മുട്ട കഴിക്കുന്നതിനൊപ്പം ഈ ഹെയർപാക്കുകളും ട്രൈ ചെയ്യൂ, മുടികൊഴിച്ചിലിനോട് വിടപറയാം

ആരോഗ്യത്തിന് ഏറെ ഗുണകരമാണ് മുട്ട. എന്നാൽ അത് സൗന്ദര്യ പരിചരണത്തിന് ഉപയോഗിക്കുമ്പോൾ മണം ഒരു വെല്ലുവിളിയാകും. എന്നാൽ അത്തരം പ്രശ്നങ്ങൾ ഒന്നും അലട്ടാതെ തന്നെ മുട്ടയുടെ വെള്ള തിളക്കമുള്ള ചർമ്മത്തിനും കരുത്തുറ്റ മുടിക്കും ഉപയോഗിക്കാവുന്നതാണ്. 

പ്രോട്ടീനുകൾ, ധാതുക്കൾ, ബീ കോംപ്ലക്സ്, എന്നിവയാൽ സമ്പന്നമാണ് മുട്ട. ഒരു പ്രോട്ടീൻ ട്രീറ്റ്‌മെൻ്റായി അത് പ്രവർത്തിക്കും. മുട്ട കൊണ്ടുള്ള ഹെയർ-ഫെയ്സ് മാസ്കുകൾ നിങ്ങൾക്ക് ഏറെ പ്രയോജനപ്പെടും.

പ്രോട്ടീൻ്റെ സമ്പന്നമായ ഉറവിടമാണ് മുട്ട. അത് വേരുകളിൽ നിന്നും തന്നെ തലമുടി കരുത്തുറ്റതാക്കുന്നു. ഇത് മുടി പൊട്ടിപ്പോകുന്നതും, ശിരോചർമ്മം വരണ്ട് താരൻ ഉണ്ടാകുന്നതും തടയും. ഇതിനായ വ്യത്യസ്ത തരത്തിൽ മുട്ട ഉപയോഗിക്കാം.

മുട്ട വാഴപ്പഴം

ഒരു മുട്ട പൊട്ടിച്ചൊഴിച്ചതിലേയ്ക്ക് വാഴപ്പഴവും മൂന്ന് ടേബിൾസ്പൂൺ പാലും മൂന്ന് ടേബിൾസ്പൂൺ തേനും അൽപം ഒലിവ് ഓയിലും ചേർത്തിളക്കി യോജിപ്പിക്കാം. ഇത് ശിരോചർമ്മത്തിലും തലയോട്ടിയിലും പുരട്ടാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

മുട്ട വെളിച്ചെണ്ണ

ഒരു മുട്ട പൊട്ടിച്ച് വെള്ള പ്രത്യേകമെടുക്കാം. ഇതിലേയ്ക്ക് രണ്ട് ടേബിൾസ്പൂൺ വെളിച്ചെണ്ണ, അഞ്ച് ടേബിൾസ്പൂൺ ബദാം, കുറച്ച് പാൽ എന്നിവ ചേർത്തിളക്കി യോജിപ്പിക്കാം. ഈ മിശ്രിതം ശിരോചർമ്മത്തിലും തലയോട്ടിയിലും പുരട്ടി മസാജ് ചെയ്യാം. 15 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

തൈര് മുട്ട

മുട്ടയുടെ മഞ്ഞക്കരു പ്രത്യേകം എടുക്കാം. അതിലയ്ക്ക് തൈര് ചേർത്തിളക്കി യോജിപ്പിക്കാം. ഇത് ശിരോചർമ്മത്തിലും മുടിയിഴകളിലും പുരട്ടാം. 10 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

മുട്ട കറ്റാർവാഴ

രണ്ട് മുട്ടയുടെ വെള്ള പ്രത്യേകം എടുക്കാം. അതിലേയ്ക്ക് കറ്റാർവാഴ ജെൽ ചേർക്കാം. ഒരു ടേബിൾസ്പൂൺ ഒലിവ് എണ്ണയും ചേർത്തിളക്കി യോജിപ്പിക്കാം. ഈ മിശ്രിതം ശിരോചർമ്മത്തിലും മുടിയിഴകളിലും പുരട്ടി 15 മിനിറ്റ് വിശ്രമിക്കാം. ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തേങ്ങ ചിരകിയത് ബാക്കി ഉണ്ടോ? എങ്കിൽ ഇനി അകാല നരയോട് വിടപറയാം
• തേയില വെള്ളം ബാക്കി ഉണ്ടോ? എങ്കിൽ ഷാമ്പൂ തയ്യാറാക്കാം സിംപിളായി
• ഇടയ്ക്കിടെ ഡൈ ചെയ്യേണ്ട, കറിവേപ്പിലയോടൊപ്പം ഈ വിത്ത് കൂടി ചേർത്ത് ഉപയോഗിക്കൂ
• കെമിക്കൽ രഹിത സൺസ്ക്രീൻ തയ്യാറാക്കാൻ അടുക്കളയിലെ ഈ ചേരുവകൾ ഉപയോഗിക്കാം
• കണ്ണിനു ചുറ്റുമുള്ള കറുപ്പ് നിറം കുറയ്ക്കാൻ ഈ രണ്ട് ചേരുവകൾ മതി