അരി കഴുകിയ വെള്ളം സൂക്ഷിച്ചു വയ്ക്കാം: മുടി വളരാൻ ഒരു ഉഗ്രൻ വിദ്യയുണ്ട്

കഞ്ഞി വെള്ളത്തിൻ്റെ ആരോഗ്യ ഗുണങ്ങളും സൗന്ദര്യ സംരക്ഷണ ഗുണങ്ങളും നമുക്കേറെ പരിചിതമാണ്. അതുപോലെ തന്നെയാണ് അരി കുതിർക്കാൻ ഉപയോഗിക്കുന്ന വെള്ളവും. വർഷങ്ങൾക്കു മുമ്പ് ചൈനയിലെയും ജപ്പാനിലെയും സ്ത്രീകൾ തലമുടി കഴുകാൻ ഈ വെള്ളം ഉപയോഗിച്ചിരുന്നു. അത് മുടിയെ ഹൈഡ്രേറ്റ് ചെയ്ത് പോഷിപ്പിക്കും എന്ന് അവർ വിശ്വസിച്ചു പോന്നു. ഇപ്പോഴും 'റൈസ് വാട്ടർ' സൗന്ദര്യ പരിചരണത്തിലെ പ്രധാനപ്പെട്ട ഘടകമായി കണ്ടുവരുന്ന രാജ്യങ്ങളുണ്ട്. 

വളരെ എളുപ്പത്തിൽ ലഭ്യമാകും എന്നതാണ് ഇതിൻ്റെ വ്യാപകമായ ഉപയോഗത്തിനു പിന്നിൽ. അതിൻ്റെ ഗുണങ്ങൾ എന്തൊക്കെയാണ്? അത് എങ്ങനെ ഉപയോഗിക്കാം? കൂടുതൽ അറിയാം.

ഗുണങ്ങൾ എന്തൊക്കെയാണ്?

പോഷക ഗുണങ്ങൾ തന്നെയാണ് റൈസ് വാട്ടറിൻ്റെ പ്രത്യേകത. അമിനോ ആസിഡുകൾ, വിറ്റാമിൻ ബി, വിറ്റാമിൻ ഇ, ആൻ്റി ഓക്സിഡൻ്റ്, എന്നിങ്ങനെ ധാരാളം പോഷകങ്ങൾ റൈസ് വാട്ടറിൽ അടങ്ങിയിട്ടുണ്ട്. ഇത് തലമുടിക്ക് ഒരു പ്രോട്ടീൻ ട്രീറ്റ്‌മെൻ്റായി പ്രവർത്തിക്കുന്നു. 

റൈസ് വാട്ടർ എങ്ങനെ ഉപയോഗിക്കണം?

തലമുടിയിൽ ഷാമ്പൂവും കണ്ടീഷ്ണറും ഉപയോഗിച്ചതിനു ശേഷം ഈ വെള്ളം ഉപയോഗിച്ച് മുടി കഴുകാം. അതല്ലെങ്കിൽ ഒരു സ്പ്രേ ബോട്ടിലിലേയ്ക്കു മാറ്റി ആവശ്യാനുസരണം ഉപയോഗിക്കാവുന്നതാണ്. എന്നാൽ അമിതമായി ഇത് ഉപയോഗിക്കാതിരിക്കുക. ലഭിക്കുന്ന ഫലം തികച്ചും വ്യക്തിപരമായിരിക്കും. 

റൈസ് വാട്ടർ തയ്യാറാക്കുന്ന വിധം

അര കപ്പ് അരി ഒരു രാത്രി അര കപ്പ് വെള്ളത്തിൽ കുതിർത്തു വയ്ക്കാം. ശേഷം വെള്ളം അരിച്ചെടുത്ത് സ്പ്രേ കുപ്പിയിലോ മറ്റ് പാത്രങ്ങളിലോ സൂക്ഷിച്ച് ആവശ്യാനുസരണം ഉപയോഗിക്കാവുന്നതാണ്.

ഇക്കാര്യങ്ങൾ ശ്രദ്ധിക്കൂ

റൈസ് വാട്ടറിന് ധാരാളം ഗുണങ്ങളുണ്ടെങ്കിലും എല്ലാവർക്കും അത് അനുയോജ്യമായിരിക്കണം എന്നില്ല. ചിലരുടെ മുടിയിഴകളിൽ അമിതമായി പ്രോട്ടീൻ അടിഞ്ഞു കൂടുന്നതിന് ഇത് കാരണമാകും. അത് മുടിയുടെ കട്ടിയും കരുത്തും കുറയ്ക്കുന്നു. മുടി പെട്ടെന്ന് പൊട്ടി പോകാനുള്ള സാധ്യത ഈ സാഹചര്യത്തിലുണ്ട്. അതിനാൽ റൈസ് വാട്ടർ ഉപയോഗിക്കുന്നതിന് മുമ്പായി മുടിയുടെ പ്രകൃതം അറിഞ്ഞിരിക്കുക. 

താരൻ  പോലെയുള്ള അവസ്ഥകളിലൂടെയാണോ നിങ്ങൾ കടന്നു പോകുന്നത്? എങ്കിൽ ഒരു ഡെർമറ്റോളജിസ്റ്റിൻ്റെ അഭിപ്രായം തേടിയതിനു ശേഷം ഇത്തരം ഉത്പന്നങ്ങൾ ഉപയോഗിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുൾട്ടാനി മിട്ടി മാത്രമല്ല ഈ 4 ചേരുവകളും എണ്ണ മയമുള്ള ചർമ്മത്തിന് ഗുണം ചെയ്യും
• തലമുടിക്ക് നിറവും കരുത്തും നൽകാൻ മൈലാഞ്ചി എണ്ണ, ഇങ്ങനെ തയ്യാറാക്കാം
• മുഖത്തെ ചുളിവും പാടുകളും അകറ്റാൻ മുട്ട ഉപയോഗിക്കാം
• താരനകറ്റാൻ ഹെയർസ്പ്രേ വീട്ടിൽ തയ്യാറാക്കിയാലോ?