ഇന്ത്യയിലെ ആറാമത് സെമികണ്ടക്ടർ യൂണിറ്റ് ഉത്തർപ്രദേശിൽ; അംഗീകാരം നൽകി കേന്ദ്രം

ഡൽഹി: ഇന്ത്യയിലെ ആറാമത് സെമികണ്ടക്ടർ യൂണിറ്റിന് കേന്ദ്ര മന്ത്രിസഭ അംഗീകാരം നൽകി. ഉത്തർപ്രദേശിലാണ് ചിപ്പ് അസംബ്ലി - പാക്കേജിംഗ് യൂണിറ്റ് സ്ഥാപിക്കുന്നതിനായി അംഗീകാരം നൽകിയിരിക്കുന്നത്. എച്ച്‌സിഎല്ലിന്റേയും ഫോക്‌സ്‌കോണിന്റേയും സംയുക്ത സംരംഭമാണിത്. 

കേന്ദ്ര സർക്കാരിന്റെ 76,000 കോടി രൂപയുടെ 'ഇന്ത്യ സെമികണ്ടക്ടർ മിഷന്റെ' കീഴിൽ അംഗീകാരം ലഭിക്കുന്ന ആറാമത്തെ പദ്ധതിയാണിത്. പുതിയ സെമികണ്ടക്ടര്‍ യൂണിറ്റ് 3,700 കോടി രൂപയുടെ നിക്ഷേപം ആകര്‍ഷിക്കുമെന്നും ചിപ്പ് നിർമ്മാണ പദ്ധതി പ്രകാരം ഏകദേശം 1,500 കോടി രൂപ സർക്കാർ ഫണ്ടിൽ നിന്നുള്ളതാണെന്നും സര്‍ക്കാര്‍ വാര്‍ത്താക്കുറിപ്പില്‍ പറഞ്ഞു.

മൊബൈൽ ഫോൺ, ലാപ്‌ടോപ്പ്, ഓട്ടോമൊബൈൽസ്, പിസി, തുടങ്ങി ഡിസ്‌പ്ലേ ഉള്ള ഉപകരണങ്ങളുടെ ഡിസ്‌പ്ലേ ഡ്രൈവർ ചിപ്പുകളാണ് ഈ പ്ലാന്റിൽ നിർമ്മിക്കുക. പ്രതിമാസം 20000 സെമികണ്ടക്ടര്‍ വേഫറുകള്‍ ഉത്പാദിപ്പിക്കുന്ന തരത്തിലാണ് പ്ലാന്റിന്റെ രൂപകല്‍പന. കൂടാതെ പ്രതിമാസം 36 ദശലക്ഷം യൂണിറ്റ് ഔട്ട്‌പുട്ട് ശേഷിയും പ്ലാന്റിന് ഉണ്ടായിരിക്കും.

ഉത്തർപ്രദേശിലെ യമുന എക്സ്പ്രസ് വേ ഇൻഡസ്ട്രിയൽ ഡെവലപ്‌മെന്റ് അതോറിറ്റിയിലെ ജെവാർ വിമാനത്താവളത്തിനടുത്താണ് പ്ലാന്റ് സ്ഥാപിക്കുക. കേന്ദ്രത്തിന്റെ ഇന്ത്യ സെമികണ്ടക്ടർ മിഷന്റെ കീഴിൽ സംസ്ഥാനത്ത് വരുന്ന ആദ്യത്തെ ചിപ്പ് പ്ലാന്റാണിത്. ഒരു ഫാബും മൂന്നു അസംബ്ലി യൂണിറ്റുകളും ഉൾപ്പെടെ നാലു പ്ലാന്റുകൾ ഗുജറാത്തിൽ വരുന്നുണ്ട്. അസമിൽ ഒരു അസംബ്ലി - പാക്കേജിംഗ് പ്ലാന്റ് നിർമ്മാണത്തിലാണ്.

Read More

• india Pakistan News: പാക്കിസ്ഥാൻ പിടികൂടിയ ബിഎസ്എഫ് ജവാനെ മോചിപ്പിച്ചു
• ഓപ്പറേഷൻ സിന്ദൂറിൽ പാക്കിസ്ഥാന് കനത്ത നഷ്ടം; നിരവധി യുദ്ധവിമാനങ്ങൾ ഇന്ത്യ തകർത്തു, 50 പാക് സൈനികർ കൊല്ലപ്പെട്ടു
• പാക് നയതന്ത്ര ഉദ്യോഗസ്ഥനെ പുറത്താക്കി ഇന്ത്യ; 24 മണിക്കൂറിനുള്ളിൽ രാജ്യം വിടാൻ നിർദേശം
• 'ഇന്ത്യൻ ഡ്രോണുകളും മിസൈലുകളും പാക്കിസ്ഥാന്റെ ഉറക്കം കെടുത്തി;' സൈനികരെ പ്രശംസിച്ച് പ്രധാനമന്ത്രി
• ഇന്ത്യ-പാക് സംഘർഷം; വിമാന സർവീസുകൾ റദ്ദാക്കി എയർ ഇന്ത്യയും ഇൻഡിഗോയും