ഉള്ളി നീര് ഉണ്ടെങ്കിൽ മുടി കൊഴിച്ചിൽ പമ്പ കടക്കും

അടുക്കളയിൽ എപ്പോഴും കിട്ടുന്ന ഉള്ളിക്ക് ആരോഗ്യത്തിലും തലമുടിയുടെ സംരക്ഷണത്തിലും കാര്യമുണ്ട്. നിത്യവും പാചകത്തിനായി എടുക്കുമ്പോൾ അതിനെ വില കുറച്ചു കാണേണ്ട. ശരീരത്തിലെ ചീത്ത കൊളസ്ട്രോളിൻ്റെ അളവ് കുറയ്ക്കാൻ സഹായിക്കും എന്നതു പോലെ തന്നെ ധാരാളം ആൻ്റ് ഓക്സിഡന്‍റുകളും ഇതിൽ അടങ്ങിയിട്ടുണ്ട്. ഹൃദയാരോഗ്യത്തിന് ഉള്ളിയുടെ പ്രാധാന്യവും ഏറെ പ്രചാരത്തിലുണ്ട്.  

ള്ളി നീരിൽ സൾഫർ നിറഞ്ഞ സൈറ്റോകെമിക്കൽസ് അടങ്ങിയിട്ടുണ്ട്. അത് ശരീരത്തിലെ ചുളിവുകളും വാർദ്ധക്യത്തിൻ്റേതായ ലക്ഷണങ്ങളും അകറ്റാൻ സഹായിക്കും. കൊളാജൻ ഉത്പാദനം വർധിപ്പിക്കുന്ന ഘടകങ്ങളും ഉള്ളി നീരിൽ ഉണ്ട്. കൊളാജൻ ചർമ്മ കോശങ്ങളെ ആരോഗ്യത്തോടെ ഇരിക്കാൻ സഹായിക്കുന്നു. മുഖക്കുരു ഉണ്ടാക്കാൻ സാധ്യതയുള്ള ബാക്ടീരിയകളെ പ്രതിരോധിക്കുകയും ചെയ്യും. 

ഉള്ളി നീരിൽ അടങ്ങിയിരിക്കുന്ന സൾഫർ തലയോട്ടിയിലേക്കുള്ള രക്തയോട്ടം വർധിപ്പിക്കുന്നു. ഇത് മുടിയുടെ വളർച്ച വർധിപ്പിക്കുന്നു. ഒപ്പം ശിരോ ചർമ്മത്തിൽ ഉണ്ടാകുന്ന താരൻ തടയുന്നു. ഇത് മുടി കൊഴിച്ചിൽ നിയന്ത്രിക്കാൻ സഹായകരമാകുന്നു. 

തലമുടിയിൽ ഉള്ളി നീര് ഉപയോഗിക്കേണ്ട വിധം

• രണ്ട് ടീസ്പൂൺ ഉള്ളി നീരിലേക്ക് ഒരു ടീസ്പൂൺ തേൻ ചേർത്തിളക്കി യോജിപ്പിക്കുക. തലമുടിയിൽ പുരട്ടി 15 മുതൽ 20 മിനിറ്റു വരെ വിശ്രമിക്കുക. ശേഷം കഴുകി കളയുക.  തലയോട്ടിയിലെ താരൻ വരൾച്ച എന്നിവ തടയുന്നതിന് ഇത് ഉപകരിക്കും. കൂടാതെ മുടി വളർച്ച പ്രോത്സാഹിപ്പിക്കുന്നു. 

• സവാളയുടെ നീരും ആവണക്കെണ്ണയും തുല്യ അളവിൽ ചേർത്തിളക്കി യോജിപ്പിക്കുക. ഈ രണ്ട് ചേരുവകൾക്കും ആൻ്റി ഇൻഫ്ലമേറ്ററി ആൻ്റി മൈക്രോബിയൽ സവിശേഷതകളുണ്ട്. മുടി കൊഴിച്ചിൽ തടയും. കൂടാതെ കരുത്തുറ്റ പുത്തൻ മുടിയിഴകളുടെ വളർച്ചക്കും ഇത് സഹായിക്കും. 

ഉള്ളിനീരിന്റെ മണമാണ് പലർക്കും ഇഷ്ടമില്ലാത്ത ഒരു കാര്യം. ഉള്ളിനീര് മുടിയിൽ പുരട്ടിയാൽ മണം തങ്ങിനിൽക്കുമോ എന്ന് സംശയമുള്ളവരും ഉണ്ടാകും. എന്നാൽ പേടിക്കേണ്ടതില്ല, മൈൽഡ് ഷാംമ്പൂ ഉപയോഗിച്ച് തല നന്നായി കഴുകിയാൽ മണം പൂർണമായും പോവും.

അലർജി പോലെയുള്ള ആരോഗ്യ പ്രശ്നങ്ങൾ ഉള്ളവർ വിദഗ്ധ നിർദ്ദേശമില്ലാതെ ഇവ സ്ഥിരമായി ഉപയോഗിക്കരുത്. ആദ്യമായി പുരട്ടുന്നതിനു മുമ്പ് പാച്ച് ടെസ്റ്റ് നടത്തി നോക്കുന്നത് പാർശ്വഫലങ്ങളും അലർജിയും തിരിച്ചറിയുവാൻ സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തിളപ്പിക്കുന്നതിനു മുമ്പ് അൽപ്പം പാൽ മാറ്റി വച്ചോളൂ; ടാൻ അകറ്റാൻ ഉഗ്രൻ വിദ്യയുണ്ട്
• ഉരുളക്കിഴങ്ങും കറ്റാർവാഴയും നിസാരക്കാരല്ല, കഴുത്തിലെ പാടുകൾ അകറ്റാൻ ഇങ്ങനെ ചെയ്തു നോക്കൂ
• ബീറ്റ്റൂട്ട് മുതൽ മൈലാഞ്ചി ഇല വരെ, അകാല നര അകറ്റാൻ ഇതാ ചില വഴികൾ
• ഉലുവയും കഞ്ഞിവെള്ളവും ചേർന്നാൽ ഉണ്ടാകുന്ന ഗുണങ്ങൾ ഇവയാണ്
• കഞ്ഞി വെള്ളം ഇനി വെറുതെ കളയേണ്ട, തലമുടിയിൽ ഇങ്ങനെ