യുവത്വം തുളുമ്പുന്ന ചർമ്മം ഇനി വിരൽത്തുമ്പിൽ, നെയ്യ് പുരട്ടൂ

നമ്മുടെയൊക്കെ അടുക്കളയിൽ നെയ്യ് സാധാരണമാണ്. ഭക്ഷണം പാചകം ചെയ്യുന്നതിനു മാത്രമല്ല, ചർമ്മ സംരക്ഷണത്തിനും നെയ്യ് ഗുണം ചെയ്യും. മോയ്സ്ച്യുറൈസിങ് ഗുണങ്ങളാൽ നെയ്യ് നിറഞ്ഞിരിക്കുന്നു. തണുപ്പു കാലത്ത് ചർമ്മ സംരക്ഷണത്തിൽ നെയ്യ് ഉൾപ്പെടുന്നത് അദ്ഭുതങ്ങൾ സൃഷ്ടിക്കും. ചർമ്മത്തിൽ നെയ്യ് പുരട്ടിയാലുള്ള ചില ഗുണങ്ങൾ നോക്കാം.

ചർമ്മത്തെ ഈർപ്പമുള്ളതാക്കുന്നു: മോയ്‌സ്‌ച്യുറൈസിങ് ഗുണങ്ങളുള്ളതിനാൽ എല്ലാ ചർമ്മ തരക്കാർക്കും നെയ്യ് നല്ലതാണ്. എന്നിരുന്നാലും, എണ്ണമയമുള്ള ചർമ്മമുള്ളവർ ആഴ്ചയിൽ ഒരിക്കൽ നെയ്യ് പുരട്ടുക.

അകാല വാർധക്യം തടയുന്നു: വാർധക്യത്തിന്റെ ലക്ഷണങ്ങളെ ചെറുക്കുകയും യുവത്വവും തിളങ്ങുന്ന ചർമ്മം നൽകുകയും ചെയ്യുന്നു.

മൃദുവായ ചുണ്ടുകൾ: ശൈത്യകാലത്ത് ചുണ്ടുകളിൽ നെയ്യ് പുരട്ടുന്നത് ചുണ്ടുകൾ വിണ്ടുകീറുന്നത് തടയുന്നു. നെയ്യ് ചർമ്മത്തിൽ ജലാംശം വർധിപ്പിക്കുകയും പിഗ്മെന്റേഷൻ തടയുകയും ചെയ്യുന്നു.

കണ്ണുകൾക്ക് താഴെയുള്ള കറുപ്പ് നിറം നീക്കുന്നു: നെയ്യ് കണ്ണുകൾക്ക് താഴെയുള്ള കറുപ്പ് നിറം കുറയ്ക്കുന്നു. നെയ്യ് കുറച്ച് എടുത്ത് കണ്ണുകൾക്ക് താഴെ മസാജ് ചെയ്യുക. ദിവസങ്ങൾക്കുള്ളിൽ കണ്ണുകൾക്ക് താഴെയുള്ള കറുപ്പ് മങ്ങുന്നത് കാണാനാകും. 

നെയ്യ് ഉപയോഗിക്കേണ്ട വിധം

നേരിട്ട് പുരട്ടുക: കുറച്ച് നെയ്യ് കയ്യിൽ എടുത്ത് മുഖത്തും ശരീര ഭാഗങ്ങളിലും പുരട്ടുക. പതിയെ മസാജ് ചെയ്യുക.

ലിപ് ബാം: രാത്രിയിൽ കുറച്ച് നെയ്യ് ചുണ്ടുകളിൽ പുരട്ടി പതിയെ മസാജ് ചെയ്യുക. രാവിലെ കഴുകി കളയുക.

ഫെയ്സ് മാസ്ക്: 2 ടേബിൾസ്പൂൺ ചെറുപയർ പൊടിയും 2 ടേബിൾസ്പൂൺ മഞ്ഞളും നെയ്യിൽ ചേർത്ത് ഫെയ്സ് മാസ്ക് തയ്യാറാക്കുക. ഈ മാസ്ക് മുഖത്ത് പുരട്ടുക. 15-20 മിനിറ്റിനുശേഷം ചെറുചൂടുള്ള വെള്ളത്തിൽ കഴുകുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ചുണ്ടുകൾക്ക് അഴകേകാം, പഞ്ചസാര മുതൽ കാപ്പിപ്പൊടി വരെ ഇങ്ങനെ ഉപയോഗിക്കൂ
• തിളക്കമുള്ള മുടി നേടാം, ഈ ഹെയർ ജെല്ലുകൾ വീട്ടിൽ തയ്യാറാക്കി ഉപയോഗിക്കൂ
• അരി കഴുകിയ വെള്ളം കളയരുതേ, മുടി വളരാൻ ഒരു ഉഗ്രൻ വിദ്യയുണ്ട്
• മുൾട്ടാനി മിട്ടി മാത്രമല്ല ഈ 4 ചേരുവകളും എണ്ണ മയമുള്ള ചർമ്മത്തിന് ഗുണം ചെയ്യും