ഒരു സ്പൂൺ പാൽ ഇങ്ങനെ കണ്ണിനടിയിൽ പുരട്ടൂ, ഗുണങ്ങൾ ഏറെയാണ്

ഇന്നത്തെ  മടിപിടിച്ച ജീവിതശൈലി, ഉറക്കക്കുറവ്, സ്‌ക്രീൻ കാണുന്നത് തുടങ്ങി സമ്മർദ്ദം വരെ കണ്ണുകൾക്ക് താഴെയുള്ള കറുത്ത പാടുകൾ ഉണ്ടാകുന്നതിന് കാരണമാകുന്നു. മുഖത്ത് ക്ഷീണവും പ്രായവും തോന്നിപ്പിക്കുന്ന ഈ കറുത്ത പാടുകൾ സ്ത്രീകൾക്ക് മാത്രമല്ല, പുരുഷന്മാർക്കും ഒരു പ്രധാന ആശങ്കയാണ്.

Also Read: പിങ്ക് നിറത്തിലുള്ള സോഫ്റ്റ് ചുണ്ടുകൾ നേടാൻ ഇനി ഒരു നുള്ള് പഞ്ചസാര മതി

ഈ പ്രശ്നം പരിഹരിക്കാൻ പലരും മേക്കപ്പ്, ക്രീമുകൾ, തുടങ്ങി ചിലവേറിയ ട്രീറ്റ്മെൻ്റുകൾ എന്നിവ കണ്ണിടനയിലെ കറുപ്പ് അകറ്റാൻ തിരഞ്ഞെടുക്കാറുണ്ട്. എന്നാൽ ഇവയ്ക്കു പകരം സ്വയം ചെയ്യാവുന്ന ചില പൊടിക്കൈകൾ പരീക്ഷിക്കാം.

ചേരുവകൾ

• പാൽ - 1 ടേബിൾസ്പൂൺ
• കാപ്പിപ്പൊടി - 1 ടീസ്പൂൺ
• മഞ്ഞൾ - ഒരു നുള്ള്
• തേൻ - 1/2 ടേബിൾസ്പൂൺ

Also Read: ടാനും മറ്റ് പാടുകളും അകറ്റി തിളക്കമുള്ള ചർമ്മം നേടാം, കടലമാവ് ഉപയോഗിക്കൂ

തയ്യാറാക്കുന്ന വിധം

• ഒരു ചെറിയ ബൗളിൽ ഒരു ടേബിൾസ്പൂൺ പാലെടുക്കാം.
• അതിലേയ്ക്ക് ഒരു ടീസ്പൂൺ കാപ്പിപ്പൊടി, ഒരു നുള്ള് മഞ്ഞൾപ്പൊടി, അര ടേബിൾസ്പൂൺ തേൻ എന്നിവ ചേർത്തിളക്കി യോജിപ്പിക്കാം.
• വൃത്തിയായി മുഖം കഴുകിയതിനു ശേഷം തയ്യാറാക്കിയ മിശ്രിതം പുരട്ടാം.
• 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. മികച്ച ഫലങ്ങൾക്കായി 3 തവണ ഉപയോഗിക്കാം. 

View this post on Instagram

A post shared by Mansi Sagar (@mansiisagar2000)

ഗുണങ്ങൾ

• ചർമ്മം മൃദുവാക്കാനും ഈർപ്പം തടഞ്ഞു നിർത്തുവാനും പാൽ സഹായിക്കം. 
• കാപ്പിപ്പൊടി നിറം മെച്ചപ്പെടുത്തുകയും രക്തചംക്രമണം വർധിപ്പിക്കുകയും ചെയ്യും. ഇത് വീക്കം കുറയ്ക്കാൻ സഹായിക്കും. 
• മഞ്ഞൾപ്പൊടി വീക്കം കുറയ്ക്കനും ചർമ്മത്തിന് തിളക്കം നൽകാനും സഹായിക്കും. 
• ചർമ്മം വരണ്ടു പോകുന്നതു തടയാൻ തേൻ സഹായിക്കും. 

Also Read: ഒരു മുറി തക്കാളി നൽകും അഴകുള്ള ചർമ്മം, ഇത്രമാത്രം ചെയ്താൽ മതി

ഇക്കാര്യങ്ങൾ ശ്രദ്ധിക്കാം

കണ്ണിനു ചുറ്റും ഇവ പുരട്ടുക. കണ്ണിനകത്ത് പോകാതിരിക്കാൻ ശ്രദ്ധിക്കാം. പാച്ച് ടെസ്റ്റ് ചെയ്ത് അലർജി ഇല്ലെന്ന് ഉറപ്പാക്കിയതിനു ശേഷം മാത്രം ഇത് സ്ഥിരായി ഉപയോഗിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:കക്ഷത്തിലെ കറുപ്പ് നിറം അകറ്റാം ദിവസങ്ങൾക്കുള്ളിൽ, ഈ രണ്ട് ചേരുവകൾ മതി