കൊളംബിയൻ പ്രസിഡന്റ് സ്ഥാനാർഥിയ്ക്ക് വെടിയേറ്റു; നില ഗുരുതരം

ബൊഗോട്ട: കൊളംബിയയിൽ പ്രസിഡന്റ് സ്ഥാനാർഥിയ്ക്ക് നേരെ വധശ്രമം. മിഗ്വേൽ ഉറിബെയ്ക്കുനേരെയാണ് വധശ്രമം നടന്നത്. ശനിയാഴ്ച ഒരുപരിപാടിയിൽ പങ്കെടുത്തുകൊണ്ടിരിക്കെ മിഗ്വേലിന് തലയ്ക്ക് പിന്നിൽ വെടിയേൽക്കുകയായിരുന്നു. പരിക്കേറ്റ മിഗ്വേലിന്റെ നില ഗുരുതരമാണെന്നാണ് വിവരം. 

Also Read:യു.എസ്. സർക്കാരിൽ നിന്നുള്ള രാജിയ്ക്ക് പിന്നാലെ ട്രംപ്-മസ്‌ക് പോര് മുറുകുന്നു

തിരഞ്ഞെടുപ്പ് പ്രചാരണത്തിൽ സംസാരിക്കുന്നതിടയിൽ പിറകിൽ നിന്ന് വെടിവെക്കുകയായിരുന്നു. ഉടൻ തന്നെ അദ്ദേഹത്തെ ആശുപത്രിയിൽ പ്രവേശിപ്പിച്ചു. നിലവിൽ തീവ്രപരിചരണ വിഭാഗത്തിൽ ചികിത്സയിലാണ് മിഗ്വേലി.

Also Read:ഗാസയിൽ ഹമാസ് വിരുദ്ധ സംഘങ്ങൾക്ക് പിന്തുണ നൽകുന്നുണ്ട്; സ്ഥിരീകരിച്ച് ഇസ്രായേൽ

സംഭവത്തിന് പിന്നിൽ ഒരു കൗമാരക്കാരനാണെന്നാണ് അന്താരാഷ്ട്ര വാർത്താ ഏജൻസികൾ റിപ്പോർട്ട് ചെയ്യുന്നത്. ഇയാളെ അറസ്റ്റ് ചെയ്‌തെന്നും അന്താരാഷ്ട്ര വാർത്താ ഏജൻസികൾ റിപ്പോർട്ട് ചെയ്യുന്നുണ്ട്. എന്നാൽ ഇത് സംബന്ധിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല.

Also Read:വ്യോമാക്രമണങ്ങളിൽ പ്രതികരണവുമായി യുക്രൈയ്ൻ; റഷ്യ അത് അർഹിക്കുന്നുവെന്ന് സെലൻസ്‌കി

സംഭവത്തിൽ കൊളംബിയൻ പ്രസിഡന്റ് ഗുസ്താലോ പെട്രോ അപലപിച്ചു. ഒരു വ്യക്തിയ്ക്ക് എതിരെയുള്ള ആക്രമണം അല്ലിതെന്നും ജനാധിപത്യത്തിനെതിരെയുള്ള ആക്രമമാണെന്നും അദ്ദേഹം പ്രതികരിച്ചു. കഴിഞ്ഞ വർഷമാണ് മിഗ്വേൽ തിരഞ്ഞെടുപ്പിൽ മത്സരിക്കുമെന്ന് പ്രഖ്യാപിച്ചത്. 2026-ലാണ് കൊളംബിയയിൽ തിരഞ്ഞെടുപ്പ്. പ്രചാരണ പ്രവർത്തനങ്ങളുമായി മിഗ്വേൽ മുന്നോട്ടുപോകുന്നതിനിടയിലാണ് ആക്രമണം.

Read More

അധികാരമേറ്റ് പത്ത് മാസത്തിന് ശേഷം ബംഗ്ലാദേശിൽ തിരഞ്ഞെടുപ്പ് പ്രഖ്യാപിച്ച് മുഹമ്മദ് യൂനുസ്