തൈര് മുതൽ ചെറുനാരങ്ങ വരെ, കൈമുട്ടിലെ കറുപ്പ് നിറം അകറ്റാൻ ചില നുറുങ്ങു വിദ്യകൾ

മുഖക്കുരുവും, പാടുകളും, ചുളിവുകളും നമ്മൾ പെട്ടെന്ന് ശ്രദ്ധിച്ചേക്കാവുന്ന സൗന്ദര്യ പ്രശ്നങ്ങളാണ്. എന്നാൽ ഇതേ കരുതൽ കൈമുട്ടുകൾക്കും നൽകാറുണ്ടോ?. ഹോർമോൺ വ്യതിയാനം മുതൽ, സ്ഥിരമായി മുട്ട് കുത്തിയിരിക്കുന്നതും, വരണ്ട ചർമ്മവും ഈ നിറ വ്യത്യാസത്തിന് കാരണമായേക്കും. ചർമ്മ സംരക്ഷണത്തിന് ലഭ്യമായതു പോലെ കൈമുട്ടുകളുടെ പരിചണത്തിന് അധികം ഉത്പന്നങ്ങൾ കിട്ടണമെന്നില്ല. വിഷമിക്കേണ്ട വീട്ടിൽ ദിവസേന ഉപയോഗിക്കുന്ന ചില വസ്തുക്കൾ ഉണ്ടെങ്കിൽ കൈമുട്ടിലെ കറുപ്പ് നിറത്തിന് പരിഹാരം കാണാവുന്നതേയുള്ളൂ. 

കൈമുട്ടിലെ കറുപ്പ് നിറം അകറ്റാനുള്ള വിദ്യകൾ

• ഒരു ടീസ്പൂണ്‍ തൈരിലേയ്ക്ക് ഒരു നുള്ള് മഞ്ഞള്‍ ചേര്‍ത്തിളക്കി യോജിപ്പിക്കുക. ഈ മിശ്രിതം കൈ മുട്ടില്‍ പുരട്ടി 20 മിനിറ്റ് മസാജ് ചെയ്യാം. 
• ഒരു ടീസ്പൂണ്‍ കടലമാവിലേക്ക് രണ്ട് ടീസ്പൂണ്‍ തക്കാളി നീര് സമാസമം ചേര്‍ത്തിളക്കി യോജിപ്പിക്കുക. ഇത്  കൈമുട്ടില്‍ പുരട്ടാം. 10 മിനിറ്റ് കഴിഞ്ഞ് കഴുകി കളയുക. 
• ഒരു ടീസ്പൂണ്‍ തൈരിലേയ്ക്ക് ഒരു ടീസ്പൂണ്‍ വിനാഗിരിയോ നാരങ്ങാ നീരോ ചേര്‍ത്ത് മിശ്രിതമാക്കി കൈ മുട്ടില്‍ പുരട്ടി മസാജ് ചെയ്യാം. പതിവായി ഇങ്ങനെ ചെയ്യുന്നത് ഫലം നല്‍കും. 
• ഒരു ടീസ്പൂണ്‍ തൈരിലേയ്ക്ക് ഒരു ടീസ്പൂണ്‍ ഓട്സ് ചേര്‍ത്തിളക്കി യോജിപ്പിക്കുക.  ശേഷം ഈ മിശ്രിതം കൈ മുട്ടില്‍ പുരട്ടി മസാജ് ചെയ്യാം. 20 മിനിറ്റിന് ശേഷം കഴുകി കളയാം. 

• കറ്റാര്‍വാഴയുടെ ജെല്‍, തേന്‍ എന്നിവ സമം ചേര്‍ത്ത് ഇളക്കി യോജിപ്പിക്കുക. ഈ മിശ്രിതം കൈ മുട്ടില്‍ പുരട്ടുക.
• വെളിച്ചെണ്ണയോ,  ഒലീവ് ഓയിലോ മുട്ടില്‍ പുരട്ടുന്നതും സ്വാഭാവിക നിറം ലഭിക്കാന്‍ സഹായിക്കും.
• ബദാം പരിപ്പ് കാച്ചാത്ത പാലിൽ അരച്ചു ചേർക്കുക. തയ്യാറാക്കിയ മിശ്രിതം കൈമുട്ടിൽ പുരട്ടി മസാജ് ചെയ്യുക. ഇത് കൈമുട്ടുകളിൽ കാണുന്ന കറുപ്പ് നിറം അകറ്റാന്‍ സഹായിക്കും. 
• ചെറുനാരങ്ങ പഞ്ചസാരയില്‍ മുക്കിയതിന് ശേഷം കൈമുട്ടില്‍ നന്നായി ഉരയ്ക്കുന്നതും കറുപ്പ് നിറം മാറാന്‍ നല്ലതാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മങ്ങിയ മുഖം തിളങ്ങട്ടെ; ഈ തക്കാളി വിദ്യ ട്രൈ ചെയ്തോളൂ
• കറിവേപ്പിലയും കഞ്ഞിവെള്ളവും കൊണ്ടൊരു ഹെയർ മാജിക്
• ഉള്ളി നീര് ഉണ്ടെങ്കിൽ മുടി കൊഴിച്ചിൽ പമ്പ കടക്കും
• തലമുടി കൊഴിച്ചിൽ തടയാം, ചില കാര്യങ്ങൾ ശ്രദ്ധിച്ചോളൂ
• കഞ്ഞി വെള്ളം വെറുതെ കളയേണ്ട, തലമുടിയിൽ ഇങ്ങനെ ഉപയോഗിച്ചു നോക്കൂ