ഡൽഹിയിലും അതിശക്തമായ മഴ, വിമാന സർവീസുകൾ തടസപ്പെട്ടു

ന്യൂഡൽഹി: ഡൽഹിയിൽ പലയിടത്തും ഇടിമിന്നലോടുകൂടിയ അതിശക്തമായ മഴ. പലയിടത്തും റോഡുകളിൽ വെള്ളം കയറിയത് ഗതാഗത തടസമുണ്ടാക്കി. നിരവധി റോഡുകളും അണ്ടർപാസുകളും വെള്ളത്തിനടിയിലാണ്. മോത്തി ബാഗ്, മിന്റോ റോഡ്, ഇന്ദിരാ ഗാന്ധി രാജ്യാന്തര വിമാനത്താവളത്തിന്റെ ടെർമിനൽ 1 ന് സമീപമുള്ള പ്രദേശങ്ങൾ എന്നിവയുൾപ്പെടെ ഡൽഹിയുടെ പല ഭാഗങ്ങളിലും വെള്ളക്കെട്ട് രൂപപ്പെട്ടിട്ടുണ്ട്. ശക്തമായ മഴയിൽ മിന്റോ റോഡിൽ വെള്ളം നിറഞ്ഞതിനെ തുടർന്ന് കാർ വെള്ളത്തിൽ മുങ്ങി. 

ഡൽഹിയിൽ ഇടിമിന്നലിനൊപ്പം കനത്ത മഴ പെയ്യാനും മണിക്കൂറിൽ 40 മുതൽ 60 കിലോമീറ്റർ വരെ കാറ്റ് വീശിയടിക്കാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഡൽഹിയിൽ റെഡ് അലർട്ട് പ്രഖ്യാപിച്ചിട്ടുണ്ട്. കനത്ത മഴ വിമാന സർവീസുകളെയും ബാധിച്ചു. ചില വിമാനങ്ങൾ വഴിതിരിച്ചു വിട്ടു. ചില വിമാനങ്ങൾ റദ്ദാക്കുകയും ചിലത് വൈകുകയും ചെയ്തിട്ടുണ്ട്. ഫ്ലൈറ്റ് ട്രാക്കിംഗ് വെബ്‌സൈറ്റായ ഫ്ലൈറ്റ്റാഡാർ24-ൽ നിന്നുള്ള ഡാറ്റ അനുസരിച്ച്, ഡൽഹിയിൽ നിന്നുള്ള പല വിമാനങ്ങളും 30 ലധികം മിനിറ്റ് വൈകിയാണ് പുറപ്പെടുന്നത്. 

• Also Read: കോട്ടയിൽ മാത്രം എന്ത് കൊണ്ട് വിദ്യാർഥികൾ ആത്മഹത്യ ചെയ്യുന്നു? ചോദ്യവുമായി സുപ്രീം കോടതി
• ജാമ്യത്തിന് കൈക്കൂലി; ജഡ്ജിയ്ക്കും കോടതി ക്ലർക്കിനെതിരെയും അന്വേഷണം

ഹരിയാനയിലും പരിസരപ്രദേശങ്ങളിലും രൂപംകൊണ്ട ന്യൂനമർദമാണ് ഡല്‍ഹിയിലെ കാലാവസ്ഥയില്‍ പെട്ടെന്നുണ്ടായ മാറ്റത്തിന് കാരണമായതെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഹരിയാനയിലെ ഝജ്ജർ പോലുള്ള പ്രദേശങ്ങളെയും പ്രതികൂല കാലാവസ്ഥ ബാധിച്ചിട്ടുണ്ട്.

Read More

• പാക്കിസ്ഥാന് വേണ്ടി ചാരവൃത്തി; ഗുജറാത്തിൽ ആരോഗ്യപ്രവർത്തകൻ അറസ്റ്റിൽ
• പതിറ്റാണ്ടുകളായി ഭീകരവാദത്തിന്റെ ഇര; ഐക്യരാഷ്ട്ര സഭയിൽ പാക്കിസ്ഥാനെതിരെ ആഞ്ഞടിച്ച് ഇന്ത്യ