ബീറ്റ്റൂട്ട് മുതൽ മൈലാഞ്ചി ഇല വരെ, അകാല നര അകറ്റാൻ ഇതാ ചില വഴികൾ

തലമുടിയുടെ ആരോഗ്യവുമായി ബന്ധപ്പെട്ട കാര്യങ്ങളിൽ ഏറ്റവും അധികം പേടിസ്വപ്നമാകുന്നത് അകാല നരയാണ്. നന്നേ ചെറുപ്പത്തിൽ തന്നെ തലമുടി നരച്ചു തുടങ്ങുന്നത് ഒരാളുടെ ആത്മ വിശ്വാസത്തെ തന്നെ ബാധിച്ചേക്കാം. ഇതു മറച്ചു വെയ്ക്കാൻ മുടി കറുപ്പിക്കുന്നത് ശീലമാക്കുന്നവരും ഉണ്ട്.  

മുടി നരയ്ക്കുക എന്നത് പ്രായാധിക്യം മൂല നടക്കുന്ന ഒരു പ്രക്രിയയാണ്. ചർമ്മത്തിലെ രോമകൂപങ്ങളിൽ മെലാനിൻ എന്ന പിഗ്മെൻ്റ് അടങ്ങിയിട്ടുണ്ട്. പ്രായം ഏറി വരുമ്പോൾ ഇതിൻ്റെ അളവ് കുറയുകയും മുടിയുടെ സ്വഭാവികമായ നിറം മങ്ങിത്തുടങ്ങുകയും ചെയ്യുമെന്ന് ഡയറ്റീഷ്യനായ ലാവ്ലിൻ കൗർ പറയുന്നു. എന്നാൽ അകാല നരയുടെ പിന്നിൽ മറ്റ് വ്യത്യസ്തമായ കാരണങ്ങളുണ്ട്. ഇവ മനസ്സിലാക്കി വേണ്ട പ്രതിവിധി ചെയ്യുന്നതിലാണ് ശ്രദ്ധിക്കേണ്ടത്.

ചില പോഷകങ്ങളുടെ അപര്യാപ്തത അകാല നരയുമായി ബന്ധപ്പെട്ട് വിദഗ്ധർ ചൂണ്ടിക്കാണിക്കാറുണ്ട്. ഇരുമ്പ്, കോപ്പർ, വിറ്റാമിൻ ബി, അയോഡിൻ, ഒമേഗ 3 എന്നീ പോഷകങ്ങളുടെയും ധാതുക്കളുടെയും കുറവ് മുടി നരയ്ക്കുന്നതുമായി ബന്ധപ്പെട്ടിരിക്കുന്നുവെന്ന് പഠനങ്ങൾ പറയുന്നു. അതിനാൽ പോഷക സമൃദ്ധമായ ഭക്ഷണക്രമം ശീലമാക്കാൻ ശ്രദ്ധിക്കുക.

അകാല നര അകറ്റാൻ ചില വിദ്യകൾ

• പ്രകൃതിദത്തമായ ചില വഴികളിലൂടെ അകാലനരയെ അകറ്റാം. അത്തരത്തില്‍ ഒന്നാണ് ബീറ്റ്റൂട്ട് കൊണ്ടുള്ള പൊടിക്കൈ. ഇതിനായി രണ്ട് ബീറ്റ്റൂട്ടിന്‍റെ ജ്യൂസ്, അര കപ്പ് തേയില വെള്ളം അല്ലെങ്കില്‍ കാപ്പി, രണ്ട് ടീസ്പൂണ്‍ വെള്ളിച്ചെണ്ണ എന്നിവ ചേർത്തിളക്കി യോജിപ്പിക്കുക. ശേഷം ഈ മിശ്രിതം തലമുടിയില്‍ പുരട്ടി അര മണിക്കൂർ കഴിഞ്ഞ് കഴുകി കളയാം. 

• മറ്റൊന്ന് ഉലുവയാണ്. ഇതിനായി ഉലുവ വെള്ളത്തിലിട്ട് തിളപ്പിച്ചശേഷം തണുപ്പിക്കുക. ഉലുവ മാറ്റിയശേഷം ആ വെള്ളത്തിലേയ്ക്ക് നാരങ്ങാനീര് ചേര്‍ക്കുക. ഇനി ഇതിലേയ്ക്ക് കറ്റാര്‍വാഴയുടെ ജെല്ല് കൂടി ചേര്‍ത്ത് മിശ്രിതമാക്കി തലയില്‍ പുരട്ടാം. ആഴ്ചയില്‍ മൂന്ന് തവണ വരെയൊക്കെ ചെയ്യുന്നത് അകാലനര അകറ്റാന്‍ സഹായിക്കും. 
• ഒരു പിടി മൈലാഞ്ചിയില,  ഒരു ടീസ്പൂണ്‍ തേയില, ഒരു ടീസ്പൂണ്‍ നെല്ലിക്ക ഉണക്കിപ്പൊടിച്ചത് എന്നിവ അൽപം വെള്ളത്തിൽ കലർത്തി ഈ വെള്ളം ഉപയോ​ഗിച്ച് തല കഴുകുക. ആഴ്ചയിൽ മൂന്ന് തവണ വരെ ഇങ്ങനെ ചെയ്യുന്നത് തലമുടിക്ക് കറുപ്പ് നിറം വരാന്‍ സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഉലുവയും കഞ്ഞിവെള്ളവും ചേർന്നാൽ ഉണ്ടാകുന്ന ഗുണങ്ങൾ ഇവയാണ്
• കഞ്ഞി വെള്ളം ഇനി വെറുതെ കളയേണ്ട, തലമുടിയിൽ ഇങ്ങനെ ഉപയോഗിച്ചു നോക്കൂ
• ചുളിവുകൾ അകറ്റാം മുഖം തിളക്കമുള്ളതാക്കാം, മാതളം ഉപയോഗിച്ചു നോക്കൂ
• മുഖത്തെ രോമം കളയാൻ​ വീട്ടിൽ തയ്യാറാക്കാം സൂപ്പർ ഫെയ്സ് മാസ്ക്
• പാദങ്ങളിലെ വിണ്ടുകീറലിനോട് വിട പറയാം, ഇക്കാര്യങ്ങൾ ശ്രദ്ധിച്ചോളൂ
• കട്ടിയുള്ള പുരികം നേടാൻ ഇവ ട്രൈ ചെയ്തു നോക്കൂ
• റിമൂവർ ഇല്ലേ? നെയിൽ പോളിഷ് കളയാൻ ഇതാ ചില വിദ്യകൾ