ അടക്കം വിമർശനം ശക്തമായതോടെ, ഒളിമ്പിക്‌സ് താരങ്ങള്‍ക്ക് ആദ്യ നിരയിൽ ഇരിപ്പിടം നൽകിയതിനാലാണ് രാഹുൽ ഗാന്ധിക്ക് പിൻനിരയിൽ സ്ഥാനം നൽകിയതെന്നാണ് പ്രതിരോധ മന്ത്രാലയത്തിന്റെ വിശദീകരണം.

Read More

• ഡ്യൂട്ടി കഴിഞ്ഞ് മടങ്ങിയ നഴ്സിനെ ബലാത്സംഗം ചെയ്തു കലപ്പെടുത്തിയ കേസിൽ പ്രതി അറസ്റ്റിൽ
• യുവഡോക്ടറുടെ കൊലപാതകം; ആശുപത്രി അടിച്ചുതകർത്ത ഒൻപതുപേർ അറസ്റ്റിൽ
• രാജ്യം ഒന്നാമത് മുദ്രാവാക്യമാക്കി മുന്നോട്ട് പോകണം:നരേന്ദ്ര മോദി
• വൈക്കം സത്യാഗ്രഹം; സ്വാതന്ത്രസമരത്തിലേക്കുള്ള ആദ്യപടി
• 'കാഫിർ' പ്രയോഗത്തിന് പിന്നിലാര്?
• വയനാട് ദുരന്തം: മരിച്ചവരുടെ കുടുംബങ്ങൾക്ക് 6 ലക്ഷം, പ്രതിമാസ വാടകയായി 6000 നൽകും
• പന്തീരാങ്കാവ് ഗാർഹിക പീഡനക്കേസ്: രാഹുലിനെതിരെ പരാതിയില്ലെന്ന് ഭാര്യ