കക്ഷത്തിലെ കറുപ്പ് നിറം ഇനി ഞൊടിയിടയിൽ അകറ്റാം, ഇവ ഉപയോഗിക്കൂ

സ്ലീവ്ലെസ് വസ്ത്രങ്ങൾ ധരിക്കുന്നതിനോട് അതിയായ താൽപര്യം ഉള്ളവരാണ് അധികവും. എങ്കിലും അതിന് മടി കാട്ടുന്ന സ്ത്രീകളുണ്ട്. കക്ഷത്തിനടിയിലെ കറുപ്പ് നിറമാണ് ഇതിനു കാരണം. പൊതു ഇടങ്ങളിൽ ഇത്തരം വസ്ത്രങ്ങൾ ധരിച്ച് നിൽക്കുമ്പോൾ മറ്റുള്ളവർ കക്ഷത്തിലെ കറുപ്പ് നിറം ശ്രദ്ധിക്കുമോ എന്ന ഭയമാണ് ഇതിന് കാരണം. 

കക്ഷത്തിലെ ചർമ്മം വളരെ സെൻസിറ്റീവാണ്. അതിനാൽ വളരെ ശ്രദ്ധയോടെ വേണം ഈ പ്രശ്നം അഭിമുഖീകരിക്കാൻ. കെമിക്കൽ അടങ്ങിയ വസ്തുക്കൾ ഉപയോഗിക്കുന്നത് ചിലപ്പോൾ പ്രതികൂല ഫലങ്ങൾ നൽകിയേക്കാം. പകരം നാച്യുറൽ രീതികൾ ശീലിക്കാം.

നാരങ്ങ

നാരങ്ങയിൽ അടങ്ങിയിരിക്കുന്ന സിട്രിക് ആസിഡായ ആൽഫ-ഹൈഡ്രോക്‌സി ആസിഡിന് ദുർഗന്ധം ഉണ്ടാക്കുന്ന ബാക്ടീരിയകളെ അകറ്റാനുള്ള കഴിവുണ്ട്. ഇതിനായി നാരങ്ങ വട്ടത്തിൽ അരിഞ്ഞ് മൃദുവായി കക്ഷത്തിൽ മസാജ് ചെയ്യാം. 10 മിനിറ്റിനു ശേഷം കഴുകി കളയാം.

വെള്ളരി

വെള്ളരി തൊലി കളഞ്ഞ് അരച്ചെടുക്കാം. അത് കക്ഷത്തിൽ പുരട്ടാം. 15 മിനിറ്റിനു ശേഷം കഴുകി കളയാം. ഇതിലേയ്ക്ക് നാരങ്ങ നീര് കൂടി ചേർക്കാം.

ഉരുളക്കിഴങ്ങ്

ഉരുളക്കിഴങ്ങ് തൊലി കളഞ്ഞ് അരച്ചെടുക്കാം. ശേഷം ഒരു പഞ്ഞി ഉപയോഗിച്ച് അതിൻ്റെ നീര് കക്ഷത്തിൽ പുരട്ടാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

വെളിച്ചെണ്ണയിൽ

ധാരാളം വിറ്റാമിൻ ഇ വെളിച്ചെണ്ണയിൽ അടങ്ങിയിട്ടുണ്ട്. ഇത് കക്ഷത്തിലെ കറുപ്പ് നിറം അകറ്റാൻ സഹായിക്കും. ഇതിനായി നാല് ടേബിൾസ്പൂൺ വെളിച്ചെണ്ണയോടൊപ്പം ഒരു ടീസ്പൂൺ ബേക്കിംഗ് സോഡ കൂടി ചേർത്ത് ഇളക്കി യോജിപ്പിച്ച് മിശ്രിതമാക്കാം. ഈ മിശ്രിതം കക്ഷത്തിൽ പുരട്ടി 15 മിനിറ്റിനു ശേഷം കഴുകി കളയാം. 

കറ്റാർവാഴ

കറ്റാർവാഴയ്ക്ക് ആൻ്റി ബാക്ടീരിയൽ സവിശേഷതകളുണ്ട്. ഇതിനായി കറ്റാർവാഴയുടെ ജെൽ പ്രത്യേകം എടുത്ത് കക്ഷത്തിൽ പുരട്ടാം. 15 മിനിറ്റിനു ശേഷം കഴുകി കളയാം.

കടലമാവ് അരിപ്പൊടി

കടലമാവിനൊപ്പം അരിപ്പൊടിയും മഞ്ഞൾപ്പൊടിയും ചേർത്തിളക്കി യോജിപ്പിക്കാം. ഈ മിശ്രിതം കറുപ്പ് നിറമുള്ള ഭാഗങ്ങളിൽ പുരട്ടാം 15 മിനിറ്റിനു ശേഷം കഴുകി കളയാം. 

മഞ്ഞൾ, പാൽ

ഒരു നുള്ള് മഞ്ഞൾ വെള്ളത്തിലോ പാലിലോ ചേർത്തിളക്കി യോജിപ്പിക്കാം. ഈ മിശ്രിതം കക്ഷത്തിൽ കറുപ്പ് നിറമുള്ള ഭാഗങ്ങളിൽ പുരട്ടാം. 10 മിനിറ്റിനു ശേഷം കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കെമിക്കലുകൾ ചേർക്കാത്ത ഫലപ്രദമായ ഡൈ തയ്യാറാക്കാം നാരങ്ങ ഉപയോഗിച്ച്
• മൈലാഞ്ചി ഇലയോടൊപ്പം ഇവ കൂടി ചേർത്തെടുക്കാം, ഇനി ഡൈ വാങ്ങി പോക്കറ്റ് കാലിയാകില്ല
• തക്കാളി നിങ്ങളുടെ മുടിക്ക് ഗുണകരമാകുന്നതിൻ്റെ കാരണങ്ങൾ ഇവയാണ്
• മുട്ട കഴിക്കുന്നതിനൊപ്പം ഈ ഹെയർപാക്കുകളും ട്രൈ ചെയ്യൂ, മുടികൊഴിച്ചിലിനോട് വിടപറയാം