യുപിയിൽ ബഹുനില കെട്ടിടം തകർന്ന് ആറു കുട്ടികൾ ഉൾപ്പെടെ പത്തുപേർക്ക് ദാരുണാന്ത്യം

മീററ്റ്: ഉത്തർപ്രദേശിൽ ബഹുനില കെട്ടിടം തകർന്ന് ആറു കുട്ടികൾ ഉൾപ്പെടെ പത്തുപേർക്ക് ദാരുണാന്ത്യം. ശനിയാഴ്ച വൈകുന്നേരം മീററ്റിലാണ് മൂന്നു നില കെട്ടിടം തകർന്ന് അപകടം ഉണ്ടായത്. അഞ്ചുപേരെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.

50 വർഷത്തിലേറെ പഴക്കമുള്ള ജീർണിച്ച കെട്ടിടമാണ് തകർന്നു വീണത്. ഒരു കുടുംബത്തിൽ നിന്നുള്ളവരാണ് മരണപ്പെട്ടത്. കെട്ടിടത്തിന് താഴത്തെ നിലയിലുണ്ടായുരുന്ന നിരവധി കന്നുകാലികളും ചത്തതായി റിപ്പോർട്ടുണ്ട്.

#Meerut Meerut building accident: 10 people died after being buried under debris, 5 are in critical condition, rescue operation underway.The incident took place in Zakir Colony of Lohia Nagar PS area, where a 35-year-old two-storey building along with the ground floor collapsed. pic.twitter.com/sXzg1PT1Z6

— Arpan News (@ArpanNews) September 15, 2024

ദേശീയ- സംസ്ഥാന ദുരന്ത നിവാരണ സേനകളുടെയും, പൊലീസിന്റെയും സംയുക്തമായ സംഘമാണ് രക്ഷാ പ്രവർത്തനത്തിന് നേതൃത്വം നൽകുന്നത്. സ്‌നിഫര്‍ നായകളെ ഉപയോഗിച്ചാണ് കെട്ടിടാവശിഷ്ടങ്ങള്‍ക്കിടയിലെ മനുഷ്യസാന്നിധ്യം കണ്ടെത്തിയത്. തുടർച്ചയായ മഴ കെട്ടിടാവശിഷ്ടങ്ങള്‍ നീക്കുന്നതിനും മറ്റു രക്ഷാ പ്രവർത്തനങ്ങൾക്കും വെല്ലുവിളി സൃഷ്ടിച്ചിരുന്നു.

ഇന്നലെ പുലർച്ചെ 2 മണി വരെ തുടർന്ന രക്ഷാപ്രവർത്തനം, ഇന്ന് രാവിലെ പുനരാരംഭിച്ചു. പ്രാദേശത്തെ സന്നദ്ധപ്രവർത്തകരും രക്ഷാപ്രവർത്തനത്തിനുണ്ട്. ഇടുങ്ങിയ വഴിയിലൂടെ വലിയ മണ്ണൂനീക്കി യന്ത്രത്തിനു പ്രവേശിക്കാൻ സാധിക്കാതെ വന്നത് രക്ഷാപ്രവർത്തനം വൈകിച്ചതെന്ന് പൊലീസ് അറിയിച്ചു.

"അപകടത്തിൽ പത്തു പേർക്ക് ജീവൻ നഷ്ടപ്പെട്ടു. അഞ്ചു പേരുടെ നില ഗുരുതരമാണ്.​ ഇവരെ സമീപത്തെ സർക്കാർ ആശുപ്ത്രിയിൽ പ്രവേശിപ്പിച്ചിരിക്കുകയാണ്. കന്നുകാലി വളർത്തൽ ഉപജീവനമാർഗ്ഗമാക്കിയ കുടുംബമാണ്. അഞ്ചോളം കന്നുകാലികളും ചത്തിരിക്കാമെന്ന് കരുതുന്നു," എഡിജിപി ഡി.കെ. താക്കൂർ പറഞ്ഞു.

Read More

• ആറു റൂട്ടുകൾ; പുതിയ വന്ദേഭാരത് ട്രെയിനുകൾ ഫ്ലാഗ് ഓഫ് ചെയ്ത് പ്രധാനമന്ത്രി
• കെജ്‌രിവാളിന്റെ ജാമ്യം; പടക്കം പൊട്ടിച്ച ആംആദ്മി പ്രവർത്തകർക്കെതിരെ കേസ്
• ജമ്മുകശ്മീരിൽ തീവ്രവാദത്തിന്റെ അന്ത്യനാളുകൾ:നരേന്ദ്ര മോദി
• മുഖ്യമന്ത്രിയായല്ല, മൂത്ത സഹോദരിയയി; പ്രതിഷേധം അവസാനിപ്പിക്കണമെന്ന് അഭ്യർത്ഥിച്ച് മമത
• താനൂർ കസ്റ്റഡി മരണം;സിബിഐയ്ക്ക് വീണ്ടും പരാതി നൽകി കുടുംബം