മുഖം തിളങ്ങും, കാപ്പിപ്പൊടിയിൽ ഇവ രണ്ടും ചേർത്തു പുരട്ടൂ

കണ്ണിനടിയിലെ കറുപ്പ് നിറം, ടാൻ, എന്നിവ അകറ്റാൻ കാപ്പിപ്പൊടി ഫലപ്രദമാണ്. അതിൽ ക്ലോറോജെനിക് ആസിഡ് അടങ്ങിയിട്ടുണ്ട്. ഇത് ചുവപ്പ്, വീക്കം, ടാൻ, വരകൾ എന്നിവ അകറ്റാൻ സഹായിക്കും. ഇതിൽ അടങ്ങിയിരിക്കുന്ന മെലനോയിഡിന് ആൻ്റി ഇൻഫ്ലമേറ്ററി സവിശേഷതകളുണ്ട്.

Also Read: ഒരു സ്പൂൺ പാൽ ഇങ്ങനെ കണ്ണിനടിയിൽ പുരട്ടൂ, ഗുണങ്ങൾ ഏറെയാണ്

കഫീൻ അടങ്ങിയിരിക്കുന്നതിനാൽ അൾട്രാവയലറ്റ് രശ്മികളിൽ നിന്നും സംരക്ഷിക്കുന്നു. എന്നാൽ കാപ്പിപ്പൊടിയുടെ ചർമ്മത്തിലെ അമിതമായ ഉപയോഗം കൊളാജൻ നഷ്ടത്തിനു കാരണമാകുും. വരണ്ടതും, സെൻസിറ്റീവുമായിട്ടുള്ള ചർമ്മം ഉള്ളവർ കഫീൻ അടങ്ങിയ ഉത്പന്നങ്ങൾ ചർമ്മത്തിൽ നേരിട്ട് പുരട്ടുന്നത് ഒഴിവാക്കാം.

Also Read: മുടി കൊഴിച്ചിൽ പമ്പ കടക്കും, രാവിലെ ഈ ജ്യൂസ് കുടിക്കുന്നത് ശീലമാക്കൂ

നോർമൽ അല്ലെങ്കിൽ അമിതമായി എണ്ണ മയമുള്ള ചർമ്മമുള്ളവർക്ക് കാപ്പിപ്പൊടി ഗുണപ്രദമാണ്. ഇത് ചർമ്മത്തിൽ അടിഞ്ഞു കൂടുന്ന അഴുക്കും എണ്ണ മയവും വൃത്തിയാക്കുന്നതിന് മികച്ച എക്സ്ഫോളിയേറ്ററായി പ്രവർത്തിക്കും. ചർമ്മത്തിൻ്റെ പിഎച്ച് ബാലൻസ് നിലനിർത്തുന്നതിനും ഇത് ഫലപ്രദമാണ്. കാപ്പിപ്പൊടിക്കൊപ്പം അരിപ്പൊടി തൈര് എന്നിവ ചേർത്തുപയോഗിക്കാം.

Also Read: വേദനയില്ലാതെ ബ്ലാക്ക്‌ഹെഡ്‌സ് കളയാം ഒരു സ്പൂൺ തേൻ ഉപയോഗിച്ച്

ചേരുവകൾ

• കാപ്പിപ്പൊടി- 1 ടേബിൾസ്പൂൺ
• അരിപ്പൊടി- 1 ടേബിൾസ്പൂൺ
• തൈര്- 2 ടീസ്പൂൺ

Also Read: ടാനും മറ്റ് പാടുകളും അകറ്റി തിളക്കമുള്ള ചർമ്മം നേടാം, കടലമാവ് ഉപയോഗിക്കൂ

തയ്യാറാക്കുന്ന വിധം

• ഒരു ചെറിയ ബൗളിൽ കാപ്പിപ്പൊടിയെടുക്കാം.
• അതിലേയ്ക്ക് ഒരു ടേബിൾസ്പൂൺ അരിപ്പൊടിയും രണ്ട് ടീസ്പൂൺ തൈരും ചേർത്തിളക്കി യോജിപ്പിക്കാം.
• വൃത്തിയായി കഴുകിയ മുഖത്ത് ഇത് പുരട്ടി മൃദുവായി മസാജ് ചെയ്യാം.
  ശേഷം 10 മിനിറ്റ് വിശ്രമിക്കാം.
• ഉണങ്ങിയതിനു ശേഷം തണുത്ത വെള്ളത്തിൽ കഴുകി കളയാം.
• ഒരു പ്രാവശ്യം ഉപയോഗിക്കുമ്പോൾ തന്നെ മാറ്റം അറിയാൻ സാധിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും ഉറങ്ങുന്നതിനു മുമ്പ് ഇത് പുരട്ടൂ, ചുളിവുകളും പാടുകളും ഇല്ലാത്ത ചർമ്മം സ്വന്തമാക്കാം