വിജയ്‌യുടെ പാർട്ടി സമ്മേളനത്തിലേക്കുള്ള യാത്രാമധ്യേ കാർ അപകടം; രണ്ടു മരണം

വില്ലുപുരം: നടൻ വിജയ്‌യുടെ പാർട്ടിയായ തമിഴക വെട്രി കഴകത്തിന്റെ (ടിവികെ) സംസ്ഥാന സമ്മേളനത്തിലേക്കുള്ള യാത്രാമധ്യേ കാർ അപകടം. രണ്ടു പേർ മരിച്ചതായാണ് വിവരം. സമ്മേളനത്തിനു പുറപ്പെട്ട സംഘം സഞ്ചരിച്ചിരുന്ന എസ്.യു.വി തലകീഴായി മറിയുകയായിരുന്നു. 

കള്ളാക്കുറിച്ചി ജില്ലയിലെ ഉളുന്തൂര്‍പ്പേട്ടയ്ക്കടുത്ത് ഷെയ്ഖ് ഹുസൈന്‍പേട്ടയിലാണ് അപകടം സംഭവിച്ചത്. വാഹനത്തിലുണ്ടായിരുന്ന മറ്റു മൂന്നുപേരെ ഗുരുതര പരിക്കേറ്റുകളോടെ ഉളുന്ദൂർപേട്ട ജനറൽ ആശുപത്രിയിൽ പ്രവേശിപ്പിച്ചു.

ടിവികെയുടെ ആദ്യ സംസ്ഥാന സമ്മേളനത്തിൽ പങ്കെടുക്കുന്നതിനായി, വിക്രവണ്ടിയിലേക്ക് പോകുകയായിരുന്ന തിരുച്ചി സൗത്ത് ജില്ലാ യുവനേതാവും അഭിഭാഷകനുമായ ശ്രീനിവാസൻ, വൈസ് പ്രസിഡൻ്റ് കലൈ എന്നിവരാണ് മരിച്ചത്. വാഹനം ഷെയ്ഖ് ഹുസൈൻപേട്ടിനടുത്തെത്തിയപ്പോൾ റോഡിൻ്റെ ബാരിക്കേഡിൽ ഇടിച്ച് വശത്തെ കുഴിയിലേക്ക് മറിയുകയായിരുന്നുവെന്ന് പൊലീസ് അറിയിച്ചു.

த.வெ,க மாநாட்டிற்குச் சென்றபோது கார் கவிழ்ந்து விபத்து; திருச்சி மாவட்ட இளைஞரணி தலைவர், துணைத் தலைவர் மரணம்; 3 பேர் படுகாயங்களுடன் மருத்துவமனையில் அனுமதி#Vijay#TVKConference#Trichy#TVKVijayMaanaduhttps://t.co/92WNG455sK

— Indian Express Tamil (@IeTamil) October 27, 2024

ഇന്നു പുലർച്ചെ ഉണ്ടായ മറ്റൊരു അപകടത്തിൽ, ടിവികെ സമ്മേളനത്തിൽ പങ്കെടുക്കാനെത്തിയ പാർട്ടി പ്രവർത്തകൻ മരിച്ചിരുന്നു. ചെന്നൈ തേനാംപേട്ടിൽവച്ചാണ് യുവാക്കൾ സഞ്ചരിച്ചിരുന്ന ഇരുചക്രവാഹനം അപകടത്തിൽപെട്ടത്. വാഹനത്തിലുണ്ടായിരുന്ന മറ്റൊരു യുവാവിനെ ഗുരുതര പരിക്കുകളോടെ തേനാംപേട്ട് സർക്കാർ ആശുപത്രിയിൽ പ്രവേശിപ്പിച്ചു.

ആരാധകരും പാർട്ടി പ്രവർത്തകരും ഉൾപ്പെടെ രണ്ടു ലക്ഷത്തിലേറെ ആളുകളാണ് വില്ലുപുരം ജില്ലയിലെ വിക്രവാണ്ടിയിലേക്ക് സമ്മേളനത്തിൽ പങ്കെടുക്കാനെത്തിയത്. ആറായിരത്തോളം പൊലീസ് ഉദ്യോഗസ്ഥരെയാണ് സുരക്ഷാ ക്രമീകരണങ്ങൾക്കായി പ്രദേശത്ത് വിന്യസിച്ചിരിക്കുന്നത്. തിണ്ടിവനത്തിനും വില്ലുപുരത്തിനും ഇടയിലായി, തിരുച്ചി-ചെന്നൈ ദേശീയപാതയുടെ ഇരുവശങ്ങളിലും 10 കിലോമീറ്ററോളം വൻ ഗതാഗത കുരുക്ക് രൂപപ്പെട്ടിരുന്നു. ഗതാഗത നിയന്ത്രണം പൊലീസ് കടുപ്പിച്ചിരിക്കുകയാണ്.

Read More

• വിജയ് ദീർഘകാല സുഹൃത്ത്; ആശംസയുമായി ഉദയനിധി സ്റ്റാലിൻ
• നൻപന് ആശസംകൾ; വിജയ്‌യുടെ രാഷ്ട്രീയ പ്രവേശനത്തിന് ആശംസയുമായി സൂര്യ
• നയം വ്യക്തമാക്കാൻ വിജയ്; തമിഴക വെട്രി കഴകത്തിന്റെ പ്രഥമ സമ്മേളനം ഇന്ന്
• തമിഴകത്ത് രാഷ്ട്രീയ പോരിന് വിജയ്, കളം പിടിക്കുമോ?
• ദയവായി കേൾക്കൂ; ഗർഭിണികളോടും കുട്ടികളോടും അഭ്യർത്ഥനയുമായി വിജയ്
• തമിഴക വെട്രി കഴകത്തിന്റെ പതാകയും ഗാനവും പുറത്തിറക്കി വിജയ്
• 'ദളപതി 69;' അവസാന വിജയ് ചിത്രത്തിന്റെ കാത്തിരുന്ന അപ്ഡേറ്റ് പുറത്ത്