കൈമുട്ടിലെ കറുപ്പ് നിറം അകറ്റാൻ ഇതാ ഒരു കിടിലൻ വിദ്യ

ചർമ്മത്തിലെ നിറ വ്യത്യാസം കൂടുതൽ ആളുകളും നേരിടുന്ന പ്രശ്നമാണ്. പ്രത്യേകിച്ച് കഴുത്തിലും കൈമുട്ടിലും മറ്റും കണ്ടുവരാറുള്ള കറുപ്പ് നിറം. അമിതമായ മെലാനിൻ ഉത്പാദനമാണ് ഇതിന് കാരണം. ഇത് ചർമ്മത്തിന് കട്ടി കൂട്ടുകയും അതിലൂടെ കറുപ്പ് നിറം ഉണ്ടാവുകയും ചെയ്യും. അമിതമായി വെയിൽ കൊള്ളുന്നതും, വരണ്ട ചർമ്മ പ്രകൃതവും എക്സ്ഫോളിയേറ്റർ ശരിയായ രീതിയിൽ ഉപയോഗിക്കാത്തതും ഇതിൻ്റെ പിന്നിലെ മറ്റു കാരണങ്ങളാണ്.

എന്നാൽ ഇതിന് പരിഹരം വീട്ടിൽ തന്നെയുണ്ട്. വിശ്രമ വേളയിൽ അൽപ സമയം ചർമ്മ പരിചരണത്തിനായി മാറ്റി വയ്ക്കുന്നവരാണോ നിങ്ങൾ? എങ്കിൽ കൈമുട്ടിലെയും കാൽമുട്ടിലെയും കറുപ്പ് നിറം അകറ്റാനുള്ള ഒരു പാക്ക് വീട്ടിൽ തയ്യാറാക്കി ഉപയോഗിച്ചു നോക്കൂ. 

ചേരുവകൾ

• വെളിച്ചെണ്ണ- 4 തുള്ളി
• ബേക്കിങ് സോഡ- 2 ടീസ്പൂൺ
• ടൂത്ത്പേസ്റ്റ്- 2 ടീസ്പൂൺ
• ഉപ്പ്- 2 ടീസ്പൂൺ
• പാൽ- 2 ടീസ്പൂൺ
• തക്കാളി- 1/2 

തയ്യാറാക്കുന്ന വിധം

• രണ്ട് ടീസ്പൂൺ ബേക്കിങ് സോഡയിലേയ്ക്ക് രണ്ട് ടീസ്പൂൺ ടൂത്ത് പേസ്റ്റ് ചേർക്കാം.
• അതിലേയ്ക്ക് 1 ടീസ്പൂൺ ഉപ്പ്, 3 ടീസ്പൂൺ പാൽ എന്നിവ ചേർത്ത് നന്നായി ഇളക്കാം.
• 4 തുള്ളി വെളിച്ചെണ്ണ കൂടി ചേർത്ത് ഇളക്കി യോജിപ്പിച്ചെടുക്കാം.
• കറുപ്പ് നിറമുള്ള ഭാഗങ്ങളിൽ വിരലുകൾ ഉപയോഗിച്ച് അത് പുരട്ടാം.
• 15 മിനിറ്റു കഴിഞ്ഞ് അത് ഉണങ്ങിയതിനു ശേഷം കഴുകാം.
• കഴുകുന്നതിനു മുമ്പ് ഒരു തക്കാളി മുറിച്ച, ഒരു കഷ്ണം ഉപയോഗിച്ച് മൃദുവായി മസാജ് ചെയ്യാം.
• ശേഷം തണുത്ത വെള്ളത്തിൽ കഴുകി കളയാം.
• തുടർന്ന്  വെളിച്ചെണ്ണയോ അനുയോജ്യമായ മോയിശ്ചറൈസറോ ഉപയോഗിക്കാവുന്നതാണ്.  
• ആഴ്ചയിൽ 4 അഞ്ച് തവണ സ്ഥിരമായി ഇങ്ങനെ ചെയ്തു നോക്കൂ.
• അത് കഴുത്തിലും, കൈമുട്ടിലും, ഉപ്പൂറ്റിയിലും, കക്ഷത്തിലും പുരട്ടാം. 

വീട്ടിൽ ദിവസേന ഉപയോഗിക്കുന്ന ചില വസ്തുക്കൾ ഉണ്ടെങ്കിൽ കൈമുട്ടിലെ കറുപ്പ് നിറത്തിന് പരിഹാരം കാണാവുന്നതേയുള്ളൂ. 

തൈര് മഞ്ഞൾ

ഒരു ടീസ്പൂണ്‍ തൈരിലേയ്ക്ക് ഒരു നുള്ള് മഞ്ഞള്‍ ചേര്‍ത്തിളക്കി യോജിപ്പിക്കുക. ഈ മിശ്രിതം കൈ മുട്ടില്‍ പുരട്ടി 20 മിനിറ്റ് മസാജ് ചെയ്യാം. 

കടലമാവ് തക്കാളി

ഒരു ടീസ്പൂണ്‍ കടലമാവിലേക്ക് രണ്ട് ടീസ്പൂണ്‍ തക്കാളി നീര് സമാസമം ചേര്‍ത്തിളക്കി യോജിപ്പിക്കുക. ഇത്  കൈമുട്ടില്‍ പുരട്ടാം. 10 മിനിറ്റ് കഴിഞ്ഞ് കഴുകി കളയുക. 

വിനാഗിരി തൈര്

ഒരു ടീസ്പൂണ്‍ തൈരിലേയ്ക്ക് ഒരു ടീസ്പൂണ്‍ വിനാഗിരിയോ നാരങ്ങാ നീരോ ചേര്‍ത്ത് മിശ്രിതമാക്കി കൈ മുട്ടില്‍ പുരട്ടി മസാജ് ചെയ്യാം. പതിവായി ഇങ്ങനെ ചെയ്യുന്നത് ഫലം നല്‍കും. 

ഓട്സ് തൈര്

ഒരു ടീസ്പൂണ്‍ തൈരിലേയ്ക്ക് ഒരു ടീസ്പൂണ്‍ ഓട്സ് ചേര്‍ത്തിളക്കി യോജിപ്പിക്കുക.  ശേഷം ഈ മിശ്രിതം കൈ മുട്ടില്‍ പുരട്ടി മസാജ് ചെയ്യാം. 20 മിനിറ്റിന് ശേഷം കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• യുവത്വം തുളുമ്പുന്ന ചർമ്മം ഇനി വിരൽത്തുമ്പിൽ, നെയ്യ് പുരട്ടൂ
• ചുണ്ടുകൾക്ക് അഴകേകാം, പഞ്ചസാര മുതൽ കാപ്പിപ്പൊടി വരെ ഇങ്ങനെ ഉപയോഗിക്കൂ
• തിളക്കമുള്ള മുടി നേടാം, ഈ ഹെയർ ജെല്ലുകൾ വീട്ടിൽ തയ്യാറാക്കി ഉപയോഗിക്കൂ
• അരി കഴുകിയ വെള്ളം കളയരുതേ, മുടി വളരാൻ ഒരു ഉഗ്രൻ വിദ്യയുണ്ട്