ചുണ്ടുകൾക്ക് അഴകേകാം, പഞ്ചസാര മുതൽ കാപ്പിപ്പൊടി വരെ ഇങ്ങനെ ഉപയോഗിക്കൂ

മുഖം തിളങ്ങുമ്പോൾ ചുണ്ടുകളുടെ നിറം മങ്ങിയിരുന്നിട്ട് കാര്യമില്ല. ചർമ്മത്തിനു നൽകുന്ന അതേ പരിചരണം ചുണ്ടുകൾക്കും നൽകാം. ആഴ്ചയിൽ ഒരിക്കലെങ്കിലും സ്ക്രബ് ഉപയോഗിക്കുന്നത് മൃതചർമ്മങ്ങളെ നീക്കം ചെയ്യാൻ സഹായിക്കും. ആരോഗ്യകരവും ഫലപ്രദവുമായ സ്ക്രബ്  കടയിൽ നിന്നു വാങ്ങേണ്ട. കുറച്ച് പഞ്ചസാര ഉണ്ടെങ്കിൽ ഇനി ചുണ്ടുകളുടെ പരിചരണം എളുപ്പമാകും.

പഞ്ചസാര ഒലിവ് എണ്ണ  

ഒരു ബൗളിലേയ്ക്ക് 2 ടേബിൾസ്പൂൺ പഞ്ചസാര, 1/2 ടീസ്പൂൺ തേൻ, 1 ടേബിൾസ്പൂൺ ഒലിവ് എണ്ണ എന്നിവ ചേർത്തിളക്കി യോജിപ്പിക്കാം. അതിലേയ്ക്ക് രണ്ട് തുള്ളി എസെൻഷ്യൽ ഓയിൽ കൂടി ചേർക്കാം. ഇത് ചുണ്ടിൽ പുരട്ടി 3 മിനിറ്റ് മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. ശേഷം ലിപ് ബാം പുരട്ടുക.

ഇതു കൂടാതെ നിറം മങ്ങിയ ചുണ്ടുകളുടെ പരിചരണത്തിന് വീട്ടിൽ തന്നെ തയ്യാറാക്കി ഉപയോഗിക്കാവുന്ന സ്ക്രബുകൾ പരിചയപ്പെടാം

വെളിച്ചെണ്ണ തേൻ

വെളിച്ചെണ്ണയും തേനും ഇളക്കി യോജിപ്പിക്കുക. ശേഷം ഈ മിശ്രിതം ചുണ്ടിൽ പുരട്ടി 10 മിനിറ്റ് മൃദുവായി മസാജ് ചെയ്യാം. ഇളം ചൂടുവെള്ളത്തിൽ കഴുകി കളയുക. ചുണ്ടിൻ്റെ വരൾച്ച കുറയാൻ ഇത് സഹായിക്കും.

കാപ്പിപ്പൊടി തേൻ

കാപ്പിപ്പൊടിയിലേക്ക് കുറച്ച് തേൻ ചേർത്തിളക്കി യോജിപ്പിക്കാം. ഇത് ചുണ്ടിൽ പുരട്ടി 10 മിനിറ്റ് മസാജ് ചെയ്യുക. ചെറുചൂടുള്ള വെള്ളത്തിൽ കഴുകാം. 

ചോക്ലേറ്റ് ലിപ് സ്ക്രബ്

ഒരു ടേബിൾസ്പൂൺ ചോക്ലേറ്റിലേക്ക് രണ്ട് ടേബിൾസ്പൂൺ ബ്രൗൺ ഷുഗർ, ഒരു ടേബിൾസ്പൂൺ വാനില എസ്സെൻസ് എന്നിവ നന്നായി ഇളക്കി യോജിപ്പിക്കുക. ഇത് ചുണ്ടിൽ പുരട്ടി മസാജ് ചെയ്യാം. കട്ടി കുറഞ്ഞ തുണി ഉപയോഗിച്ച് തുടച്ചെടുക്കാം. 

ബ്രൗൺ ഷുഗറും തേനും

ബ്രൗൺ ഷുഗറും തേനും ഒരുമിച്ചു ചേർത്തിളക്കി യോജിപ്പിക്കുക. അത് ചുണ്ടിൽ പുരട്ടി അഞ്ച് മിനിറ്റ് മൃദുവായി മസാജ് ചെയ്യൂ. ശേഷം ഇളം ചൂടുവെള്ളത്തിൽ കഴുകാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തിളക്കമുള്ള മുടി നേടാം, ഈ ഹെയർ ജെല്ലുകൾ വീട്ടിൽ തയ്യാറാക്കി ഉപയോഗിക്കൂ
• അരി കഴുകിയ വെള്ളം കളയരുതേ, മുടി വളരാൻ ഒരു ഉഗ്രൻ വിദ്യയുണ്ട്
• മുൾട്ടാനി മിട്ടി മാത്രമല്ല ഈ 4 ചേരുവകളും എണ്ണ മയമുള്ള ചർമ്മത്തിന് ഗുണം ചെയ്യും
• തലമുടിക്ക് നിറവും കരുത്തും നൽകാൻ മൈലാഞ്ചി എണ്ണ, ഇങ്ങനെ തയ്യാറാക്കാം