വാക്സ് വേണ്ട ഷേവ് ചെയ്യേണ്ട, മുഖത്തെ അനാവശ്യ രോമങ്ങൾ കളയാൻ ഒരു സ്പൂൺ കാപ്പിപ്പൊടി മതി

മുഖത്തെ രോമം പല പെൺകുട്ടികളുടെയും സൗന്ദര്യത്തിന് മങ്ങലേൽപ്പിക്കുന്നതാണ്. മുഖത്തെ രോമം കളയാൻ ചിലർ ചികിത്സകൾ തേടാറുണ്ട്. എന്നാൽ, ചില പ്രകൃതിദത്ത വഴികളിലൂടെയും മുഖത്തെ രോമങ്ങൾ നീക്കം ചെയ്യാൻ കഴിയും. മുഖത്തെ രോമങ്ങൾ നീക്കം ചെയ്യുന്നതിന് കാപ്പി സഹായിക്കുമെന്ന് നിങ്ങൾക്കറിയാമോ?. ആന്റിഓക്‌സിഡന്റുകളും നേരിയ എക്സ്ഫോളിയേറ്റിങ് ഗുണങ്ങളും കൊണ്ട് നിറഞ്ഞ കാപ്പി പലവിധ സൗന്ദര്യവർധക വസ്തുക്കളിൽ ഉപയോഗിച്ചുവരുന്നുണ്ട്. 

Also Read: ദിവസവും കിടക്കുന്നതിനു മുമ്പ് കണ്ണിനടിയിൽ ഈ എണ്ണ പുരട്ടൂ, ഗുണങ്ങൾ ഏറെയാണ്

കാപ്പിപ്പൊടി ഒരു പ്രകൃതിദത്ത എക്സ്ഫോളിയന്റാണ്. ചർമ്മത്തിൽ മസാജ് ചെയ്യുമ്പോൾ, ചർമ്മത്തിലെ ഡെഡ് സ്കിന്നും നേർത്ത രോമങ്ങളും നീക്കം ചെയ്യാൻ സഹായിക്കുന്നു. കോഫി സ്‌ക്രബുകൾ പതിവായി പ്രയോഗിക്കുന്നത് രോമകൂപങ്ങളെ ദുർബലപ്പെടുത്തുകയും മുടിയുടെ വളർച്ച കുറയ്ക്കുകയും ചെയ്യും. കാപ്പിയിൽ കഫീനും ആന്റിഓക്‌സിഡന്റുകളും അടങ്ങിയിട്ടുണ്ട്. ഇത് രക്തയോട്ടം വർധിപ്പിക്കുകയും ചർമ്മത്തെ പുനരുജ്ജീവിപ്പിക്കുകയും ചെയ്യുന്നു. രോമം കളയാൻ കെമിക്കൽ അടങ്ങിയ ക്രീമുകളിൽ നിന്ന് വ്യത്യസ്തമായി കാപ്പി പൊടി ചർമ്മത്തെ മൃദുവാക്കുന്നു.

Also Read: തിളക്കമുള്ള ചർമ്മം ഒറ്റ ഉപയോഗത്തിൽ സ്വന്തമാക്കാം, ദിവസവും രാവിലെ ഇത് പുരട്ടി നോക്കൂ

കാപ്പിപ്പൊടി ഉപയോഗിച്ചുള്ള ഈ പാക്ക് ഉടനടി മുഖത്തെ രോമം കളയാൻ സഹായിക്കും. വീട്ടിൽ ലഭ്യമായ പ്രകൃതിദത്ത ചേരുവകൾ ഉപയോഗിച്ച് ഈ പായ്ക്ക് തയ്യാറാക്കാം. ഇത് മുഖത്തെ രോമങ്ങൾ നീക്കം ചെയ്യുക മാത്രമല്ല, ചർമ്മത്തെ മിനുസമാർന്നതും തിളക്കമുള്ളതുമാക്കുന്നു.

ചേരുവകൾ

• കാപ്പിപ്പൊടി - 1 ടേബിൾസ്പൂൺ
• കടലമാവ് - 1 ടേബിൾസ്പൂൺ
• മഞ്ഞൾപ്പൊടി - 1 ടേബിൾസ്പൂൺ
• പാൽ അല്ലെങ്കിൽ തൈര് - 1-2 ടേബിൾസ്പൂൺ
• തേൻ (ആവശ്യമെങ്കിൽ മാത്രം) - 1 ടീസ്പൂൺ

Also Read: മുഖത്തെ ചുളിവുകളും നേർത്ത വരകളും കുറയ്ക്കാം, ഒരു സ്പൂൺ വെളിച്ചെണ്ണ മതി

തയ്യാറാക്കുന്ന വിധം

ഒരു ബൗളിലേക്ക് കാപ്പിപ്പൊടി, കടലമാവ്, മഞ്ഞൾ എന്നിവ എടുക്കുക. ഇതിലേക്ക് പാലോ തൈരോ ചേർത്ത് പേസ്റ്റ് രൂപത്തിലാക്കുക. വരണ്ട ചർമ്മമുള്ളവർ കുറച്ച് തേൻ കൂടി ചേർക്കുക. അതിനുശേഷം മുഖത്ത് രോമമുള്ള ഭാഗങ്ങളിൽ തേച്ചു പിടിപ്പിക്കുക. 15-20 മിനിറ്റിനുശേഷം പായ്ക്ക് ഉണങ്ങി കഴിയുമ്പോൾ പതിയെ കൈകൾ ഉപയോഗിച്ച് തിരുമ്മുക. ഏതാനും മിനിറ്റ് അങ്ങനെ ചെയ്തശേഷം ചെറുചൂടുള്ള വെള്ളം ഉപയോഗിച്ച് കഴുകി കളയുക. അതിനുശേഷം മോയ്സ്ചറൈസറോ കറ്റാർവാഴ ജെല്ലോ പുരട്ടുക. ആഴ്ചയിൽ ഒരിക്കൽ ഈ ഫെയ്സ്മാസ്ക് പുരട്ടുക. 3-4 തവണകൾക്കുള്ളിൽതന്നെ നല്ല മാറ്റം കാണാനാകും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു പിടി കറിവേപ്പില മതി, ഇനി ചുളിവുകളും പാടുകളും ഇല്ലാത്ത ചർമ്മം ഞൊടിയിടയിൽ സ്വന്തമാക്കാം