താരനകറ്റാൻ ഹെയർസ്പ്രേ വീട്ടിൽ തയ്യാറാക്കിയാലോ?

ചർമ്മാരോഗ്യത്തെ ഏറെ ബാധിക്കുന്ന ഒന്നാണ് താരൻ. കാലാവസ്ഥ മാറ്റങ്ങൾക്കനുസരിച്ച് അത് കൂടിയും കുറഞ്ഞും ഇരിക്കും. മൃതകോശങ്ങളും അടിഞ്ഞുകൂടലും ചൊറിച്ചിലുമാണ് അതിൻ്റെ പ്രധാന ലക്ഷണങ്ങൾ. 

ഇത്തരം പ്രശ്നങ്ങൾ നിങ്ങളെ ബുദ്ധിമുട്ടിക്കുന്നുണ്ടോ? വിഷമിക്കേണ്ട താരനകറ്റാൻ സിംപിൾ വഴികളുണ്ട്. ഇതിനായി ആൻ്റി ഡാൻഡ്രഫ് സ്പ്രേ ഉപയോഗിക്കാവുന്നതാണ്. അത് കടയിൽ നിന്നും വാങ്ങി പോക്കറ്റ് കാലിയാക്കേണ്ടതില്ല, വീട്ടിൽ തന്നെ തയ്യാറാക്കാവുന്നതേയുള്ളു. പ്രകൃതിദത്തമായ ഹോം മെയ്ഡ് ഹെയർസ്പ്രേ പരിചയപ്പെടാം.

ആപ്പിൾ സിഡാർ വിനാഗിരി ഒലിവ് എണ്ണ

ചേരുവകൾ

• ആപ്പിൾ സിഡാർ വിനാഗിരി- 1 കപ്പ്
• ഒലിവ് എണ്ണ- 1 ടേബിൾസ്പൂൺ
• ടീട്രീ ഓയിൽ- 10 തുള്ളി

തയ്യാറാക്കുന്ന വിധം

ഒരു കപ്പ് ആപ്പിൾ സിഡാർ വിനാഗിരിയിലേയ്ക്ക് ഒരു ടേബിൾസ്പൂൺ ഒലിവ് എണ്ണ 10 തുള്ളി ടീട്രീ ഓയിൽ എന്നിവ ചേർത്തിളക്കി യോജിപ്പിക്കാം. ഇത് ഒരു സ്പ്രേ ബോട്ടിലിലേയ്ക്ക് മാറ്റാം. ഈ മിശ്രിതം തലയോട്ടിയിലും മുടിയിലും സ്പ്രേ ചെയ്തതിനു ശേഷം നന്നായി മസാജ് ചെയ്യാം. ശേഷം ഷാമ്പൂ ഉപയോഗിച്ച് കഴുകി കളയാം. 

ഗ്രീൻ ടീ ലാവെൻഡർ എണ്ണ

ചേരുവകൾ

• ഗ്രീൻ ടീ- 1/2 കപ്പ്
• വെള്ളം- 1/2 കപ്പ്
• ലാവെൻഡർ എണ്ണ- 10 തുള്ളി
• വെളിച്ചെണ്ണ- 1 ടേബിൾസ്പൂൺ

തയ്യാറാക്കുന്ന വിധം

ഗ്രീൻ ടീയിലേയ്ക്ക് ലാവെൻഡർ എണ്ണയും വെളിച്ചെണ്ണയും അര കപ്പ് വെള്ളവും ഒഴിച്ചിളക്കാം. ഇത് ഒരു സ്പ്രേ കുപ്പിയിലേയ്ക്കു മാറ്റി ഉപയോഗിക്കാവുന്നതാണ്. 

നാരങ്ങ

• ബേക്കിങ് സോഡ- 1 ടേബിൾസ്പൂൺ
• റോസ്മേരി എണ്ണ- 5 തുള്ളി
• നാരങ്ങ നീര്- 1 ടേബിൾസ്പൂൺ
• ബദാം എണ്ണ- 1 ടേബിൾസ്പൂൺ
• വെള്ളം- 1 കപ്പ്

തയ്യാറാക്കുന്ന വിധം

ബേക്കിങ് സോഡയിലേയ്ക്ക് കുറച്ച് വെള്ളം ചേർത്തിളക്കി യോജിപ്പിക്കാം. ഇതിലേയ്ക്ക് റോസ്മേരി എണ്ണ, നാരങ്ങാ നീര്, ബദാം എണ്ണ എന്നിവ ചേർക്കാം.  ഈ മിശ്രിതം ഒരു സ്പ്രേ കുപ്പിയിലേയ്ക്കു മാറ്റി ആവശ്യനുസരണം ഉപയോഗിക്കാം. മുടിയിലും തലയോട്ടിയിലും നന്നായി മസാജ ചെയ്ത് 10 മിനിറ്റി വിശ്രമിക്കുക. ശേഷം ഷാമ്പൂ ഉപയോഗിച്ച് കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുടിയഴകിന് തക്കാളി, ഈ 7 വിദ്യകൾ ട്രൈ ചെയ്യൂ
• വാക്സും ലേസറും വേണ്ട, മുഖത്തെ രോമം കളയാൻ വിദ്യകൾ അനവധി
• ചായ തിളപ്പിച്ച് ബാക്കി വന്ന തേയിലപ്പൊടി കളയേണ്ട, അകാല നരയകറ്റാൻ അതുമതി
• മുഖത്തെ കറുത്ത പാടുകൾ അകറ്റാം; കുങ്കുമപ്പൂവ് ഇങ്ങനെ ഉപയോഗിക്കൂ