കണ്ണിനു ചുറ്റുമുള്ള കറുപ്പ് നിറം കുറയ്ക്കാൻ ഈ രണ്ട് ചേരുവകൾ മതി

Dark Circle Removal Tips: കണ്ണിനു ചുറ്റുമുള്ള കറുപ്പ് നിറം വളരെ സാധാരണമായ ഒരു ചർമ്മ പ്രശ്നമായി മാറിക്കൊണ്ടിരിക്കുകയാണ്. ഹോർമോൺ വ്യതിയാനം, സമ്മർദ്ദം, ഉറക്കകുറവ്, വാർധക്യം എന്നിവയുടെ ലക്ഷണമാണ് ഇത്. തുടക്കത്തിൽ ശ്രദ്ധിച്ചു തുടങ്ങിയാൽ വളരെ പെട്ടെന്ന് ഇതിൽ നിന്നും മോചനം നേടാൻ സാധിക്കും. ഇതിനായി വീട്ടിൽ തന്നെ ചെയ്യാവുന്ന ചില നുറുങ്ങു വിദ്യകളുണ്ട്. ഒപ്പം ജീവിത ശൈലിയിൽ കുറച്ച് മാറ്റങ്ങൾ വരുത്താം. നാരങ്ങയും തൈരും ചർമ്മത്തിലെ പിഗ്മെന്റേഷൻ കുറയ്ക്കാൻ ഫലപ്രദമാണ്. 

കണ്ണിനു ചുറ്റുമുള്ള കറുപ്പ് നിറം കുറയ്ക്കാൻ ഇവ രണ്ടും വളരെ വേഗം പ്രവർത്തിക്കും. ഒപ്പം ചർമ്മത്തിലെ ഈർപ്പം നിലനിർത്തി തിളക്കവും നൽകുന്നു. 

നാരങ്ങ

വിറ്റാമിൻ സിയുടെ സമ്പന്നമായ ഉറവിടമാണ് നാരങ്ങ. ഇത് പിഗ്മെന്റേഷൻ കുറയ്ക്കാൻ നല്ലതാണ്. ഒപ്പം മൃതകോശങ്ങളെ നീക്കം ചെയ്ത് കണ്ണിനു ചുറ്റുമുള്ള ചർമ്മ കോശങ്ങളെ പുനരുജ്ജീവിപ്പിക്കും. 

തൈര്

തൈരിൽ ചർമ്മത്തിന് ഈർപ്പം നൽകാനും വീക്കം കുറയ്ക്കാനും സഹായിക്കുന്ന ആസിഡുകൾ അടങ്ങിയിട്ടുണ്ട്. ഇത് മൃതകോശങ്ങളെ നീക്കം ചെയ്യും. അങ്ങനെ, ചർമ്മം കൂടുതൽ മൃദുവും യുവത്വമുള്ളതുമായി മാറുന്നു.

തൈരിൽ നാരങ്ങാനീര് ചേർത്ത് പുരട്ടുന്നത് കറുത്ത പാടുകൾക്ക് വളരെ ഫലപ്രദമാണെന്ന് തെളിയിക്കപ്പെട്ടിട്ടുണ്ട്. തൈര് ചർമ്മത്തെ പോഷിപ്പിക്കുന്നു, അതേസമയം നാരങ്ങ പാടുകൾ നീക്കം ചെയ്യുന്നു.

ഡാർക്ക് സർക്കിൾ പ്രതിരോധിക്കാൻ മാസ്ക് തയ്യാറാക്കുന്നവിധം

ഒരു ടേബിൾസ്പൂൺ തൈരിലേയ്ക്ക് ഒരു നാരങ്ങയുടെ പകുതി പിഴിഞ്ഞൊഴിക്കാം. ഈ മിശ്രിതം ഇളക്കി യോജിപ്പിക്കാം. ഒരു പഞ്ഞി ഇതിൽ മുക്കി കണ്ണിനു ചുറ്റും പുരട്ടാം 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.  

കണ്ണിനടിയിലെ കറുപ്പ് നിറം കുറയ്ക്കാൻ ഫലപ്രദമായ മറ്റൊരു മാർഗമാണ് വെളിച്ചെണ്ണ. 

ചേരുവകൾ

• വെളിച്ചെണ്ണ- 1 ടീസ്പൂൺ
• തേൻ- 1/2 ടേബിൾസ്പൂൺ
• റോസ് വാട്ടർ- ലഭ്യമെങ്കിൽ

വെളിച്ചെണ്ണ
ആൻ്റി ഓക്സിഡൻ്റുകൾ, ഫാറ്റി ആസിഡുകൾ എന്നിവ വെളിച്ചെണ്ണയിൽ അടങ്ങിയിട്ടുണ്ട്. അവ കട്ടി കുറഞ്ഞ ചർമ്മത്തെ ആഴത്തിൽ മോയ്സ്ച്യുറൈസ് ചെയ്യുന്നു. ഇതിലൂടെ കറുപ്പ് നിറം കുറയ്ക്കാം.

തേൻ
പ്രകൃിതദത്തമായ ഹ്യുമിക്റ്റൻ്റ് സവിശേഷത തേനിനുണ്ട്. കൂടാതെ തേനിൽ അടങ്ങിയിരിക്കുന്ന ആൻ്റി ഇൻഫ്ലമേറ്ററി സവിശേഷത ചർമ്മത്തിലെ പാടുകളും ചുളിവുകളും കുറയ്ക്കുന്നു.

തയ്യാറാക്കുന്ന വിധം

ഒരു ടീസ്പൂൺ വെളിച്ചെണ്ണയിലേയ്ക്ക് അര ടേബിൾസ്പൂൺ​ തേനും, 2 തുള്ളി റോസ് വാട്ടറും ചേർത്തിളക്കി യോജിപ്പിക്കാം. തയ്യാറാക്കിയ മിശ്രിതം വിരലുകൾ ഉപയോഗിച്ച് കണ്ണിനു ചുറ്റമുള്ള ഭാഗത്ത് പരുട്ടാം. ഉറങ്ങാൻ കിടക്കുന്നതിനു മുമ്പ് പുരട്ടുന്നതാണ് ഏറെ ഫലപ്രദം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഒരു സ്പൂൺ കാപ്പിപ്പൊടിയിൽ തിളക്കമുള്ള ചർമ്മം സ്വന്തമാക്കാം
• പല്ലിലെ മഞ്ഞ നിറം അകറ്റാൻ ഇതാ ചില പൊടിക്കൈകൾ
• ഒറ്റ ഉപയോഗത്തിൽ മാറ്റം അറിയാം, അരിപ്പൊടിയിലേയ്ക്ക് ഇവ കൂടി ചേർത്ത് മുഖത്ത് പുരട്ടൂ
• ദിവസവും രാവിലെ ഈ ലിപ് ബാം പുരട്ടൂ, നിറം മങ്ങിയ ചുണ്ടുകൾക്ക് പിങ്ക് ഗ്ലോ നേടാം
• നെയ്യും കടുകെണ്ണയും തലമുടിയിൽ ഉപയോഗിക്കുന്നതിൻ്റെ ഗുണങ്ങൾ അറിയാമോ?