ചുളിവുകൾ അകറ്റാം മുഖം തിളക്കമുള്ളതാക്കാം, മാതളം ഉപയോഗിച്ചു നോക്കൂ

മാതളത്തിന് ധാരാളം ആരോഗ്യ ഗുണങ്ങളുണ്ട്. ആൻ്റിഓക്സിഡൻ്റുകളും, വിറ്റാമിനുകളും ധാരാളം ഇതിൽ അടങ്ങിയിട്ടുണ്ട്. ഇവ ശരീരത്തിനു മാത്രമല്ല ചർമ്മത്തിനും നല്ലതാണ്. വിറ്റാമിൻ എ, വിറ്റാമിൻ സി, വിറ്റാമിൻ കെ, വിറ്റാമിൻ ബി, വിറ്റാമിൻ, ഇ എന്നിവ കൂടാതെ കാൽസ്യം, പൊട്ടാസ്യം, ഫോളേറ്റ് തുടങ്ങിയ ധാതുക്കളും മാതളത്തിൽ അടങ്ങിയിരിക്കുന്നു. 

ജ്യൂസ് തയ്യാറാക്കി കുടിക്കാനും, സാലഡിനൊപ്പവും ഈ പഴം ചേർക്കാറുണ്ട്. ഫെയ്സ്പാക്കായും ഇവ ഉപയോഗിക്കാവുന്നതാണ്. കോശങ്ങളുടെ ആരോഗ്യത്തിനും, ചർമ്മത്തിൻ്റെ ഇലാസ്തികതക്കും ഇത് ഏറെ  സഹായകരമാണ്. 

മാതളം ഉപയോഗിച്ച് ഫെയ്സ്മാസ്ക് തയ്യാറാക്കുന്ന വിധം

• രണ്ട് ടേബിള്‍ സ്പൂണ്‍ മാതള ജ്യൂസില്‍ ഒരു ടേബിള്‍ സ്പൂണ്‍ തേന്‍ ചേര്‍ക്കുക. ശേഷം ഈ മിശ്രിതം മുഖത്ത് പുരട്ടി 20 മിനിറ്റിന് വിശ്രമിക്കുക. തുടർന്ന് കഴുകി കളയാം. ചുളിവുകളെ തടയാനും പാടുകളെ അകറ്റാനും മുഖം തിളങ്ങാനും ഈ പാക്ക് സഹായിക്കും.  
• രണ്ട് ടേബിള്‍ സ്പൂണ്‍ മാതള ജ്യൂസില്‍ ഒരു ടേബിള്‍ സ്പൂണ്‍ തൈര് ചേര്‍ത്ത് മുഖത്ത് പുരട്ടുക. പത്ത് മുതൽ പതിനഞ്ച് മിനിറ്റിനു ശേഷം കഴുകി കളയുക. 
• മാതളത്തിന്‍റെ തൊലികൾ ഉണക്കി പൊടിച്ചെടുക്കുക. ഇതിലേക്ക് ഒരു ടീസ്പൂണ്‍ ഓറഞ്ച് തൊലി പൊടിച്ചതും  രണ്ട് ടീസ്പൂൺ തൈരും ചേർത്ത് നന്നായി യോജിപ്പിക്കുക. ഈ മിശ്രിതം മുഖത്ത് പുരട്ടുക. 20 മിനിറ്റിന് ശേഷം കഴുകി കളയാം. ഇത് മുഖത്തെ ചുളിവുകള്‍ അകറ്റാനും, കറുത്ത പാടുകളും, കരുവാളിപ്പും കുറയ്ക്കാനും സഹായിക്കും.
• രണ്ട് ടേബിള്‍ സ്പൂണ്‍ മാതള ജ്യൂസില്‍ ഒരു ടേബിള്‍ സ്പൂണ്‍ ഓട്സ് ചേര്‍ത്തും മുഖത്ത് പുരട്ടുന്നത് മുഖം തിളങ്ങാന്‍ സഹായിക്കും. 
• മൂന്ന് ടേബിൾസ്പൂൺ മാതളനാരങ്ങ തൊലി പൊടിച്ചതിലേയ്ക്ക്, ഒരു ടേബിൾസ്പൂൺ നാരങ്ങ നീര്, 2 ടീസ്പൂൺ റോസ് വാട്ടർ എന്നിവ ചേര്‍ത്ത് മിശ്രിതമാക്കുക. ഈ മിശ്രിതം മുഖത്തും കഴുത്തിലും പുരട്ടി 20 മിനിറ്റിനു ശേഷം കഴുകി കളയാം. മുഖത്തെ കരുവാളിപ്പ് മാറ്റാന്‍ ഈ പാക്ക് സഹായിക്കും. 

ഒട്ടേറെ ഗുണങ്ങൾ ഉണ്ടെങ്കിലും ഇത്തരം ഫെയ്സ്പാക്കുകൾ ഉപയോഗിക്കുമ്പോൾ ഏറെ ശ്രദ്ധ വേണം. അലർജി സംബന്ധമായ പ്രശ്നങ്ങൾ ഉള്ളവർ വിദഗ്ധ നിർദ്ദേശം ഇല്ലാതെ ഇത്തരം പരീക്ഷണങ്ങൾക്ക് മുതിരരുത്. ആദ്യമായി ഫെയ്സ്മാസ്ക് ഉപയോഗിക്കുമ്പോൾ തൊലിയുടെ പുറത്ത് അൽപ്പം പുരട്ടി യാതൊരു പാർശ്വഫലങ്ങളും ഇല്ലെന്ന് ഉറപ്പാക്കേണ്ടതുണ്ട്. സെൻസിറ്റീവ് ചർമ്മം ഉള്ളവർ ഉപയോഗിക്കുന്ന ചേരുവകൾ എല്ലായിപ്പോഴും ശ്രദ്ധിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുഖത്തെ രോമം കളയാൻ​ വീട്ടിൽ തയ്യാറാക്കാം സൂപ്പർ ഫെയ്സ് മാസ്ക്
• പാദങ്ങളിലെ വിണ്ടുകീറലിനോട് വിട പറയാം, ഇക്കാര്യങ്ങൾ ശ്രദ്ധിച്ചോളൂ
• കട്ടിയുള്ള പുരികം നേടാൻ ഇവ ട്രൈ ചെയ്തു നോക്കൂ
• റിമൂവർ ഇല്ലേ? നെയിൽ പോളിഷ് കളയാൻ ഇതാ ചില വിദ്യകൾ
• മുഖത്തെയും കവിളിലെയും കൊഴുപ്പ് കുറയ്ക്കാം; ഇതാ ചില ടിപ്സ്
• കഴുത്തിനു ചുറ്റുമുള്ള കറുപ്പ് നിറം മാറുന്നില്ലേ? ഈ വിദ്യ ട്രൈ ചെയ്യൂ