കഞ്ഞി വെള്ളം വെറുതെ കളയേണ്ട, തലമുടിയിൽ ഇങ്ങനെ ഉപയോഗിച്ചു നോക്കൂ

അടുക്കളയിൽ കളയാൻ മാറ്റി വച്ചിരിക്കുന്ന കഞ്ഞി വെള്ളത്തിന് നിരവധി ആരോഗ്യ ഗുണങ്ങളുണ്ടെന്ന് അറിയാമോ?.  കഞ്ഞിവെള്ളത്തില്‍ ധാരാളം പ്രോട്ടീനുകളും കാര്‍ബോഹൈഡ്രേറ്റുകളും അടങ്ങിയിട്ടുണ്ട്.  തലമുടി കൊഴിച്ചിലും താരൻ അകറ്റി കരുത്തുറ്റ തിളക്കമുള്ള തലമുടി വളരാനും കഞ്ഞിവെള്ളം സഹായിക്കും. കൂടാതെ തലമുടിയുടെ അറ്റം പിളരുന്നത് പ്രതിരോധിക്കുന്നു. ധാരാളം അന്നജം ഇതിൽ അടങ്ങിയിട്ടുണ്ട്. മുടിക്ക് ആവശ്യമായ പ്രോട്ടീൻ ലഭ്യമാക്കാൻ കഞ്ഞിവെള്ളം ഗുണം ചെയ്തേക്കും.

കഞ്ഞി വെള്ളത്തിൽ ധാരാളം അന്നജം അടങ്ങിയിട്ടുണ്ട്. മുടിക്കുള്ള നല്ലൊരു പ്രോട്ടീൻ ചികിത്സയാണ് ഇത്. മുടിയെ ശക്തിപ്പെടുത്തുന്ന ബയോട്ടിൻ, ഇനോസിറ്റോൾ എന്നിവയും വിറ്റാമിൻ സി, ഇ, എ തുടങ്ങിയ ധാരാളം പോഷകങ്ങളാണ് ഇതിൽ അടങ്ങിയിട്ടുള്ളത്.

എങ്ങനെ ഉപയോഗിക്കാം?

• ഷാംമ്പൂ ചെയ്തശേഷം കഞ്ഞി വെള്ളത്തിൽ മുടി കഴുകുക. ഏകദേശം 20 മിനിറ്റിനുശേഷം അത് കഴുകി കളയുക. കൂടുതൽ സമയം കഞ്ഞിവെള്ളം മുടിയിൽ നിലനിർത്തരുത്. പതിവായി ഇങ്ങനെ ചെയ്യുക.
• തലേദിവസത്തെ കഞ്ഞി വെള്ളം ഉപയോഗിച്ച് മുടി കഴുകാം. കഞ്ഞി വെള്ളം ഒഴിച്ചതിനു ശേഷം 10 മിനിറ്റ് മസാജ് ചെയ്യുക. ശേഷം വെള്ളം ഉപയോഗിച്ച് കഴുകുക. ആഴ്ചയിൽ ഒരിക്കൽ എങ്കിലും ഇങ്ങനെ ചെയ്യാം. 

• ഒരു കപ്പ് കഞ്ഞി വെള്ളത്തിലേക്ക് 20ഗ്രാം എന്ന് അളവിൽ ആവശ്യാനുസരണം ഉലുവ ചേർക്കുക. ഒരു രാത്രി അത് മാറ്റി വയ്ക്കുക. രാവിലെ അരിച്ചെടുത്ത് നനഞ്ഞ മുടിയിൽ സ്പ്രേ ചെയ്യുകയോ, ബ്രഷ് ഉപയോഗിച്ച് പുരട്ടുകയോ ചെയ്യാം. പത്ത് മിനിറ്റിനു ശേഷം കഴുകി കളയാം. 
• അലർജി സംബന്ധമായ പ്രശ്നങ്ങൾ നേരിടുന്നവർ വളരെ ശ്രദ്ധയോടെ വേണം ഉപയോഗിക്കുവാൻ. ആദ്യമായി ഉപയോഗിക്കുന്നവർ പാച്ച് ടെസ്റ്റ് ചെയ്യാൻ മറക്കരുത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ചുളിവുകൾ അകറ്റാം മുഖം തിളക്കമുള്ളതാക്കാം, മാതളം ഉപയോഗിച്ചു നോക്കൂ
• മുഖത്തെ രോമം കളയാൻ​ വീട്ടിൽ തയ്യാറാക്കാം സൂപ്പർ ഫെയ്സ് മാസ്ക്
• പാദങ്ങളിലെ വിണ്ടുകീറലിനോട് വിട പറയാം, ഇക്കാര്യങ്ങൾ ശ്രദ്ധിച്ചോളൂ
• കട്ടിയുള്ള പുരികം നേടാൻ ഇവ ട്രൈ ചെയ്തു നോക്കൂ
• റിമൂവർ ഇല്ലേ? നെയിൽ പോളിഷ് കളയാൻ ഇതാ ചില വിദ്യകൾ
• മുഖത്തെയും കവിളിലെയും കൊഴുപ്പ് കുറയ്ക്കാം; ഇതാ ചില ടിപ്സ്