പെരുമാറ്റചട്ട ലംഘനം: ബിജെപിയുടെ അഭിജിത് ഗംഗോപാധ്യായക്ക് പ്രചാരണ വിലക്ക്

കൊൽക്കത്ത: തിരഞ്ഞെടുപ്പ് പെരുമാറ്റ ചട്ടം ലംഘിച്ചെന്ന പരാതിയിൽ ബംഗാളിലെ ബിജെപി സ്ഥാനാർത്ഥിയും മുൻ കൽക്കട്ട ഹൈക്കോടതി ജഡ്ജിയുമായ അഭിജിത് ഗംഗോപാധ്യായക്കെതിരെ തിരഞ്ഞെടുപ്പ് കമ്മീഷന്റെ നടപടി. ബംഗാൾ മുഖ്യമന്ത്രി മമതാ ബാനർജിക്കെതിരായി അധിക്ഷേപ പരാമർശം നടത്തിയെന്ന തൃണമൂൽ കോൺഗ്രസിന്റെ പരാതിയിൽ ഗംഗോപാധ്യായയെ 24 മണിക്കൂർ തിരഞ്ഞെടുപ്പ് പ്രചാരണത്തിൽ നിന്നും വിലക്കിക്കൊണ്ടാണ് കമ്മീഷൻ ഉത്തരവിട്ടിരിക്കുന്നത്. 

ചൊവ്വാഴ്ച വൈകീട്ട് അഞ്ച് മണി മുതൽ അടുത്ത 24 മണിക്കൂർ വരെ ഗംഗോപാധ്യായ തിരഞ്ഞെടുപ്പ് പ്രചാരണ പ്രവർത്തനങ്ങളിൽ പങ്കെടുക്കാൻ പാടില്ല.  പശ്ചിമ ബംഗാൾ മുഖ്യമന്ത്രിയും തൃണമൂൽ കോൺഗ്രസ് (ടിഎംസി) അധ്യക്ഷയുമായ മമതാ ബാനർജിക്കെതിരായ അന്തസ്സില്ലാത്ത പരാമർശത്തിന് ഇസി നൽകിയ കാരണം കാണിക്കൽ നോട്ടീസിന് ഗംഗോപാധ്യായ മറുപടി അയച്ചതിന് തൊട്ടുപിന്നാലെയാണ് കമ്മീഷന്റെ നടപടി. 

മെയ് 15 ന് ഹാൽദിയയിൽ നടന്ന പൊതുയോഗത്തിൽ സംസാരിക്കവെ ബാനർജിക്കെതിരെ നടത്തിയ പരാമർശങ്ങളുടെ പേരിൽ ഗംഗോപാധ്യായയ്‌ക്കെതിരെ തൃണമൂൽ കോൺഗ്രസ് നേതൃത്വമാണ് പരാതി നൽകിയിരുന്നത്. മമതയ്ക്കെതിരായി ഗംഗോപാധ്യായ നടത്തിയ പരാമർശങ്ങൾ "അനുചിതവും അനീതിപരവും മാന്യതയില്ലാത്തതും" ആണെന്നും ഇത്  പ്രഥമദൃഷ്ട്യാ മാതൃകാ പെരുമാറ്റച്ചട്ടത്തിന്റെ ലംഘനമാണെന്നും തിരഞ്ഞെടുപ്പ് കമ്മീഷൻ വ്യക്തമാക്കി.

Read More

• 'രാജ്യത്തെ ജനങ്ങളാണ് തന്റെ പിൻഗാമികൾ'; ഇന്ത്യാ സഖ്യത്തിന് സനാതന വിരുദ്ധ മനസ്സെന്നും നരേന്ദ്ര മോദി
• ഇറാൻ പ്രസിഡൻ്റ് ഇബ്രാഹിം റൈസി ഹെലികോപ്റ്റർ അപകടത്തിൽ മരണപ്പെട്ടു
• അപകടത്തിൽ കുറ്റപ്പെടുത്തൽ; നാലാം നിലയില്‍നിന്ന് താഴെവീണ കുഞ്ഞിന്‍റെ അമ്മ ജീവനൊടുക്കി
• ലോക്സഭ തിരഞ്ഞെടുപ്പ് അഞ്ചാം ഘട്ടം; 49 മണ്ഡലങ്ങൾ ഇന്ന് പോളിങ് ബൂത്തിലേക്ക്
• 'നേതാക്കളെ തുറങ്കലിലടച്ചാലും ആശയങ്ങൾ നിലനിൽക്കും'; ബിജെപിക്കെതിരെ അരവിന്ദ് കേജ്രിവാൾ